Ditẹrọnọmị 10:5 - FỊAFỊA BAỊBỤLỤ

⁵ Anịtẹso à vuunma pịkịm, tẹ tụndụ mẹ ọgọnọ koro-ḅom, tẹ ye kẹẹ aḍụḅarị ma kẹ igbe mẹ tẹ arị ịkasị ye mẹ ḅio sụam; anịsakị anịjụ arị emi KỊNỊNYANAḄỌ ḅe wẹrịtẹ tọn ị̀ pịrị ḅara ḅụ.

Ditẹrọnọmị 10:5 Iomraidhean Croise

Paka-so 25:16

Oloko kẹẹ wararị maa ḍụḅarị-apakịrị ma tẹ à kẹ ị́ pịrị ḅarịye ma ị́ anị kẹ igbe mẹ ḅio sụa ḅa.”

Paka-so 25:21

Ị́ ḅịḅị-gbaịnye mẹ kẹ igbe mẹ ḅịḅị gbaịn ḅa; anịsakị igbe mẹ ḅio mie í oloko kẹẹ wararị maa ḍụḅarị-apakịrị ma tẹ à kẹ ị́ pịrị ḅarịye ma kẹ sụa ḅarịye.

Paka-so 32:15

Mozizi nwẹnị tụndụ mẹ ọgọnọ vuunma pịkị tẹ ọ̀ ḅara ḅụ simearị Oyia Oloko ma kẹẹ wararị maa ḍụḅarị apakịrị ma tẹ maa anga mamgba ḅụ ye kẹẹ wararị aị ma kẹ ideri-ḅo.

Paka-so 34:28

Tẹ ori anịjụ ḅụ KỊNỊNYANAḄỌ ḅe na ḍin amesi na, eneḅaka amesi na simem; fịye sọ ọ̀ fị-a, ọ̀ pịkị minji sọ ḅuu-a, tẹ ò ye kẹẹ aị ma ọgọnọ ọḅọkụ mẹ ḅẹ ẹkwẹn-aḅịḅị ma kẹẹm, Oyi Oloko Ma.

Paka-so 34:29

Mozizi Sayịnayị Tụndụ ọgọnọ ḅụụ ḍie-pakama maa ye kẹẹ aị ma ọ̀ ḅara-ḅio emi tẹ ori arị na tụndụ mẹ ọgọnọ ideri-ḅo sakị, Mozizi nimi-a mịnẹ ọ̀ tọrụkuḅu mẹ ḅẹ oju-kiri mẹ ḅịyarị, gbala ọ̀ Tamụnọ na ẹkwẹn simem ẹrẹsị.

Paka-so 40:20

Ọ̀ nwẹnị ḅụụ ḍie-pakamaye (maa ḍụḅarị apakịrị) ma ọkị tẹ kẹ Ọḅọkụ-Igbe mẹ ḅio sụa, pịkị nangwọtẹ asịn ikiḅa ma kẹ Ọḅọkụ Igbe mẹ ḅẹ anụnụma ma ḅio suu, tẹ Ọkụrụkụrụ Emine (anie ḅịḅị-gbaịnye) mẹ kẹ Ọḅọkụ-Igbe mẹ ḅịḅị gbaịnm.

Ditẹrọnọmị 10:2

Anịsakị arị ẹkwẹn-aḅịḅị ma tẹ tarị aḍụḅarị tẹ ị́ ḅaa aị ma ọgọnọ kẹẹ wararị ẹkwẹn-aḅịḅị ma kẹ kẹẹ tẹ ị́ kẹ ḍụḅọ igbe mẹ ḅio sụa ḅa.

Ditẹrọnọmị 9:15

Anieḅụ à tụndụ mẹ ọgọnọ ḅụ tuuideri ḅom, anịsakị fịnị tụndụ mẹ ḅụ kọrịarị; tẹ ọḅọkụ mẹ ḅẹ ye kẹẹ maa aḍụḅarị ma ị̀ ḅara-ḅio simem.

Jọsụwa 4:9

Jọsụwa pịkị oyi maa aḍụḅarị finji ọkị tẹ kẹ Jodanị mẹ ogboku Ọḅọkụ-Igbe mẹ dogi agbamịẹapụ ma aḅụọ ma sịẹsime anga mẹ ḅụ sịẹmam, tẹ arị anịjụ paa emi ḅo mịmgba lam.