Ditẹrọnọmị 11:2 - FỊAFỊA BAỊBỤLỤ

² Anịsakị ọ́ mịmgba mẹ kẹ kuroma ḅụ suu (arị ẹkwẹn ọmịna awọmẹ tẹ amụ anị nimi, anịanịa anị ẹrị-a apụ ma pịrị-a ḅẹ sakị) ọ́ KỊNỊNYANAḄỌ ọmịna Tamụnọ ḅe ḅioḅẹngbọ na, ye-mịẹ-ḅara na datụkụma mẹ na, ọ̀ ḍụḅa la ḅara na, ori opu na, ọ̀ kụrọ nyanatẹ opu ḅara mẹ na, ọ̀ sụụn-paka tẹ ḅara-kọngọ mẹ na,

Ditẹrọnọmị 11:2 Iomraidhean Croise

Devidi-Anume 136:12

ọ̀ kụrọtẹ ḅara mẹ na ori opu ḅara-kọngọ na ḅẹ; ọ̀ ḅẹlẹma sime gbamasom.

Paka-so 6:6

Anịẹrẹsị Izirẹlịapụ ma ḅẹẹ, ‘Yẹrị anie KỊNỊNYANAḄỌ ḅee, anịsakị arị Ijiputi ḅẹ apụ ma dogi-aị ma suku-ḅio ḅụ ọ́ pakama-ḅo ḅa tẹ arị ọ́ ḍụa-ḅọrọma ḅa ịna omoni ḅara mẹ ḅio, sụụn-pakatẹ ḅara-kọngọ na, gburo-gburotẹ opu ḅẹrẹkọn amịẹaị mịẹ ḅara na à nwẹn kẹ ọ́ pakịrị ọkị ḅa;

Egberima-Ẹkwẹn 22:19

À ḅiiarị ị́ Tamụnọ kẹ ḅiokpọma. Anie mie à gotẹ arị ḍuko ị́ pịrị ḅẹ-yearị mịọkụ.

Ayịzaya 53:5

Kụma wamịna asi ma mie ye gotẹ ọ̀ la yee, wamịna mịẹ si mịẹ ye ẹrẹsị ini ò fomu kọsịmam. Ọ̀ da fomu-ḅara mẹ ḅụ wa ḅọrọtẹ gwọọm, ịn kẹ ḅei-ḅeima ò fomu tẹ ọ̀ daa-ọkị aị ma mịẹ tẹ wamịna ḅụụ iḅim.

Fịrịmẹnjịapụ 26:22

Kụma ḅo mịmgba la sọ Tamụnọ ḅarasụa ị̀ pịrịarị, mie à kẹ mịanga sịẹ tẹ ḅẹrẹ-kiri sime-ḅọ ḅara ḅụ ẹkwẹn opu na kala na pịrịarị gbọrụ ḅara. Ịkịankoroapụ ma na Mozizi na ḅẹẹm paka ḅa ḅẹẹ ye mẹ mie à pịkị ḍukoarị;

Ditẹrọnọmị 29:10

Ọmịna afuro ma ḅẹ sịḅịdapụ ma-o, ọmịna omongiapụ ma-o, ọmịna opu fịrịmẹnjịapụ ma-o, Izirẹlị ḅẹ owiapụ mamgba mịmgba ọ́ KỊNỊNYANAḄỌ ọmịna Tamụnọ ḅe tọrọkọ sịẹsime wararị,

Ditẹrọnọmị 3:24

Yei KỊNỊNYANA-TAMỤNỌ, ị́ ḍụḅa mẹ na, í opu ḅara mẹ na mie ị́ paa kẹ saakị ị́ fịrịmẹnjịḅọ ḍie tẹ ye, kẹ gotẹ ọkọ ḅẹẹarị, tọ oru-tamụnọ So-ḅio anịanịa kiri ḅio emi tẹ inetẹ ị́ akọrịnama ma na, ị́ mịẹ opu aị ma na mịẹ ḅẹ?

Ditẹrọnọmị 4:34

Anịanịa jen ene tọ gbọrụ oru-tamụnọ mu jen opu sịẹ ogboku gbọrụ opu sịẹ ọkị amịna ḅụụ pịrị ḅara kẹ ye mịẹ tẹ tọnwa daaḍiki ḅụ na, tọnwa elekima ḅụ na, tọnwa ḅụụ-gbiripuma-aị ḅụ na, ọmụ ḅụ na, kụrọ na ịnyọ na, gburo-gburotẹ atẹmẹ-naịn-naịn ḅụ na; KỊNỊNYANAḄỌ ọmịna Tamụnọ ḅe ọmịna tọrụ-ogbo ḅụ wẹrịtẹ mịẹ ọ́ pịrị ḅara mamgba Ijiputi ḅụ?

Ditẹrọnọmị 5:24

tẹ ọ́ ḅẹẹm: Ḍikii, KỊNỊNYANAḄỌ wamịna Tamụnọ ḅe ori ebube na, ori opu na kẹ wa ḍie tẹẹ, tẹ wa pịkị ọ̀ pọkọ naa tẹ kọrị fịnị mẹ ogboku, mịmgba wa Tamụnọ tomḅọ na ẹkwẹn tẹ tomḅọ paa ḍumo-sime wararị ẹrị tẹ.

Ditẹrọnọmị 7:19

Gburo-gburotẹ adaa-ḍiki ma na, elekima ma na, ḅụụ-gbiripuma aị ma na, kụrọ nyanatẹ opu ḅara mẹ na, sụụn paka tẹ ḅara-kọngọ mẹ tẹ KỊNỊNYANAḄỌ ọmịna Tamụnọ ḅe kẹ ọ́ pakama-ḅo ye mẹ tẹ ọmịnị ẹrị ye mẹ kẹ ḅiokoroma ḅa; mị ḅara mie KỊNỊNYANAḄỌ ọmịna Tamụnọ ḅe kẹ tomi-kụlọkụlọ ma tẹ ó ḍiki-ḅalafarị apụ ma mịẹ ḅarị ḅara.

Ditẹrọnọmị 8:19

Anịsakị ọ́ nwẹnị KỊNỊNYANAḄỌ ọmịna Tamụnọ ḅẹ kẹ ḅioḅọrọma tẹ oru-atamụnọ ḍukamẹnjị, tẹ fịrịmẹnjị ịn pịrị, tẹ sunsin ịn pịrị-pịrị, à mịmgba ḅụ tẹmẹ-la ḅara kẹ ọmịna ḅeri nụnụarị mịnẹ karakara-ḅara-ḅụ ọ́ fịị faa ḅa.

Ditẹrọnọmị 9:26

Tẹ à nwẹnị KỊNỊNYANAḄỌ ḅe tẹkẹ: Yei KỊNỊNYANA-TAMỤNỌ, ị́ atomi tẹ ị́ kẹ ínye mịẹ tẹ apụ ma, inima tẹ ị́ í opu ḅụ pakịrị ọkị tẹ apụ ma, inima tẹ Ijiputi ḅụ ị́ kụrọ nyanatẹ opu ḅara kẹ ọkị-ḅo tẹ apụ ma ḅaa fama ma ị́ na.

Jọsụwa 24:31

Jọsụwa ene mamgba ḅụ na, omongiapụ ma tẹ kpọọ Jọsụwa nẹngị tẹ kọrịnama mẹ tẹ KỊNỊNYANAḄỌ ḅe kọrị Izirẹlị pịrị ye mẹmgba nimi tẹ apụ ma ene mamgba ḅụ Izirẹlị fịrịmẹnjị KỊNỊNYANAḄỌ ḅe pịrịm.