Ditẹrọnọmị 10:22 - FỊAFỊA BAỊBỤLỤ

²² Ọmịna aḍapụ ma ideri Ijiputi mum, ini kịnị atesi oyi finji; anịsakị mịọkụ KỊNỊNYANAḄỌ ọmịna Tamụnọ ḅe tomi ogbo ḅụ ọ́ kẹ So-tọrụ ḅẹ alolia ma ḅin ḅara kẹ kama sara tẹ.

Ditẹrọnọmị 10:22 Iomraidhean Croise

Suku-saakị 15:5

Tẹ ọ̀ nwẹnị ọ̀ pakama etela-ogbo ḅo tẹ ḅẹẹ, “Tọrụ saakị so ḍiki tẹ lolia ma kịẹn, í inetẹ arị kịẹn ḅarị ḅẹḅẹ.” Anịtẹso ọ̀ nwẹnị ọ̀ ḅẹẹ, “Mị-ḅara mie í furo-ḅẹ-apụ la ḅarị ḅara.”

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Suku-saakị 46:26

Jekọbụ owiapụ-awọmẹ ma sime-ereme ma sikima, tomi tẹ ò soku ḅụ da-da paka-ḅo tẹ Ijiputi sọ-mu apụ inimgba ini apụ ofori kịnị atesi oyi finji (66),

Suku-saakị 46:27

anịsakị Josẹfụ owiapụ-awọmẹ ma tẹ Ijiputi ḅụ ini iyi ọ̀ pịrị apụ maa apụ; Jekọbụ warị mẹ ḅẹ atomi mamgba tẹ Ijiputi ḅụ sọ-ḅo apụ kịnị atesi oyi finji (70).

Nehimaya 9:23

So-tọrụ ḅẹ lolia ḅin ḅara kẹ ị́ mịẹtẹ ịna ḅụụ paka-ḅo apụ kamam; tẹ ị́ ịn kẹ ḅo ḍuko ịna ḍapụ pịrịm, in so tẹ nyana ḅẹ ama mẹ ḅio koromam.

Paka-so 1:5

Jekọbụ ḅụụ ḅụ paka-ḅo apụ inimgba kịnị atesi oyi finji. Josẹfụ kụma, ori Ijiputi ḅụ emi ogbo in ḅom.

Kịẹn-aḅịḅị 26:51

Miemẹ anie Izirẹlịapụ ma kịẹn-ḅịḅị mẹ anị sakị mẹ ḅụ: owiapụ puku atesi oyi finji na sọnọa apuku na, inia ẹndẹ na sọnọa asi suei finji na (601,730).

Kịẹn-aḅịḅị 26:62

Anịsakị Livayị furo-ḅẹ-apụ ma ḅụ ịn kịẹn apụ anie kịnị maa ẹndẹ oyia asi finji ofori kịnị tẹra apuku (23,000). Gbọrụ akalụ sịḅị ḅụ ḅọrọtẹ owiḅọ ḅụ saakị iwo ịn kịẹnm, ịn kẹ gotẹ ọkọ kịẹn ye, ịn sime-anga sikima in pịrị-a ẹrẹsị ini in kẹ Izirẹlịapụ ma ogbo-ḅio ḅụ kịẹn suu-a.

Fịrịmẹnjịapụ 7:14

Mie ḅụ Josẹfụ nwẹnị oku kẹ ọ̀ ḍa Jekọbụ fịrịma, mịnẹ ori na bebe warị-kpo mẹ na Ijiputi ḅoo, tẹ ini sọnọ apụ ofori kịnị inia si la apụ mamgba nwẹnị saakị Ijiputi mu.

Ditẹrọnọmị 1:10

KỊNỊNYANAḄỌ ọmịna Tamụnọ ḅe mịẹtẹ ọ́ kama tẹẹ, anịsakị ḍikii, mịmgba tomi ogbo ḅụ ó So-tọrụ ḅẹ alolia ma ḅin ḅara ḅin tẹẹ kịẹn-ḅịḅị ḅụ.

Ditẹrọnọmị 1:11

À tẹkẹarị mịnẹ KỊNỊNYANAḄỌ ḅe, ọmịna aḍapụ sịḅị-tuu pịrị Tamụnọ ḅe, ọ́ mịẹ tẹ mịọkụ kịẹn-ḅịḅị ḅụ ó kiri maa ẹndẹ oyia asi finji kẹ kamaa, tẹ ori ó bomaa, ọ̀ wẹrịtẹ ọ́ karịma tẹ ḅara!

Ditẹrọnọmị 26:5

Anịsakị ọmịnị nwẹnị KỊNỊNYANAḄỌ ọmịna Tamụnọ ḅe tọrọkọ ḅẹẹ ḅa: Ị̀ ḍa ḅe anie ikelekelearị ḅẹ Eramụ ḅẹ ḅọ, tẹ ori ideri Ijiputi ḅio sọ-mum, tẹ anịjụ bịanḅọ sọm; kịẹn-ḅịḅị ḅụ ịn boowa; tẹ anịjụ ḅụ ò ḅo opu sịẹ, gburo-gburo, kụrọ-nyana tẹ mana-mana atomi sọm.

Ditẹrọnọmị 28:62

Ó tomina-ogbo ḅụ So-tọrụ ḅẹ alolia ma ḅin ḅara ḅin sime sọ, kịẹn-ḅịḅị ḅụ ọmịna ḅụụ boowa apụ mie kirikọn ḅarịye; gbala ọ́ KỊNỊNYANAḄỌ ọmịna Tamụnọ ḅe pọkọ poki-a ẹrẹsị.

Hiburu 11:12

Tụkụmaye, Ebira-amụ aḍin ḅo la tẹ ḅara ḅụ, fịtẹ ḅọ famam, anịsọ mị gbọrụ tomḅọ ḅe ḅụ mie kịẹnkịẹn-ọkụ-ofori awọmẹ paka-ḅo ye, gbala So-tọrụ ḅẹ alolia ma na tuḅu ọgọnọ ḅẹ onwin na sara ḅara.