Ditẹrọnọmị 11:8 - FỊAFỊA BAỊBỤLỤ

⁸ Ọmịnị anịẹrẹsị oloko mamgba tẹ mịmgba à tọn ọ́ pịrị aị ma koko ḅa, mịẹtẹ ọmịnị ịnyọ nyana, tẹ sọ-mu tẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ọkị nyana ḅẹ ḅara.

Ditẹrọnọmị 11:8 Iomraidhean Croise

Devidi-Anume 138:3

Àrị ị́ sịn sakị ị́ ị̀ ḅịḅị ọkị; ị́ ị́ ịnyọ kẹ ị̀ mịẹ kuromam.

Paka-so 20:12

Ọmịnị ọmịna aḍapụ na ọmịna iyingiapụ na kụn, mịẹtẹ ọ́ nangwọ ḍumo kọn ḅẹ ḅara ama mẹ tẹ yẹrị KỊNỊNYANAḄỌ ọmịna Tamụnọ ḅe kẹ ọ́ pịrịarị ama mẹ ḅio.

Ayịzaya 40:31

Kụma ini ma tẹ ḅarasụa gotẹ KỊNỊNYANAḄỌ ḅe kẹ ḅiokpọmarị apụ ma ḍọkị nimi ḅa ini ịwọ ịnyọ sụa tẹ. Ini igo fiin iwo tẹ ịwọ ịnyọ nyana ḅara kẹ naa sakị ḅa; ịn mangị ḅa tẹ ịn ḅụụ-lọkọ ḅịa; ịn mẹnjị ḅa tẹ ịnyọ ịna ḅụụ fa ḅịa.

Danẹlị 10:19

Ori mẹẹ, “Tamụnọ ị̀ ḅẹlẹmarị, anie ḅụ ḍụkụ tẹ gberie-sọ ị́ ḅụụ-ḅalaḅalama ma anịanịa ị́ tẹmẹ-naịn-naịnma.” Ò miemẹ ḍuko sakị, ị̀ ḅụụ-ḅio à nimi tẹ mịnẹ à pịkị osi ḅara nẹngị tẹẹ ḅẹẹm, Ị̀ nyanaḅọ, í ḍuko ḅẹ-ḅiiarị ye mẹ ḍuko ị̀ pịrịị. Ị́ ị̀ mịẹ tẹ ị̀ ḅụụ iḅi tarị ḅara nẹngị tẹẹ.

Ẹfisọsị 3:16

À tẹkẹarị mịnẹ Tamụnọ, ori opu ebube mẹ ḅụ, ọ̀ Tẹmẹ ḅụ ḅọrọ tẹ kụrọ kẹ ọ́ pịrị tẹ ọmịnị ọmịna aḅụụ ḅio ḅụ ịnyọ nyana,

Ẹfisọsị 6:10

Kunoma ye, ọmịnị ịnyọ sụa ḅinma, KỊNỊNYANAḄỌ ḅe na gbọrụ ḅụ sime na ori opu kụrọ mẹ ḅụ sịrẹrẹ na ḅụ.

Ditẹrọnọmị 11:7

Kẹ gotẹ ọkọ ḅẹẹarị, ọmịna atọrụngbọ KỊNỊNYANAḄỌ ḅe gburo-gburotẹ kọrịnama mẹmgba tẹ ọ̀ kọrị ye mẹ ẹrị tẹ.

Ditẹrọnọmị 28:47

Gbala ọ́ tọnwa ḅara kẹ ye mamgba nyana ye ẹrẹsị ó ḍereku na, ḅioḅẹngbọ ḅẹ ḅioḅẹlẹ na ḅụ fịrịmẹnjị kẹ KỊNỊNYANAḄỌ ọmịna Tamụnọ ḅe pịrị-a.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

Ditẹrọnọmị 4:14

KỊNỊNYANAḄỌ ḅe anị sakị mẹ ḅụ tọn ị̀ pịrịm à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma, mịẹtẹ ama mẹ tẹ ọ́ saḅa-ḅọrọ mu nyana ḅẹ muarị ama mẹ ḅio ọmịnị arị mịẹ ḅẹ ḅara.

Filipayị 4:13

Kịrayịsị kẹ ị̀ pịrịarị kụrọ ḅụ, àrị ịnyọ nyana tẹ kẹ ḅo ị̀ laarị aị mamgba da-tolu ḅa.

Kọlọsị 1:11

Ori ori ebube opu kụrọ mamgba ḅụ ịnyọ kẹ ọ́ pịrị tẹ ọmịnị iḅiọkụ ye-inema alama, tẹ ḍereku ḅara