Ditẹrọnọmị 10:21 - FỊAFỊA BAỊBỤLỤ

²¹ Ori mie ọ́ kẹ tokini ḅarịye, ori anie ọmịna Tamụnọ, tẹ mịna gburo-gburotẹ, tẹmẹ-naịn-naịnma aị ma tẹ ọmịna atọrụngbọ ma ẹrị tẹ aị ma mịẹ ḅọ.

Ditẹrọnọmị 10:21 Iomraidhean Croise

2 Samụẹlị 7:23

Tomikiri mẹ ḅụ tọ jen opu sịẹ ị́ atomi Izirẹlị tẹ Tamụnọ mu ori atomi pakịrị ọkị, tẹ ẹrẹ mịẹ amịna ḅụụ pịrị, tẹ opu aị na, tẹmẹ-naịn-naịnma aị na mịẹ ịn pịrị ḅụ amịna atomi tọrọkọ gbọrụ opu sịẹ na, ịna oru-atamụnọ na dee pakama tẹ ḅọ na kịka opu sịẹ emi?

Devidi-Anume 109:1

Tamụnọ, arị í tokinim; sisi gbọsime ma!

Devidi-Anume 145:6

Kịnị ị́ kụrọtẹ opu akọrịnama ma ḅụ ẹkwẹn ḅa, tẹ àrị í opu mẹ oloku pakama ḅa.

Devidi-Anume 148:14

Ori ọ̀ sịẹ mẹ mịẹ kụrọmam, mie ḅụ ori atomi mamgba ò tokiniarị; Izirẹlịapụ ma, kpọma ọ̀ ḅụụ yela apụ ma. Ọ́ KỊNỊNYANAḄỌ ḅe tokinii!

Devidi-Anume 22:3

Kụma ị́ í emine ọgọnọ yaụ-sime wararị, Fịafịa Ḅọ ḅara ḅụ, Izirẹlị tokiniarị ḅọ.

Paka-so 15:2

KỊNỊNYANAḄỌ ḅe anie ị̀ ịnyọ na, ì nume na. Ò ḅo ị̀ ḅọrọmaḅọ sọ tẹẹ; Ḅieḅe anie ị̀ Tamụnọ, àrị ò tokini ḅa; ị̀ ḍa Tamụnọ, tẹ àrị ọ̀ saakị gelema ḅa.

Paka-so 34:10

KỊNỊNYANAḄỌ ḅe nwẹnị Mozizi ḅẹẹ, “Ị́ atomi mamgba tọrọkọ ḅụ àrị ị́nịna ọḅọkụ fịarị. Jene-jene bebe tomikiri mamgba, anịanịa ḅẹ opu sịẹ, opu sịẹ ḅụ amụ kọrị-a ḅụụ-gbiripuma-aị à nwẹn kọrị ḅa; anịsakị inima tẹ ogbo-ḅio ḅụ ọmịnị emi atomi mamgba ị̀ kọrịnama mẹ ẹrị ḅa; kẹ gotẹ ọkọ ḅẹẹarị, tẹmẹ-naịn-naịnmaye mie à mịẹ ọ́ pịrị ḅarịye.

Ayịzaya 60:19

Ịrụa ḅarị jen kẹ bele sọ ị́ pịrị ḅịa eneḅaka ḅụ, Anịanịa akalụ mẹ í bele sọ ḍin ḅụ. Yẹrị KỊNỊNYANAḄỌ ḅe í sime gbamaso bele sọ ḅa; Ì ebube mẹ ḅẹ bele ḅịya ị́ sarama ḅa.

Ayịzaya 64:3

Sakị ḅẹ gbọrụ sakị ḅụ í ḅo tẹ wa kẹ ḅiokoroma wẹrị-a tẹmẹ-naịn-naịnma aị mịẹm. Tụndụ ma ị́ ẹrị tẹ ḅalafa ḅụ jikem.

Jerimaya 17:14

KỊNỊNYANAḄỌ, ị̀ gwọọ, anịsakị ì oju gbọrsịḅị kụrọ fama ḅa; ị̀ pụkọ-pakamaḅoo, anịsakị ye ḅarị gbala-gbala ị̀ la ḅịa. Ị́yẹrị anie à tokiniarị ḅọọ!

Luku 2:32

Bele tẹ Í ḅiiarị ye mịẹ finji Ja asịẹ ḅẹ apụ ma pịrị, pịkị ebube sọ Ị́ atomi Izirẹlị pịrị.”

Jọsụwa 24:18

tẹ KỊNỊNYANAḄỌ ḅe wamịna tọrọkọ ḅụ tomi mamgba, Amọrayịtị apụ ma tẹ ama mẹ ḅio anga apụ ma dee pakamam; anịẹrẹsị wamịnị sọ fịrịmẹnjị KỊNỊNYANAḄỌ ḅe pịrị ḅa; kẹ gotẹ ọkọ ḅẹẹarị, ori anie wamịna Tamụnọ.”

Mịẹfinji 21:23

Opu ama mẹ ịrụa na akalụ na bele ḅii-a, gbala Tamụnọ ebube mẹ ḅịya anị saramarị, tẹ Anana Tụḅọ ḅe pịkị tọnjọ sọ anị pịrị wararị ẹrẹsị.

1 Samụẹlị 12:24

Ọmịnị paa KỊNỊNYANAḄỌ ḅe ḍiki-ḅalafaa tẹ minini nyana ḅara kẹ ọmịna ḅioḅẹngbọ mẹmgba kẹ fịrịmẹnjị ọ̀ pịrịị, kẹ gotẹ ọkọ ḅẹẹarị, gburo-gburotẹ opu aị ma tẹ ọ̀ mịẹ-mịẹ ọ́ pịrị tẹ aị ma ọ́ nwẹn kẹ ḅiokoromaa.