Ditẹrọnọmị 11:16 - FỊAFỊA BAỊBỤLỤ

¹⁶ Ọmịnị ọmịna aḅụụ ẹbị anieofori ịn ḅofa oḅori kẹ ọmịna ḅioḅẹngbọ sịn, tẹ ọ́ tọrụ pịkị akaka da tẹ fịrịmẹnjị oru-atamụnọ pịrị, tẹ sunsin ịn pịrị,

Ditẹrọnọmị 11:16 Iomraidhean Croise

1 Amadapụ 8:35

“Ị́ atomi ma ị́ ḅụụ si mịẹ tẹ ẹrẹsị í nwẹnị eene mẹ ọlọ-sịẹma, anịtẹso ịn nwẹnị si ḅụ pịkị tẹ tọrụ kẹ mị Tamụnọ tẹkẹ-warị mẹ da tẹ simini ḅara ḅụ ị́ tẹkẹ sakị goyegoye,

Jobu 31:27

tẹ ì ḅioḅẹngbọ ḅọị ḅara kẹ anị sọlịma tẹ, tẹ arị ị̀ ḅara nọnjị tẹ ḅẹḅẹ;

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Luku 21:36

Sakị mamgba ọmịnị ẹbị tẹ tẹkẹẹ, ọmịnị ịnyọ nyana tẹ paka ḅe aị mamgba da-tolu tẹ ḅo Tomḅọ Tụḅọ ḅe tọrọkọ sịẹ ḅarị ḅara.”

Luku 21:8

Jizọsị mẹẹ, “Ọmịnị ẹbịị, ó mininitẹ kịnị oḅori kẹ ọ́ sịn ma. Tọnwa apụ ị̀ ẹrẹ kẹ ḅo tẹ ḅẹẹ ḅa, ‘Yẹrị anie Kịrayịsị ḅee!’ Ịn pịkị ḅẹẹ ḅa, ‘Sakị mẹ laa tẹ!’ Kụma ọmịnị ịn ḍuka-mu ma.

Ditẹrọnọmị 12:30

ọ́ ḅụụ ẹbị, mịẹtẹ ini ọmịna tọrọkọ ịn ḅaa tẹrẹmẹ ini ọ́ tuu koroma tẹ ọmịnị ịn ḍukamẹnjị ma, anieḅụ ịna oru-atamụnọ ma gboloma ye gbela: Ndẹẹ mịna opu asịẹ ma fịrịmẹnjị ịna oru-atamụnọ ma pịrịarị ḅara, mịẹtẹ yẹrị sọ ọkọ mịẹ ḅẹ ḅara?

Ditẹrọnọmị 13:3

ọmịnị anị ịkịankoroḅọ ḅe anịanịa anị ḍawọ-puuḅọ ḅe ẹkwẹn-aḅịḅị poki ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọ́ daaḍikiarị, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅoto.

Ditẹrọnọmị 17:3

tẹ mu tẹ fịrịmẹnjị oru-atamụnọ, anịanịa ịrụa mẹ, anịanịa akalụ mẹ, anịanịa, ḅẹẹye-ḅẹẹye tẹ So-ḅio sime ye tẹ à tọn-tọn-aị ma pịrị tẹ sunsin ịn pịrị,

Ditẹrọnọmị 28:14

tẹ ọmịnị ẹkwẹn-aḅịḅị ma tẹ mịmgba à tọn ọ́ pịrị aị ma ḅụ tọrụ-pịkị ama-ḅara, anịanịa ere-ḅara da tẹ mu fịrịmẹnjị oru-atamụnọ pịrị ḅẹ kẹ arị ḍukamẹnjị-a ḅẹḅẹ.

Ditẹrọnọmị 29:17

tẹ ọmịnị ịn sịn na, ḍụḅarị na kẹ kara, seleḅa na, golu na kẹ tẹmẹ wararị akpokobịa, ḍiki-ḅioḅu na-iḅi aị ma tẹ ịna ogboku sime aị ma ẹrị tẹ.

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Ditẹrọnọmị 30:17

Kụma ọmịna ḅioḅẹngbọ pịkị-so tẹ ọ́ naa-a, kụma sunsin oru-atamụnọ pịrị, tẹ fịrịmẹnjị ịn pịrị ḅẹ ẹrẹsị ọ́ nụnụ so-so,

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 5:7

Ì sikima tẹ ọ́ sunsin oru-atamụnọ pịrị ma.

Ditẹrọnọmị 8:19

Anịsakị ọ́ nwẹnị KỊNỊNYANAḄỌ ọmịna Tamụnọ ḅẹ kẹ ḅioḅọrọma tẹ oru-atamụnọ ḍukamẹnjị, tẹ fịrịmẹnjị ịn pịrị, tẹ sunsin ịn pịrị-pịrị, à mịmgba ḅụ tẹmẹ-la ḅara kẹ ọmịna ḅeri nụnụarị mịnẹ karakara-ḅara-ḅụ ọ́ fịị faa ḅa.

Hiburu 12:15

Ọmịnị ọḅụ pịkị Tamụnọ ḍiki-ḅụụjịrị mẹ gbin mẹ ẹbịị. Yee gbọrụḅọ-sọ akụarị sịn sọ tẹ so-paka tẹ anị ḅẹ akụ mẹ ḅo tọnwa-apụ sima ma.

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.

Hiburu 3:12

Ị̀ na sọ tẹ Kịrayịsị mininiarị apụ, ọmịnị ẹbị, mịnẹ ọmịna ḅụ gbọrụḅọ-sọ ọkọ sime minini-a si ḅioḅẹngbọ nyana tẹ ọḅụ pịkị ḍumo wararị Tamụnọ ḅe gbin-a.

Hiburu 4:1

Mịọkụ, Tamụnọ minini wa pịrị tẹ, mịnẹ ò ḍuko wararị ịnyọsara mẹ wamịna ḅara la ḅa. Ọkọẹrẹsị, ó yee wa ẹbị, mịnẹ ọmịna ḅụụ gbọrụḅọ-sọ Tamụnọ minini ịnyọsara mẹ nyana-a som.

Jemụsị 1:26

Tụḅọ emi tẹ ḅẹẹarị mḅọ Tamụnọ nimi wararị? Mḅọ amịna ḅẹlẹ ọlọ-a ḅẹḅẹ, mḅọ Tamụnọ nimi mẹ ye ḅụ ofori, tẹ mḅọ pịkị oḅori kẹ amịna ḅụụ sịn-arị.

1 Jọnị 5:21

Ị̀ awọmẹ, ọmịnị ọmịna ḅụụ wẹrị ḅelemaa oru nimi amịẹaị ḅụ.

Mịẹfinji 12:9

Tẹ in So-ḅio anị mamataḅaye ologboingboin opu daragọnị ḅe sukuruma pakamam — anie elemu sakị ḅẹ ododo ḅe, tẹ in Si-ḅọ, anịanịa Ekwesu, kẹ sịn ḅọ ḅe, tẹ oḅori kẹ bebe tomikiri mẹ sịn sime ḅọ ḅe. Ini ò sukuruma iderima tomikiri ḅụ koromam, ori na ori enjẹlị ma na.

Mịẹfinji 13:14

Tẹ in minini ọ̀ pịrị tẹ, kịnị-ḅaaḅa tarị opu nama ḅe tọrọkọ ọ̀ mịẹ ḅụụ-buama-aị ma ḅụ, ḅọrọtẹ oḅori kẹ tomikiri ḍumo sime apụ mamgba sịnm. Kịnị ḅaa, ḅaa opu nama ḅe nwẹnị ḍuko ịn pịrị, mịnẹ ịn fụḅara pakama tẹ kẹ kịnị-ḅaaḅa opu nama ḅe, tẹ ogie ịnọ ḅụ ḅọrọtẹ fịị ḅẹ tọn tẹ, pịkị ḍumo ḅọ ḅe kụn.

Mịẹfinji 20:4

Anịtẹso à pịkị tọnwa emine ẹrịm, tẹ ịn kụrọ kẹ arị ọgọnọ lẹgị apụ ma pịrịm mịnẹ ịn kẹ ḅẹrẹ kọn. À pịkị Jizọsị ḍie-pakama karakara mẹ na Tamụnọ ẹkwẹn mẹ na ḍuko wasamam ẹrẹsị ịn ḅaa tẹ apụ ma atẹmẹ ma sọ ẹrịm. Ini ma amụ ịn sunsin kịnị ḅaa, ḅaa opu nama ḅe na ọ̀ fụḅara mẹ na pịrị-a, ori elekima mẹ sọ amụ ịn kẹ ịna afụḅara ḅọkọ anịanịa ịna aḅara ḅụ sụa-a. Ịn fị-ḅụ-saakị tẹ Kịrayịsị na sọ tẹ kụra maa ẹndẹ oyia asi finji kẹ ama-da tẹ ḅẹrẹtọnm.

1 Samụẹlị 12:20

Samụwẹlị nwẹnị tomi ma ḅẹẹ, “ọ́ ḅalafa ma, mị siye mẹmgba sọ ọ́ nwẹn mịẹ tẹẹ, anịsọ ọ́ KỊNỊNYANAḄỌ ḅe ḍukamẹnjị tọrụ pịkị akaka da ma, kụma ọmịnị ọmịna ḅioḅẹngbọ mẹmgba kẹ fịrịmẹnjị KỊNỊNYANAḄỌ ḅe pịrịị;

1 Samụẹlị 12:21

tẹ tọrụ pịkị akaka ḅio papaa aị ma tẹ sọye mịẹ ọ́ pịrị, anịanịa ọ́ ḅọrọma ḅịa aị ma ḍiki ma, kẹ gotẹ ọkọ ḅẹẹarị, arị aị ma anie papaa aị.