Ditẹrọnọmị 10:18 - FỊAFỊA BAỊBỤLỤ

¹⁸ Ọ̀ karakara ḅẹrẹ kọn ḍaḅọ ofori tụḅọ ḅe na, diḅọ-fịtẹ-ẹrẹḅọ ma na pịrịarị, tẹ jen sịẹ ḅụ ḅo igoniḅọ ḅe ḅẹlẹmam, fịye na, kapa na kẹ ọ̀ pịrị ḅụ.

Ditẹrọnọmị 10:18 Iomraidhean Croise

2 Paka-aị 19:7

Anịsakị, yee KỊNỊNYANAḄỌ ḅe mangịma mẹ ọmịna ọgọnọ gbana; ọ́ ḅụụ ẹbị nyana-a, ọmịna amịẹaị goyegoye ḅụ, kẹ gotẹ ọkọ ḅẹẹarị, KỊNỊNYANAḄỌ wamịna Tamụnọ ḅe ḅụụ karakara pịkị-iḅo, anịanịa kịnị-inoma, anịanịa ọḅụ-fị ofori.”

Devidi-Anume 10:18

Tomi ponomarị apụ na ḍapụ na iyingi apụ na fịtẹ awọmẹ na kọn-arị owu ma ị́ naarị: ị́ ḅẹrẹkọn ịna aḅara iḅima ḅa, mịẹ tẹ fịị, fịị atomi ḅarị jen kẹ kịnị atẹmẹ naịn-naịnma ḅịa.

Devidi-Anume 103:6

KỊNỊNYANAḄỌ ḅe iḅi ḅẹrẹkọn tomi ponomarị apụ ma pịrịarị tẹ ịn la akiri kẹ ịn pịrịarị.

Devidi-Anume 145:9

Ḅẹḅọ-ḅẹḅọ ḅụ ori iḅim tẹ ọ̀ pịkị ọkụrụkụrụ nyana ọ̀ tẹmẹ aị mamgba pịrịarị.

Devidi-Anume 146:9

Ọ̀ wamịna amakiri ḅụ angarị ja sịẹ ḅẹ apụ ma gbaịn-arị; ọ̀ ḅarasụa diapụ-fịtẹ-ereme na ḍapụ na iyingiapụ na ofori awọmẹ na pịrịarị, kụma si-sịḅịḅio-sụapụ ma tọn-arị aị ma ò sima famarị.

Devidi-Anume 68:5

Amịna fịafịa Warị ḅio angarị Tamụnọ ḅe, ḍapụ na iyingiapụ na fịtẹ awọmẹ kokoarị, ọ̀ pịkị diapụ-fịtẹ-ereme gbaịn ḅọrọmarị.

Devidi-Anume 68:6

Ori mie sime-yọ kẹ ngẹrị ḅọ mẹ pịrị angarị, tẹ ọ̀ pịkị ikoliapụ ma ḅọrọma pakama-ḅo tẹ ịn ḅioḅẹlẹarị, kụma kọngọ kụrọ maa apụ ma ini ngẹrị kịnị ofori anga ḅụ ḅụụ-yaụ ḅụ anga ḅa.

Paka-so 22:20

“Ḅẹḅọ-ḅẹḅọ tẹ KỊNỊNYANAḄỌ ḅe sikima agba mịẹ ḅẹẹ oru-tamụnọ, oru-tamụnọ pịrị ḅọ pịrị ḅọ, ịn gbọrsịḅị mḅọ ḅaa ḅa.”

Paka-so 22:21

“Ó si kẹ igoniḅọ mịẹ, anịanịa mḅọ ponoma ma, kẹ gotẹ ọkọ ḅẹẹarị, ọmịnị sọ Ijiputi ama ḅụ igoniapụ sọ simem.

Paka-so 22:22

Ó diḅọ-fịtẹ-ẹrẹḅọ, anịanịa, ḍaḅọ-na-iyingiḅọ-na-fịtẹ-tụḅọ sọ ḅụụ fụkama ma.

Paka-so 22:23

Ọmịnị ịna aḅụụ fụkama, tẹ ini owu pakama ị̀ pịrị ḅẹḅẹ, tụkụma ḅara ḅụ àrị ịna owu naa ḅa;

Ayịzaya 1:17

tẹ ḍawọ tẹ kuraye mịẹẹ. Ọmịnị ẹrị mịnẹ ó tomḅọ la kiri kẹ mḅọ pịrịm, ḅarasụa ja apụ ponomarị apụ pịrị, sime ḍapụ na iyingiapụ na fịtẹ awọmẹ pịrị aị kẹ ịn pịrị, diapụ-fịtẹ-ereme ma ḍụa.”

Jerimaya 49:11

Ọmịnị ọmịna ḍapụ na iyingi apụ na fịtẹ awọmẹ ma wẹrịso ị̀ pịrịị, tẹ arị in ḍikiḍiki ḅa. Ọmịna diapụ-fịtẹ-ereme ma inetẹ ị̀ ḅụ sịrẹrẹ ḅa.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Lẹvitikọsị 25:35

“Ọmịna iyimbere ḅo igoin, tẹ ọmịnị na sime tẹ inetẹ amịna ḅụụ ḍikiḍiki-a ḅẹḅẹ, ọmịnị mḅọ ḍikiḍiki ḅa, igoniḅọ na, bịanḅọ na ḍikiḍiki ḅara ọ́ nwẹn kẹ mḅọ na anga ḅa.

Kịẹn-aḅịḅị 10:32

Anịsakị í wamịna-aḅụụ sọ tẹ wamịnị na mu muu, iḅi goyegoye tẹ KỊNỊNYANAḄỌ ḅe kẹ wa mịẹ ye mịẹ ye, anị iḅi mẹ wa kẹ í mịẹ ḅa.”

Matiyo 5:45

miemẹ mịẹtẹ ó ḅo ọmịna So-ḅio ḅẹ Ḍaḅọ ḅe awọmẹ sọ ḅa. Kẹ gotẹ ọkọ ḅẹẹarị, ori mie mịẹtẹ ịrụa mẹ gbọrụ ḅara kẹ ḅịya iḅi atomi na, si-mịẹapụ na saramarị ye, tẹ ọ̀ pịkị eene kẹ iḅiye mịẹ apụ na siye mịẹ apụ na pịrịarị ye.

Fịrịmẹnjịapụ 14:17

Kụma sakị mamgba ori ori emi nwẹn ḅẹẹ elekima kẹ tomi ḍiearị, ọ̀ mịẹarị iḅi aị ma ḅụ; ori mie So-ḅio ene koroma ọ́ pịrịarị, pịkị ḍiḅi aị ma pakama-ḅo ọ́ pịrịarị karakara asakị ḅụ; ò fịye kẹ ọ́ pịrị fị tẹ ḅioḅẹlẹ ọmịna aḅioḅẹngbọ ḅin-arị.”

Ditẹrọnọmị 27:19

Wori-nume sime oriḅe tẹ jen sịẹ ḅẹ igoniḅọ na, ḍa-na-iyingi-na-fịtẹ-tụḅọ na, diḅọ-fịtẹ-ẹrẹḅọ na karakara ḅẹrẹ pịkị iḅo ḅọ ḅe pịrị. Anịsakị tomi mamgba ḅẹẹ ḅa, “Amẹnị!”