Ditẹrọnọmị 10:3 - FỊAFỊA BAỊBỤLỤ

³ Anieḅụ arị ịn kẹ akasiya sịn, sịn ḍụḅọ kẹ gbọrụ igbe ịkasịm, tẹ tarị aị ma sime-ḅara sime ye kẹẹ maa aḍụḅarị pẹlẹ pakama-ḅom, tẹ ị̀ ḅara ḅio à maa aḍụḅarị ma ọlọ tẹ kẹ tụndụ mẹ kpọlị iwom.

Ditẹrọnọmị 10:3 Iomraidhean Croise

Paka-so 25:10

“Ini akasiya nwẹn-sịn ḍụḅọ kẹ gbọrụ igbe ịkasịị. Anị ḅẹ nangwọ, tẹra ḅụọ-kuḅu na ḅara esenia ẹnzụ na (110 cm); anị ḅẹ finjima, maa ḅụọ-kuḅu na ḅara tẹra ẹnzụ na (66 cm); anị ḅẹ pokolo pịkị, maa ḅụọ-kuḅu na ḅara tẹra ẹnzụ na (66 cm).

Paka-so 25:5

ejimina oju-apara tẹ ịn awụ tọrụ kẹ ḅaa aị na, tẹlẹmatẹ isuke nyana-a nama-apara na akasiya nwẹn-sịn ḍụḅọ na;

Paka-so 34:4

Mie ḅụ Mozizi tarị aị ma kịkaye kẹẹ maa aḍụḅarị pẹlẹm; tẹ ọ̀ nwẹnị KỊNỊNYANAḄỌ ḅe tọn ọ̀ pịrị tẹ ḅara ḅụ dede-funfun ḅụ saakị, tẹ ọ̀ ḅara-ḅio maa ye kẹẹ aḍụḅarị ma ọkị, tẹ Sayịnayị Tụndụ mẹ kpọlị iwo.

Paka-so 38:6

Ịn kẹ akasiya sịn-arị sịn ḅụ ọ̀ nangwọtẹ asịn ikiḅa ma pẹlẹ pakama-ḅo tẹ ojo sọ sara arị gbaịnm.

Ditẹrọnọmị 10:1

Anị sakị mẹ ḅụ KỊNỊNYANAḄỌ ḅe ị̀ ḅẹẹm: Tarị maa aḍụḅarị ma sime-ḅara sime maa aḍụḅarị pẹlẹ pakama-ḅo, tẹ tụndụ mẹ ọgọnọ kpọlị iwo ị̀ ḍọkụma-ḅo, tẹ ḍụḅọ kẹ gbọrụ igbe ịkasị.

Hiburu 9:4

Anị ḅio ḅụ golu kẹ tẹmẹ Kụnụaị-dọkịma-dẹbịlẹ tẹ ini anị ọgọnọ kụnụaị dọkịma dọkịma ye mẹ na, Ọḅọkụ Igbe mẹ tẹ golu gbaịn koro ye mẹ — tẹ anị ḅio ịn mana kẹ sụa wararị golu-mọngị sime ye mẹ — na, Erọnị mkpara tẹ ịnyịnya sụa ye mẹ na, ḍụḅarị maa apakịrị ma tẹ Oyia Oloko ma kẹẹ wararị aị ma na sọ simem.