Ditẹrọnọmị 11:10 - FỊAFỊA BAỊBỤLỤ

¹⁰ Kẹ gotẹ ọkọ ḅẹẹarị, ama mẹ tẹ ọmịnị ọkị nyana ḅẹ muarị ama mẹ anị Ijiputi ḅẹ ama mẹ tẹ ó sime tẹ ḅo ama mẹ sime-ḅara sime-a, anịanga mẹ tẹ ọ́ sịnmgbọlị, ọgụ ḍụọ pembe ye ḍiḅi tẹ ḅụọ kẹ mẹnjị-mẹnjị tẹ minji kẹ arị suku sara sara ye mẹ;

Ditẹrọnọmị 11:10 Iomraidhean Croise

Ayịzaya 19:10

ḅịtẹ-ḍoriapụ na ḅara-ḍịntẹ kọrịnama-kọrịapụ na ḅarị mịẹ-mịẹ ọkụ ofori tẹ ḅụụ-ḅalaḅala ḅa.

Ayịzaya 37:25

Í ḅụụ bomam mịnẹ ja amakiri ḅụ í suḅe soku, soku tẹ ḍuu ḅuu tẹ, tẹ ị́ pịkị ḅẹẹm mịnẹ ị́ ọmụapụ ḅụọ kẹ Nayịlị Tọrụ mẹ nanga samụnọ kiri mịẹm.

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Zẹkaraya 14:18

Ijiputi-ḅẹ-apụ ma Obokoro-obokoro-obokoro Alalị mẹ fị ḍụkụ-a ḅẹḅẹ, anị sakị ḅụ KỊNỊNYANAḄỌ kẹ mu ḍụkụ-a sịẹ goyegoye fịrịma ḅarị gbọrụ obi mẹ ḅo ịn la ḅa.

Ditẹrọnọmị 11:11

kụma ama mẹ tẹ ọ́ saḅa-ḅọrọ tẹ ọkị nyana ḅẹ muarị ama mẹ anie tụndụ na, tụndụ ogboku na tẹ So-ḅio ḅẹ eene-minji sararị anga.

Ditẹrọnọmị 11:9

Mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma na, ịna aḅụụ paka-ḅo apụ ma na pịrị ḅẹ ama mẹ ḅio ó ḍumo alama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio.

Ditẹrọnọmị 8:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị ọkị-ḅo ḅuu-minji tụndụ ogboku na, tụndụ na ḅụ ngụngụḅa na, minji wara-warama sara tẹ tọnwa akuroro pakama wararị iḅi ama ḅio sụarị;