Ditẹrọnọmị 11:11 - FỊAFỊA BAỊBỤLỤ

¹¹ kụma ama mẹ tẹ ọ́ saḅa-ḅọrọ tẹ ọkị nyana ḅẹ muarị ama mẹ anie tụndụ na, tụndụ ogboku na tẹ So-ḅio ḅẹ eene-minji sararị anga.

Ditẹrọnọmị 11:11 Iomraidhean Croise

Suku-saakị 27:28

Yee Tamụnọ So-ḅio ḅẹ igirigi mẹ ḅụ ye kẹ ị́ pịrị, pịkị kiri mẹ ḅẹ ḅẹlẹkị mẹ na ḅụ, tẹ tọnwa ḅara kẹ mgbọlụ na, iru na kẹ ị́ pịrịị.

Devidi-Anume 68:9

Ị́ mịẹ tẹ eene opuma korom, tẹ í ye pakama-a kiri mẹ ḅo ye pakama;

Ayịzaya 28:1

Izirẹlị ḅẹ ama-da kiri mẹ fa tẹ! Anị ḅẹ ebube mẹ iru ḅuu tọrụ-ḅaamatẹ ḅẹrẹtọn apụ asịḅị ḅụ sime tẹ fịlawa ama-da sun kịka tẹ ḍisiarị. Ịna ḅụụ-gelema asịḅị ma ḅụ ịn kụnụaị kẹ sara lama wararị, kụma anịanga iru ịn ḅaa ḅọlọlọma wararị.

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Izikẹlị 36:4

Mie ḅụ, ọmịnị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ye pokii — ọmịnị tụndụ ma na, kala-tụndụ ma na, ḍawọ ma ma, tụndụ asuku ma na, ọmịnị kaan-sara simearị ayọ ma na, pịkị ọmịnị kịnị mangị-so famatẹ opu ama ma tẹ ikelema-koro wararị asịẹ ma fọịntẹ opu ama ma.”

Ditẹrọnọmị 11:10

Kẹ gotẹ ọkọ ḅẹẹarị, ama mẹ tẹ ọmịnị ọkị nyana ḅẹ muarị ama mẹ anị Ijiputi ḅẹ ama mẹ tẹ ó sime tẹ ḅo ama mẹ sime-ḅara sime-a, anịanga mẹ tẹ ọ́ sịnmgbọlị, ọgụ ḍụọ pembe ye ḍiḅi tẹ ḅụọ kẹ mẹnjị-mẹnjị tẹ minji kẹ arị suku sara sara ye mẹ;

Hiburu 6:7

Eene koro, koro tẹ eene-minji mẹ mẹnị ọkị tẹ, iḅi ḍiḅi aị pakama-ḅo arị ḍiḅi apụ pịrịarị kiri, anie Tamụnọ bomatẹ kiri.