Ditẹrọnọmị 10:8 - FỊAFỊA BAỊBỤLỤ

⁸ Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Ditẹrọnọmị 10:8 Iomraidhean Croise

1 Amadapụ 8:6

Anịtẹrẹmẹ agbamịẹapụ ma Ọḅọkụ-Igbe mẹ dogi tẹ kẹ Tamụnọ-warị mẹ ḅio Fịafịa-tẹịn Yọ mẹ ḅụ Sẹrubimu ma suku-ḅio koromam.

1 Paka-aị 15:2

Anịtẹso Devidi nwẹnị ḅẹẹ, “Livayị furo-ḅẹ-apụ sikima ja apụ Ọḅọkụ-Igbe mẹ dogi ḅịa, kẹ gotẹ ọkọ ḅẹẹarị, KỊNỊNYANAḄỌ ḅe ịn sẹlẹ-ọkịm ini KỊNỊNYANAḄỌ ḅe Ọḅọkụ-Igbe mẹ dogi tẹ fịrịmẹnjị ọ̀ pịrị gbamaso.”

1 Paka-aị 15:26

Kẹ mịẹ tẹ Tamụnọ ḅarasụa KỊNỊNYANAḄỌ ḅe Ọḅọkụ-Igbe mẹ dogi ḅe Livayị furo-ḅẹ-apụ ma pịrị ḅẹ ẹrẹsị ịn sọnọma owi-anambulo na, sọnọma ejimina na kẹ agba mịẹm.

1 Paka-aị 23:13

Amịramụ owiapụ-awọmẹ anie Erọnị, Mozizi na. Erọnị ini ò sikima kẹ fịafịa tẹịn aị ma mịẹ fịafịa ma pịrịm, mịnẹ ori na ori owiapụ-awọmẹ na sime KỊNỊNYANAḄỌ ḅe tọrọkọ kụnụaị dọkịma pịrị gbamaso ḅa.

1 Paka-aị 23:26

Anieḅụ Livayị furo-ḅẹ-apụ ma ḅarị jen kẹ Ọḅọkụ-Igbe mẹ koko akpụrụ-warị mẹ, anịanịa kẹ anị ḅụ kọrịnama-kọrịaị ma dogi mẹnjịma ḅọrọ ḅẹ ofori.”

2 Paka-aị 29:11

Ì owiapụ-awọmẹ, mịọkụ ọ́ ḅarị fịrị-sụgba ma, kẹ gotẹ ọkọ ḅẹẹarị, KỊNỊNYANAḄỌ ḅe ọ́ sẹlẹ-ọkị tẹ ọmịnị ọ̀ tọrọkọ sịẹ, tẹ fịrị mẹnjị ọ̀ pịrị ḅe ḅara, anịsakị ọmịnị ori afịrịmẹnjịapụ sọ tẹ kụnụaị dọkịma-dọkịma ọ̀ pịrị ḅa.”

2 Paka-aị 30:27

Anịtẹso agbamịẹapụ ma na, Livayị furo-ḅẹ-apụ ma na nwẹnị saakị tẹ tomi ma boma, tẹ KỊNỊNYANAḄỌ ḅe nwẹnị ịna pọkọ naa, tẹ ịna tẹkẹ ḅo So-ḅio ọ̀ fịafịa sime yọ lam.

Devidi-Anume 134:1

Ó ḅo KỊNỊNYANAḄỌ ḅe tokinii, ori afịrịmẹnjịapụ mamgba, ọmịnị-mgba tẹ ọ̀ warị ḅio ḍin ḅụ fịrịmẹnjịarị apụ.

Devidi-Anume 134:2

Ọ́ ḅara saakị-gelemaa ọ̀ Warị mẹ ḅio, tẹkẹ ḅụ, tẹ KỊNỊNYANAḄỌ ḅe tokinii!

Devidi-Anume 135:2

anie KỊNỊNYANAḄỌ Warị mẹ ḅio sịẹsimearị apụ ma, wamịna Tamụnọ-warị mẹ ḅio.

Jerimaya 15:19

Miemẹ KỊNỊNYANAḄỌ ḅe pakịrịm, “Ị́ pịkị-ḅo ḅẹḅẹ, à siin ị́ ọkị ḅa, tẹ ị́ pịkị siin ị̀ fịrịmẹnjịḅọ sọ ḅa. Ị́ nwẹnị nimi ofori ẹkwẹn kọn-a tẹ kọn na-iḅi ẹkwẹn kọn-arị ḅẹḅẹ, í siin ị̀ ịkịankoroḅọ sọ ḅa. Tomi ma pịkị ị́ dama-ḅo ḅa, anịsakị ị́yẹrị rẹ gotẹ ịn dama-mu mu ye ofori.

Izikẹlị 44:11

Ịn fịrịmẹnjị ị̀ pịrị ḅa ogigo-aḅọkọ ma ḍikiḍiki na Tamụnọ-warị mẹ ḅẹ ja fịrịmẹnjị na ḅụ; ini anie ịn kẹ dọkịma-agba na ja agba na mịẹ ḅẹ anama ma ḅaa ḅarịye, tẹ ịn sime tẹ fịrịmẹnjị tomi ma pịrị ḅa.

Izikẹlị 44:15

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Arị agbamịẹapụ ma tẹ sime Livayị pịrị tẹ Zadọkụ furo ḅụ paka apụ ma, anị sime-ḅara sime-ḅara sọ, paa ḅioḅẹngbọ kẹ sịrẹrẹ na-iḅi ḅara kẹ fịrịmẹnjị ị̀ pịrị tọrọkọ mum ị̀ warị mẹ ḅio ḅụ, Izirẹlị ḅẹ kirikọn-apụ ma ị̀ ḅụụ pịkị-so sakị. Mie ḅụ mịọkụ ini anie fịrịmẹnjị ị̀ pịrị ḅarị apụ, tẹ ị̀ tọrọkọ ḅo-ḅo tẹ ḅẹlẹkị na ọmbie na kẹ agba mịẹ-mịẹ ị̀ pịrị.

Lẹvitikọsị 8:9

Ọ̀ nwẹnị tọpịtẹ-ḅịtẹ-sun mẹ kẹ ọ̀ sịḅị sure, tẹ nwẹnị tọpịtẹ-ḅịtẹ-sun mẹ tọrọkọ ḅụ, golu-golu ẹfẹrẹ, fịafịa ama-da sun mẹ kẹ gbanam, KỊNỊNYANAḄỌ ḅe wẹrịtẹ tọn Mozizi pịrị ḅara.

Lẹvitikọsị 9:22

Anịtẹso Erọnị ori aḅara saakị-gelema tomi ma dam, tẹ ịn bomam; tẹ ọ̀ nwẹnị si sin agba mẹ na, dọkịma-agba mẹ na, dein-pịrị-agba mẹ na mịẹ anga mẹ ḅụ ideri-ḅo.

Kịẹn-aḅịḅị 3:31

Ịn sẹịn onyo anie Ọḅọkụ-Igbe mẹ na, dẹbịlẹ mẹ na, tọnjọ-sịẹmaye mẹ na, agbamịẹ-anga mẹ na mẹ na, fịafịa-namakọrịaị ma tẹ agbamịẹapụ ma kẹ ye mịẹarị aị ma na, kiki-pẹlẹ-ḅịtẹ mẹ na ḍikiḍiki. Mịna aị mamgba gboloma afịrị ma anie ịn mẹnjị afịrị.

Kịẹn-aḅịḅị 3:6

“Livayị furo-ḅẹ-apụ ma ọkị-ḅo, tẹ ịn kẹ Erọnị, Agbamịẹḅọ ḅe tọrọkọ sịẹma, mịẹtẹ ịn fịrị mẹnjị ọ̀ pịrị ḅarị ḅara.

Kịẹn-aḅịḅị 4:15

Anịsakị akpụrụ-warị mẹ sin paka ḅara ḅụ Erọnị na ori owiapụ-awọmẹ na Fịafịa Yọ mẹ na, Fịafịa Yọ mẹ ḅẹ kọrịnama-kọrịaị mamgba na gbaịn fama tẹso, aniemẹ ḅọrọ sakị, Kohatị owiapụ-awọmẹ ma ḅo mịna aị ma dogi ḅa, kụma ịn ḅara kẹ fịafịa aị ma lama nyana-a anieofori ịn ḅofa fịị. Mịna aị ma anie Kobiri Akpụrụ-warị mẹ ḅẹ aị ma tẹ Kohatị owiapụ-awọmẹ ma dogi ḅarị aị ma.

Jọnị 15:16

Ọmịnị ị̀ sẹlẹ-ọkị-a, yẹrị rẹ ọ́ sẹlẹ-ọkị tẹ tọnm mịnẹ ó mu mgbọlụ sụa lama, anie sime ene la ḅarị mgbọlụ. Mie ḅụ ọmịnị ị̀ ẹrẹ ḅụ ḅii ye, ḅii ye, Ḍaḅọ ḅe anị kẹ ọ́ pịrị ḅa.

Fịrịmẹnjịapụ 13:2

In sunsin KỊNỊNYANAḄỌ ḅe pịrị tẹ pịkị ḅuru-ịmọarị ogbo Fịafịa Tẹmẹ ḅe ịn ḅẹẹm, “Ọ́ Banabasị na Sọlụ na saakị sikima ị̀ pịrịị, tẹ ịn mu à gotẹ ịn sịn kọrịnama mẹ kọrị.”

Romu 1:1

Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

Romu 12:7

anị ḅọrọ fịrịmẹnjị ḅẹḅẹ, wa mẹnjịị; anị ḅọrọ ye-toluma ḅẹḅẹ, wa ye mẹ tolumaa;

2 Kọrịntị 6:17

Tẹ mie ḅụ KỊNỊNYANAḄỌ ḅe mẹẹ, “Ọmịnị in koroma-so, tẹ ọmịna aḅụụ puu-ḅelema ịna ḅụ. Ọ́ fịafịa-a ye na gbọrụ mịẹye sọ nyana ma, tẹ àrị ọmịnị ọkị ḅa.

Galesiya 1:15

Kụma amụ ini ì iyi-a kụra-ḅio Tamụnọ ị̀ sẹlẹ-ọkịm, ó ḍiki-ḅụụjịrị ḅụ, tẹ ị̀ sịnm àrị ọ̀ fịrị mẹ mẹnjịị. Tẹ ọ̀ tọn-pẹlẹ

Ditẹrọnọmị 17:12

Tomḅọ ḅe tẹ amịna ḅiotọn ḅara tọn ḅara kẹ ye mịẹ ḅụ anịjụ sịẹsime tẹ KỊNỊNYANAḄỌ ọmịna Tamụnọ ḅe tọrọkọ fịrịmẹnjịarị agbamịẹḅọ ḅe, anịanịa ḅẹrẹkọnḅọ ḅe ḅịḅị poki-a ḅọ, poki-a ḅọ, anị tomḅọ ḅe mḅọ fịị ḅa; mị-ḅara mie ọ́ kẹ Izirẹlị ḅụ siye mẹ sịkịrị sin ḅarịye.

Ditẹrọnọmị 18:5

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna afuro mamgba ḅụ ọ̀ sẹlẹ pakama-ḅom, tẹ ori na, ori owiapụ-awọmẹ na sịẹsime tẹ KỊNỊNYANAḄỌ ḅe ẹrẹ mẹ ḅụ fịrịmẹnjị gbamaso ḅẹ ḅara.

Ditẹrọnọmị 21:3

Anịtẹso ọkụma opu ama mẹ tẹ ịn ḅaa ḅọ ḅe kpeki-tẹịn ama mẹ ḅẹ omongiapụ ma amụ tụḅọ iyi-a gbọrụ asambịrịma nambulo tẹ ịn kẹ amụ kọrịnama kọrị-a, pịkị pọkọ sụa sịn kẹ pọkọ ḅụ sụatẹ kẹ amụ ye nụnụ-a asambịrịma nambulo ọkị ḅa.

Ditẹrọnọmị 21:5

Agbamịẹapụ ma, Livayị owiapụ-awọmẹ ma nwẹnị mẹnjị sọma ḅo ḅa, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe fịrịmẹnjị ọ̀ pịrị, tẹ KỊNỊNYANAḄỌ ḅe ẹrẹ mẹ ḅụ kịnị boma gotẹ ịn sẹlẹ-ọkị tẹ, anịsakị ịna ẹkwẹn-ḅịḅị ḅụ ịgbanịya goyegoye na, jụmọ-jụmọ fomu ḅẹrẹ na goyegoye pẹlẹ ḅa.

Ditẹrọnọmị 31:9

Mozizi mị Oloko mẹ kẹẹ tẹ anị kẹ agbamịẹapụ ma na, Livayị owiapụ-awọmẹ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma na, Izirẹlị ḅẹ omongiapụ mamgba na pịrịm.