Ditẹrọnọmị 10:10 - FỊAFỊA BAỊBỤLỤ

¹⁰ À tụndụ mẹ ọgọnọ eneḅaka amesi na ḍin amesi na simem tarị sakị mẹ ḅụ à sime la ḅara pembe ḅara, tẹ KỊNỊNYANAḄỌ ḅe anị sakị mẹ ḅụ sọ ị̀ naam; KỊNỊNYANAḄỌ ḅe ḅarị ọ́ ḅaa ḅẹ ḅii-a.

Ditẹrọnọmị 10:10 Iomraidhean Croise

Paka-so 24:18

Tẹ Mozizi mẹnjị oḅuto mẹ ḅio sọ-mu, tẹ tụndụ mẹ kpọlị iwom. Tụndụ mẹ ọgọnọ-jụ ḅụ Mozizi ḍin amesi na, eneḅaka amesi na simem.

Paka-so 32:14

Mie ḅụ KỊNỊNYANAḄỌ ḅe siye tẹ ọ̀ kẹ ori atomi mịẹ ḅẹ kuroma ye mẹ wẹrịsom.

Paka-so 33:17

KỊNỊNYANAḄỌ ḅe nwẹnị Mozizi ḅẹẹ, “Mị kpọkpọ gbọrụ ye mẹ tẹ í ḍuko ye mẹ à mịẹ ḅa, kẹ gotẹ ọkọ ḅẹẹarị, ì ḍiki-tọrụ ḅụ ị́ ị̀ ḅụụ-ḅẹlẹarị, anịsakị ị́ ẹrẹ ḅụ àrị í nimi wararị.”

Paka-so 34:28

Tẹ ori anịjụ ḅụ KỊNỊNYANAḄỌ ḅe na ḍin amesi na, eneḅaka amesi na simem; fịye sọ ọ̀ fị-a, ọ̀ pịkị minji sọ ḅuu-a, tẹ ò ye kẹẹ aị ma ọgọnọ ọḅọkụ mẹ ḅẹ ẹkwẹn-aḅịḅị ma kẹẹm, Oyi Oloko Ma.

Matiyo 27:42

“Ọ̀ kọkọ ja apụ ḅọrọma, ḅọrọma, kụma ori inetẹ amịna ḅụụ ḅọrọma-a! Ḅie Izirẹlị ḅẹ amadaḅọ ḅe ori-a! Mịọkụ ori ẹngbẹsẹ-sịn mẹ ọgọnọ sime tẹ koro ḅo ḅẹḅẹ wa ò minini ḅa!

Ditẹrọnọmị 10:11

KỊNỊNYANAḄỌ ḅe nwẹnị ị̀ ḅẹẹ: Saakị! tẹ ọmịna igoni mẹ dọkụụ, tomi ma kẹ sịḅịdaḅọ ḅara ḅụ, mịẹtẹ ini ama mẹ tẹ à kẹ ịna aḍapụ ma pịrị ḅẹ ye karị ḅara kẹ minini ye mẹ ịn nwẹn sọ-mu tẹ ama mẹ nyana ḅẹ ḅara.

Ditẹrọnọmị 9:25

“Anieḅụ mịna eneḅaka amesi ma na ḍin amesi ma na ḅụ mie à KỊNỊNYANAḄỌ ḅe tọrọkọ àrị iḅo-ḅo tẹ tẹkẹarị ḅara, gbala KỊNỊNYANAḄỌ ḅe ḅẹẹ tẹ ori ọ́ ḅaa ḅa ẹrẹsị.