Ditẹrọnọmị 10:2 - FỊAFỊA BAỊBỤLỤ

² Anịsakị arị ẹkwẹn-aḅịḅị ma tẹ tarị aḍụḅarị tẹ ị́ ḅaa aị ma ọgọnọ kẹẹ wararị ẹkwẹn-aḅịḅị ma kẹ kẹẹ tẹ ị́ kẹ ḍụḅọ igbe mẹ ḅio sụa ḅa.

Ditẹrọnọmị 10:2 Iomraidhean Croise

1 Amadapụ 8:9

Ọḅọkụ-Igbe mẹ ḅio jen gberie-sọ ofori, ḍụḅarị maa apakịrị ma tẹ Mozizi Sayịnayị Tụndụ ọgọnọ ḅụ kẹ anị anga koroma aị ma sikima tẹ, Izirẹlịapụ ma Ijiputi ḅụ paka-ḅoarị sakị KỊNỊNYANAḄỌ ḅe kẹ ịn paka-ḅoarị ogbo ini na ọḅọkụ fị aị ma.

2 Paka-aị 5:10

Izirẹlịapụ Ijiputi ḅụ paka-ḅo tẹ KỊNỊNYANAḄỌ ḅe Izirẹlịapụ ma na ọḅọkụ fị sakị Mozizi kẹ Horẹbụ ḅụ anị ḅio sụa maa ḍụḅarị apakịrị ma sikima jen ye Ọḅọkụ-Igbe mẹ ḅio ofori.

Paka-so 32:19

Mozizi ḅo kobiri-ogbo mẹ sime anga mẹ kpeki tẹ kala nambulo ḅe na, sẹkị ḅara mẹ na ẹrị gbọrụ sakị, ịganị ọ̀ ḅụụ serim, tẹ ọ̀ nwẹnị ori aḅara-ḅio sime ye kẹẹ wararị aḍụḅarị ma kẹ gbin, tẹ arị nwẹnị tụndụ mẹ suku fịị gẹrẹ-gẹrẹ.

Paka-so 34:1

KỊNỊNYANAḄỌ ḅe nwẹnị Mozizi ḅẹẹ, “Tarị aị ma kịka maa ye kẹẹ aḍụḅarị pẹlẹ pakama-ḅoo; anịsakị arị ẹkwẹn-aḅịḅị ma tẹ à kẹ tarị ye kẹẹ aị ma ọgọnọ ḅụ kẹẹ tẹ ị́ ḅaa aị ma kẹ arị ọgọnọ ḅụ kẹẹ ḅa.

Paka-so 40:20

Ọ̀ nwẹnị ḅụụ ḍie-pakamaye (maa ḍụḅarị apakịrị) ma ọkị tẹ kẹ Ọḅọkụ-Igbe mẹ ḅio sụa, pịkị nangwọtẹ asịn ikiḅa ma kẹ Ọḅọkụ Igbe mẹ ḅẹ anụnụma ma ḅio suu, tẹ Ọkụrụkụrụ Emine (anie ḅịḅị-gbaịnye) mẹ kẹ Ọḅọkụ-Igbe mẹ ḅịḅị gbaịnm.

Ditẹrọnọmị 10:5

Anịtẹso à vuunma pịkịm, tẹ tụndụ mẹ ọgọnọ koro-ḅom, tẹ ye kẹẹ aḍụḅarị ma kẹ igbe mẹ tẹ arị ịkasị ye mẹ ḅio sụam; anịsakị anịjụ arị emi KỊNỊNYANAḄỌ ḅe wẹrịtẹ tọn ị̀ pịrị ḅara ḅụ.

Ditẹrọnọmị 4:13

Ori ọḅọkụ mẹ tẹ ọ̀ tọn ọ́ pịrị ọ́ mịẹ ḅẹ ye mẹ mịẹfinji ọ́ pịrịm, aniemẹ anie Oyia Oloko ma; anịsakị ori arị kẹ ḍụḅarị maa apakịrị ọgọnọ kẹẹm.

Hiburu 9:4

Anị ḅio ḅụ golu kẹ tẹmẹ Kụnụaị-dọkịma-dẹbịlẹ tẹ ini anị ọgọnọ kụnụaị dọkịma dọkịma ye mẹ na, Ọḅọkụ Igbe mẹ tẹ golu gbaịn koro ye mẹ — tẹ anị ḅio ịn mana kẹ sụa wararị golu-mọngị sime ye mẹ — na, Erọnị mkpara tẹ ịnyịnya sụa ye mẹ na, ḍụḅarị maa apakịrị ma tẹ Oyia Oloko ma kẹẹ wararị aị ma na sọ simem.