Ditẹrọnọmị 10:12 - FỊAFỊA BAỊBỤLỤ

¹² Anịsakị Izirẹlị, mịọkụ KỊNỊNYANAḄỌ ọmịna Tamụnọ ḅe ọmịna aḅara tiye ḅii? KỊNỊNYANAḄỌ ọmịna Tamụnọ ḅe ḍiki-ḅalafaa, ori etela mamgba ḅụ mẹnjịị, ọ̀ ḅẹlẹmaa, ọmịna ḅioḅẹngbọ mẹmgba na, ọmịna tẹmẹ mẹmgba na, kẹ fịrịmẹnjị ọ̀ pịrịị,

Ditẹrọnọmị 10:12 Iomraidhean Croise

1 Amadapụ 3:3

Sọlọmọnị KỊNỊNYANAḄỌ ḅe ḅẹlẹmam tẹ nwẹnị ọ̀ ḍa Devidi kẹ ò toluma toluma aị ma ḍukamẹnjịm, kụma ori sọ nama ḅaa tẹ arị kẹ agba mịẹ tẹẹ, kịrị-kịrị agbamịẹ-anga ḅụ.

2 Amadapụ 10:31

Kụma Jehu ọ̀ ḅụụ ẹbị tẹ ò ḅioḅẹngbọ mẹmgba kẹ KỊNỊNYANAḄỌ Izirẹlị ḅe Tamụnọ ḅe oloko mẹ ḅụ wẹrị mẹnjị-a; ò Jerobohamụ asi ma tẹ mịẹtẹ Izirẹlị si mịẹ ye mẹ ḅụ pịkịma-so-a.

2 Amadapụ 18:3

Ọ̀ KỊNỊNYANAḄỌ ḅe ḍiki-tọrụ ḅụ kuraye mịẹm, ọ̀ ḍa Devidi wẹrịtẹ mịẹ ḅara.

2 Amadapụ 18:6

Gbala ọ̀ katapụma KỊNỊNYANAḄỌ ḅe ọlọ-sịẹmam ẹrẹsị ori ò ḍukamẹnjị ḅụ igbema-a, kụma ori oloko ma tẹ KỊNỊNYANAḄỌ ḅe tọn Mozizi pịrị oloko ma kokom.

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

2 Paka-aị 15:12

Ịn nwẹnị ọḅọkụ fị mịnẹ ini ịna ḅioḅẹngbọ mamgba na, ịna tẹmẹ mamgba na kẹ KỊNỊNYANAḄỌ ịna ḍapụ ma Tamụnọ ḅe ḍọkị ḅa.

Jobu 36:11

Ịn ọ̀ ḅịḅị poki tẹ fịrị mẹnjị ọ̀ pịrị-pịrị, ịn lọkọlọkọ na lolo na ḅụ ịna ene ma sime suma ḅa, tẹ iḅi ḅio inia akụra ma sime ḅa.

Devidi-Anume 119:2

Ḅioḅẹlẹ sime ọ̀ tọn kuroma aị ma ḍukamẹnjịarị apụ ma pịrịm, anie amịna ḅioḅẹngbọ mamgba kẹ ọ̀ ḅịḅị pokiarị apụ ma.

Devidi-Anume 128:1

KỊNỊNYANAḄỌ ḅe ḅịḅị pokiarị apụ ma ḅioḅẹlẹ sime ịn pịrịm, anie ọ̀ tọn kuroma aị ma ḍiki angarị apụ ma.

Devidi-Anume 145:20

Ọ̀ ḅẹlẹmarị tomḅọ goḅọ-goḅọ, ori mḅọ gbaịn-arị; kụma ò si-sịḅịḅio-sụapụ ma ḅaa guluguluma ḅa.

Devidi-Anume 18:1

KỊNỊNYANAḄỌ, arị ị́ ḅẹlẹma lamarị! Ị́yẹrị anie ị̀ ḍụarịḅọ.

Devidi-Anume 34:9

Ọmịnị ori atomi mamgba, ọ́ KỊNỊNYANAḄỌ ḅe ḅịḅị pokii! Ọ̀ ḅịḅị pokiarị apụ ma ịna ḅụụ-fụkamarị aị mamgba nyanarị.

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Devidi-Anume 81:14

Mimgbe à sarasarama mịẹ tẹ owu si kẹ ịn tọn apụ ma ḅara sii ḅarị ya, tẹ ini ini na sọarị apụ ma nẹngịma fama ḅarị ya.

Paka-so 23:25

KỊNỊNYANAḄỌ ọmịna Tamụnọ ḅe mie ọ́ fịrịmẹnjị pịrị ḅarị ḅọ, anịsakị yẹrị nwẹnị ọmịna fịye na, ọmịna minji na boma ḅa; anịsakị àrị ọmịna ogbo-ḅio ḅụ obi nwẹn-sịn ye saakị-siin ḅa.

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

Izikẹlị 11:20

Anịtẹso ini ì oloko ma koko tẹ ḅioḅẹngbọ-kẹ-sịrẹrẹ-niḅi ḅara kẹ à tọn-koroma-aị mamgba poki tẹ mịẹ ḅa. Ini ị̀ atomi sọ ḅa, yẹrị pịkị ịna Tamụnọ sọ ḅa.

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Zẹfanaya 3:9

“Anịtẹso à sịẹ-sịẹ ma ḅẹ atomi ma ḍima tẹ ini yẹrị kịngẹ tẹkẹ ḅa; ịn ḅarị oru-atamụnọ tẹkẹ ḅịa. Inimgba ị̀ ḅịḅị poki ḅa.

Matiyo 22:37

Jizọsị nwẹnị pakịrị, “ ‘KỊNỊNYANAḄỌ, ị́ Tamụnọ ḅe ḅẹlẹma, í ḅioḅẹngbọ mẹmgba ḅụ, ị́ tẹmẹ mẹmgba ḅụ, pịkị í kuroma mẹmgba ḅụ.’

Luku 10:27

Tomḅọ ḅe nwẹnị pakịrị, “Í ḅioḅẹngbọ mẹmgba na, ị́ tẹmẹ mẹmgba na, ị́ ịnyọ mẹmgba na, í kuroma mẹmgba na kẹ ị́ Nyana Tamụnọ ḅe ḅẹlẹmaa, tẹ pịkị ị́ ị́ ḅụụ ḅẹlẹma ḅara kẹ ị́ na kpeki tẹ anga ḅọ ḅẹlẹmaa.”

Luku 11:42

“Ọmịnị Farịsiiapụ, ọ́ tẹkẹlẹ tẹẹ! Ọmịnị ịwọma kaịn ḅoarị ọgụ na, ja ḍụọ ḅio paka-ḅo fụlọ ḅẹlẹma kịrị-kịrị aị na, kẹ oyia akiri ḍiya ḍie, tẹ gbọrụ kiri kẹ ḅo Tamụnọ pịrị kẹ opuye sọma wararị, kụma karakara ḅẹrẹkọn na Tamụnọ ḅẹlẹma na rẹ ọ́ bala-a. Mịna aị ma rẹ anie ọ́ mịẹ na-iḅi aị, osi aị ma ḍiki-tọrụsin-a ḅara ḅụ.

Fịrịmẹnjịapụ 9:31

Tẹ Judiya na, Galili na, Sameriya na mamgba ḅụ sọsị mẹ nwẹnị dein nyana. Fịafịa Tẹmẹ ḅe ḅarasụa ḅụ anị nwẹnị kụrọ sịẹ, tẹ pịkị kịẹn-ḅịḅị ḅụ ḍụḅa, anie anị kẹ KỊNỊNYANAḄỌ ḅe kụn ḅụ anga ḅara ẹrẹsị.

Romu 1:9

Àrị ì ḅioḅẹngbọ mẹmgba kẹ fịrịmẹnjị pịrịarị Tamụnọ ḅe, ọ̀ Tụḅọ ḅe Iḅi Oku mẹ ḍuko wasama ḅụ, nimi wararị tẹ ḍuko ḅa mịnẹ à karakara ye ḍukoarị. Tamụnọ nimi wararị mịnẹ

Romu 8:28

Wa nimi wararị mịnẹ Tamụnọ ḅẹlẹmarị tẹ ọ̀ kẹ ye tọn ḅara ḅụ ọ̀ ḅarana sịn ọkị atomi ma ḅụ ye goyegoye iḅi go mịẹarị.

Ditẹrọnọmị 10:11

KỊNỊNYANAḄỌ ḅe nwẹnị ị̀ ḅẹẹ: Saakị! tẹ ọmịna igoni mẹ dọkụụ, tomi ma kẹ sịḅịdaḅọ ḅara ḅụ, mịẹtẹ ini ama mẹ tẹ à kẹ ịna aḍapụ ma pịrị ḅẹ ye karị ḅara kẹ minini ye mẹ ịn nwẹn sọ-mu tẹ ama mẹ nyana ḅẹ ḅara.

Ditẹrọnọmị 10:13

tẹ KỊNỊNYANAḄỌ ḅe Oloko ma na, kẹẹ wararị oloko ma na tẹ ọmịna iḅi gotẹ mịmgba à tọn ọ́ pịrị aị ma kokoo.

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 11:13

Anịsakị ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma, tẹ ọmịna ḅioḅẹngbọ mẹmgba na ọmịna tẹmẹ mẹmgba na kẹ fịrịmẹnjị ọ̀ pịrị ḅẹẹm tẹ ì oloko ma tẹ mịmgba à tọn ọ́ pịrị aị ma poki poki,

Ditẹrọnọmị 26:16

KỊNỊNYANAḄỌ ọmịna Tamụnọ ḅe mịmgba mẹ ḅụ tọn ọ́ pịrị tẹ mịnẹ ọ́ mịna kẹẹ wararị oloko ma na, kụrọ ḅara-ḅio sime apụ sụa oloko ma na, koko tẹ mịẹ, anịẹrẹsị ọ́ ḅụụ ẹbị-ẹbị ọmịna ḅioḅẹngbọ mẹmgba na, ọmịna tẹmẹ mẹmgba na kẹ arị mịẹ.

Ditẹrọnọmị 27:10

Ọmịnị anịẹrẹsị KỊNỊNYANAḄỌ ọmịna Tamụnọ ḅe pọkọ poki ḅa, ori oloko ma na, ori oloko ma tẹ kẹẹ wararị aị ma tẹ mị eneḅaka à tọn ọ́ pịrị aị ma koko ḅụ.”

Ditẹrọnọmị 30:16

Ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma ḅẹ ori etela ma ḅụ mẹnjị, ori oloko ma na, ori oloko ma tẹ kẹẹ wararị aị ma na, kụrọ ọ̀ ḅara ḅio emi tẹ ọ̀ sụa oloko ma na, koko ḅụ KỊNỊNYANAḄỌ ọmịna Tamụnọ ḅe tọn aị ma tẹ mịmgba ḅụ à tọn ọ́ pịrị aị ma koko, koko, anịrẹ ó ḍumo tẹ lolo-kama ḅa, tẹ KỊNỊNYANAḄỌ ọmịna Tamụnọ ḅe nwẹnị ó boma ḅa ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 4:29

Kụma anịjụ ḅụ ọ́ KỊNỊNYANAḄỌ ọmịna Tamụnọ ḅe ḍọkị ḅa, tẹ ọmịnị ọ̀ ḍọkị-ẹrị ḅa, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ ọ̀ ḍọkị ḍọkị.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Ditẹrọnọmị 6:13

Ọ́ KỊNỊNYANAḄỌ ọmịna Tamụnọ ḅe mangịma ḅa; ọ́ fịrịmẹnjị ọ̀ pịrị ḅa, tẹ ori ẹrẹ ngẹrị ḅụ ḅụụ-pikima ḅa.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 6:24

Tẹ KỊNỊNYANAḄỌ ḅe tọn wa pịrịm wa mịna kẹẹ wararị oloko mamgba koko tẹ mịẹ, wa sakị mẹmgba wamịna iḅi gotẹ KỊNỊNYANAḄỌ wamịna Tamụnọ ḅe mangịma ḅẹ ḅara, mịẹtẹ mịmgba mẹ ḅụ anị sime-ḅara ọ̀ wa wẹrị kpaịnma ḍumoma ḅẹ ḅara.

Ditẹrọnọmị 6:5

Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

1 Timoti 1:5

Mị oloko mẹ ḅẹ sịḅị anie anị kịnị ḅụ fịafịa ḅioḅẹngbọ ḅụ paka-ḅo ḅẹlẹma na, ḅẹrẹ-ḅarasii-a tẹmẹ ḅioḅẹngbọ na, aka ofori minini na jike sakị ḅarị ḅara.

Hiburu 12:28

Ọkọẹrẹsị, ó yee wa ịmịẹtẹ kẹ Tamụnọ ḅẹẹ, mịnẹ wa nyana wararị ama mẹ anie inetẹ jike ḅịa ye. Ó yee wa ịmịẹtẹ-ḅẹẹ ḅioḅẹngbọ kẹ sunsin Tamụnọ pịrị, ḅioḅẹlẹma ḅarị ḅọkọ ḅụ, anie ọ̀ kụn na ò mangịma na ḅụ,

Jọsụwa 22:5

Ọmịnị iḅiọkụ ḅụụ ẹbị tẹ tọn ye mẹ na, oloko mẹ na tẹ Mozizi, KỊNỊNYANAḄỌ ḅe fịrịmẹnjịḅọ ḅe sụa aị ma kẹ elekima sụa, KỊNỊNYANAḄỌ ọmịna Tamụnọ ḅe ḅẹlẹma, tẹ ori etela mamgba ḅụ mẹnjị, pịkị ori oloko ma koko tẹ ọ̀ fịnamaa, tẹ ọmịna ḅioḅẹngbọ mẹmgba na, tẹmẹ mẹmgba na kẹ fịrịmẹnjị ọ̀ pịrịị.”

Jọsụwa 24:14

“Anịẹrẹsị mịọkụ ọ́ KỊNỊNYANAḄỌ ḅe ḍiki-ḅalafaa tẹ karakara ḅara na, minini na kẹ fịrịmẹnjị ọ̀ pịrịị ọmịnị oru-atamụnọ ma tẹ ọmịna aḍapụ ma Tọrụ mẹ saḅa anga ḅụ na, Ijiputi ḅụ na fịrịmẹnjị pịrị aị ma kẹ ngumaa, tẹ fịrịmẹnjị KỊNỊNYANAḄỌ ḅe pịrịị.

1 Jọnị 2:15

Ó tomikiri mẹ ḅẹlẹma ma, anịanịa sime tomikiri mẹ pịrị aị ma ḅẹ gberie-sọ. Ó tomikiri mẹ ḅẹlẹmarị ḅẹḅẹ, ọ́ ḅarị Ḍaḅọ ḅe ḅẹlẹma-a.

1 Jọnị 5:5

Tụḅọ inetẹ tomikiri mẹ nẹngịma ḅẹ? Anị ḅọ mẹ tẹ, mininiarị mịnẹ Jizọsị anie Tamụnọ Tụḅọ nwẹn ḅẹẹ ḅọ mẹ kịngẹ.

1 Samụẹlị 12:20

Samụwẹlị nwẹnị tomi ma ḅẹẹ, “ọ́ ḅalafa ma, mị siye mẹmgba sọ ọ́ nwẹn mịẹ tẹẹ, anịsọ ọ́ KỊNỊNYANAḄỌ ḅe ḍukamẹnjị tọrụ pịkị akaka da ma, kụma ọmịnị ọmịna ḅioḅẹngbọ mẹmgba kẹ fịrịmẹnjị KỊNỊNYANAḄỌ ḅe pịrịị;