Ditẹrọnọmị 1:8 - FỊAFỊA BAỊBỤLỤ

⁸ Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 1:8 Iomraidhean Croise

Suku-saakị 12:7

Anịtẹso KỊNỊNYANAḄỌ ḅe nwẹnị ḅụụ pakama Ebiramụ ḍie tẹ ḅẹẹ, “ị́ ḅụụ ḅụ paka-ḅo apụ mie à mị ama mẹ kẹ pịrị ḅarị ye” Mie ḅụ ọ̀ nwẹnị gbọrụ agbamịẹ-anga nama kẹ KỊNỊNYANAḄỌ ḅe tẹ ḅụụ pakama ò ḍie ḅọ ḅe pịrị.

Suku-saakị 15:16

Inia ḅụọ-ḅẹ-atomi karama apụ ḅụ mie ịn pịkịma mịanga ḅo ḅarịye kẹ gotẹ ọkọ ḅẹẹarị, Amọrayịtị apụ ma amụ ịn mịẹarị iri-aị ma mịẹ karama-a ẹrẹsị.”

Suku-saakị 15:18

Anị ene mẹ ḅụ, KỊNỊNYANAḄỌ ḅe Ebiramụ na gbọrụ ọḅọkụ fịm tẹ ḅẹẹm, “Mị ama mẹ à kẹ í furo-ḅẹ-apụ pịrịm, Ijiputi ḅẹ tọrụ mẹ ḅụ ọkị mu Opu Tọrụ mẹ la, ọkị mu Yuferetisi tọrụ mẹ la,

Nehimaya 9:15

Í fie kẹ in pịrịm So-ḅio, ḅuru in tarịm ẹrẹsị, tẹ minji kẹ in pịrịm ịkụ mẹ ḅio, minji in tarịm ẹrẹsị. Ị́ nwẹnị in ḅẹẹ in mu ọkị nyana-a, ị́ kẹ in pịrị ḅẹ karị tẹ ama mẹ.”

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Paka-so 33:1

KỊNỊNYANAḄỌ ḅe nwẹnị Mozizi ḅẹẹ, “Ị́yẹrị na, tomi ma tẹ Ijiputi ama mẹ ḅio í ọkị-ḅo apụ ma na mịanga ḅụ ọ́ saakịị tẹ so ama mẹ tẹ à ye karị ḅara kẹ minini Ebira-amụ na, Ayịzịkị na, Jekọbụ na pịrịm ḅẹẹarị, ‘Ọmịna furo-ḅẹ-apụ mie arị anị kẹ pịrị ḅarịye’ nwẹn ḅẹẹ ama mẹ muu.

Jerimaya 32:22

Ị́ nwẹnị anị ḅụụ-ḅẹlẹmatẹ iḅiọkụma fịye so-pakamarị amakiri mẹ kẹ ịn pịrị, ị́ wẹrịtẹ minini ịna elemu-aḍapụ ma pịrị ḅara.

Izikẹlị 47:14

À tẹmẹ-la ḅara kẹ minini ọmịna elemu-aḍapụ ma pịrịm mịnẹ à mị kiri mẹ kẹ ịna nye sọma ḅa; mịọkụ ọmịnị anị ḍie gbasịma ọmịna ḅụ pịrị ọmịna ogboku.”

Kịẹn-aḅịḅị 14:23

ama mẹ tẹ à kẹ ịna aḍapụ pịrị ḅẹ tẹ ye karị ḅara kẹ ḍuko ama mẹ ẹrị ḅẹ ḅọ ofori anịsakị inima tẹ ì ḍiki-sima apụ ma ḅụ gbọrụḅọ sọ anị ẹrị ḅịa.

Kịẹn-aḅịḅị 32:11

‘Tụkụma ḅara ḅụ owiapụ ma tẹ Ijiputi ama mẹ ḅio paka-ḅo apụ ma ḅụ si kụra sịḅị ḅụ ḅọrọtẹ apụ ḅụ saakị iwo gbọrụḅọ-sọ ama mẹ tẹ à kẹ Ebira-amụ na, Ayịzịkị na, Jekọbụ na pịrị ḅẹ ye karị ḅara kẹ ḍuko ama mẹ tọrụngbọ kẹ anị ẹrị ḅịa, gbala amụ ịn gbọrsịḅị ì ḍukamẹnjị-a ẹrẹsị;

Ditẹrọnọmị 1:11

À tẹkẹarị mịnẹ KỊNỊNYANAḄỌ ḅe, ọmịna aḍapụ sịḅị-tuu pịrị Tamụnọ ḅe, ọ́ mịẹ tẹ mịọkụ kịẹn-ḅịḅị ḅụ ó kiri maa ẹndẹ oyia asi finji kẹ kamaa, tẹ ori ó bomaa, ọ̀ wẹrịtẹ ọ́ karịma tẹ ḅara!

Ditẹrọnọmị 1:35

Mị si ḅụọ mẹ ḅụ mịna owiapụ ma ḅụ gbọrụḅọ-sọ iḅi ama mẹ tẹ à kẹ ọmịna aḍapụ pịrị ḅẹ ye karị ama mẹ ẹrị ḅịa,

Ditẹrọnọmị 10:11

KỊNỊNYANAḄỌ ḅe nwẹnị ị̀ ḅẹẹ: Saakị! tẹ ọmịna igoni mẹ dọkụụ, tomi ma kẹ sịḅịdaḅọ ḅara ḅụ, mịẹtẹ ini ama mẹ tẹ à kẹ ịna aḍapụ ma pịrị ḅẹ ye karị ḅara kẹ minini ye mẹ ịn nwẹn sọ-mu tẹ ama mẹ nyana ḅẹ ḅara.

Ditẹrọnọmị 11:24

Ḅẹ yọ, ḅẹ yọ tẹ ọmịna aḅụọ-kuḅu sịẹtẹ mẹnjị-ḅọrọ-anga goyegoye sime ọ́ pịrị ḅa; ọmịna ye-yọ ịkpa mẹ ḅụ ọkị mu Lẹbanọnị la ḅa, pịkị Tọrụ mẹ, Yuferetisi Tọrụ mẹ ḅụ ọkị mu ịrụa-ideriarị-anga ḅẹ opu tọrụ mẹ la ḅa.

Ditẹrọnọmị 11:9

Mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma na, ịna aḅụụ paka-ḅo apụ ma na pịrị ḅẹ ama mẹ ḅio ó ḍumo alama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio.

Ditẹrọnọmị 2:29

Ịsọ owiapụ-awọmẹ ma tẹ Seya ḅụ sime apụ ma na, Mohabụ ḅẹ apụ ma tẹ A-a ḅụ sime apụ ma na wẹrịtẹ mịẹ wa pịrị nwenii wa Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ wamịna Tamụnọ ḅe kẹ wa pịrị ama mẹ ḅio sọ-mu ḅara.

Ditẹrọnọmị 26:15

So-ḅio, ị́ fịafịa sime yọ ḅụ ḍiki iderimaa, tẹ ị́ atomi Izirẹlị na, amakiri mẹ tẹ ị́ kẹ wa pịrị tẹ ye mẹ na, ị́ wẹrịtẹ ye karị ḅara kẹ minini wamịna aḍapụ ma pịrị ye mẹ, anie ḅụụ-ḅẹlẹmatẹ iḅiọkụma fịye so-pakamarị amakiri mẹ bomaa.

Ditẹrọnọmị 26:3

Tẹ ọmịnị anị sakị mẹ ḅụ agbamịẹḅọ ḅe tẹ kọrịnama kọrị warị mẹ ḅio emi ḅọ ḅe dama-ḅo tẹ ọ̀ ḅẹẹ ḅa: À mịmgba mẹ mịẹ pakama KỊNỊNYANAḄỌ ị́ Tamụnọ ḅe pịrịm mịnẹ à ḅo anị ama mẹ tẹ KỊNỊNYANAḄỌ ḅe kẹ wa pịrị ḅe ye karị ḅara kẹ minini wamịna aḍapụ pịrị ama mẹ ḅio la tẹ.

Ditẹrọnọmị 28:11

KỊNỊNYANAḄỌ ḅe nwẹnị ọ́ mịẹtẹ ọ́ lọkọlọkọ tẹ lolo ḅụ sime ḅa, ọmịna oju ḅẹ mgbọlụ ḅụ na, ọmịna opu anama ma ḅẹ mgbọlụ ḅụ na, ọmịna kịrị mẹ ḅẹ sịnmgbọlụ na ḅụ ama mẹ tẹ KỊNỊNYANAḄỌ ḅe kẹ ọ́ pịrị ḅẹ tẹ ye karị ḅara kẹ minini ọmịna aḍapụ ma pịrị ama mẹ ḅio.

Ditẹrọnọmị 29:12

mịẹtẹ ọ́ KỊNỊNYANAḄỌ ọmịna Tamụnọ ḅe na ọḅọkụ mẹ tẹ KỊNỊNYANAḄỌ ọmịna Tamụnọ ḅe ye karị ḅara kẹ mịmgba ọmịnị na fị ḅarị ọḅọkụ mẹ fị ḅarị ḅara,

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 31:7

Anịtẹso Mozizi nwẹnị Jọsụwa sịn, tẹ ọ̀ ḅẹẹ Izirẹlị mẹmgba tọrọkọ ḅụ, “Iḅi ḅiokpọ ḅụ kụrọ sịẹsime; kẹ gotẹ ọkọ ḅẹẹarị, ị́ mịna atomi ma na ama mẹ tẹ KỊNỊNYANAḄỌ ḅe kẹ ịna aḍapụ pịrị ḅẹ ye karị ḅara kẹ minini tẹ ama mẹ ḅio sọ-mu ḅa, tẹ ini anị nyana ḅẹ ḅara kẹ ị́ ịn koroma ḅa.

Ditẹrọnọmị 34:4

KỊNỊNYANAḄỌ ḅe nwẹnị ọ̀ ḅẹẹ, “Mie à ye karị ḅara kẹ minini Ebira-amụ na, Ayịzịkị na, Jekọbụ na pịrịm, ‘À kẹ ị́ ḅụụ ḅụ paka-ḅo apụ ma pịrị ḅa’ ama mẹ; àrị ị́ mịẹ tẹ ị́ ị́ atọrụngbọ kẹ anị ẹrị tẹẹ, kụma ị́ saḅa anịjụ mu ḅịa.”

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 6:10

KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ò ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na pịrịm ọ̀ kẹ ọ́ pịrị ḅẹ ama mẹ, gburo-gburotẹ, iḅitẹ opu ama ma tẹ ọmịnị nama-a ḅẹ ama ma ḅio suu sakị;

Ditẹrọnọmị 7:12

Anịsakị ọ́ mịna kụrọ ḅara-ḅio sime apụ sụa oloko ma koko, tẹ arị mịẹ ẹrẹsị, KỊNỊNYANAḄỌ ọmịna Tamụnọ ḅe ọmịnị na, ọḅọkụ mẹ na jike-a ḅẹlẹma mẹ na, tẹ ò ye karị ḅara kẹ minini ọmịna aḍapụ pịrịm ịn koko ḅẹ ye mẹ, koko ḅa.

Ditẹrọnọmị 7:13

Ori ọ́ ḅẹlẹma ḅa, ó boma ḅa, tẹ mịẹtẹ ọ́ kama ḅa; tẹ ọ̀ pịkị mịẹtẹ ọmịna oju ḅe mgbọlụ na, ọmịna kiri ḅio ḅẹ mgbọlụ na, ọmịna sịnmgbọlị na, ọmịna iru na, ọmịna pulo na, ọmịna opu anama ma kịẹn-ḅịḅị mịẹ ḍụḅama ḅẹ aị ma na, ọmịna anana na oḅori na ogbo mẹ ḅẹ asambịrịma aị ma na boma ḅa anị ama mẹ tẹ ọ̀ kẹ ọmịna aḍapụ ma pịrị ḅẹ ye karị ḅara kẹ minini wararị ama mẹ ḅio.

Ditẹrọnọmị 7:8

Kụma gbala KỊNỊNYANAḄỌ ḅe ọ́ ḅẹlẹmam tẹ tẹmẹ la ḅarasụa minini ye tẹ ò ye karị ḅara kẹ minini ọmịna aḍapụ ma pịrị ye mẹ koko ḅụ, mie KỊNỊNYANAḄỌ ḅe kẹ kụrọ nyana opu ḅara kẹ ọ́ pakama-ḅo tẹ ye, omoni-sọ anga mẹ ḅio, Fero Ijiputi ḅẹ amadaḅọ ḅe ḅara ḅio.

Ditẹrọnọmị 8:1

Ọ́ ḅụụ ẹbị-ẹbị tẹ oloko mamgba tẹ à mịmgba tọn ọ́ pịrị aị ma mịẹ ḅa, mịẹtẹ ó ḍumo tẹ kama ḅẹ ḅara, tẹ sọ mu ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma karịma wararị ama mẹ nyana ḅẹ ḅara.

Ditẹrọnọmị 9:5

Ọmịna karakara, anịanịa ọmịna ḅioḅẹngbọ ḅụ ọ́ kọn karakara ḍumo gotẹ ọ́ sọ ịna ama mẹ nyana ḅẹ mu-a; kụma mịna opu asịẹ ma si-sịḅịḅio mie KỊNỊNYANAḄỌ ọmịna Tamụnọ ḅe gotẹ ọmịna tọrọkọ in dee pakamarị ye, mịẹtẹ ẹkwẹn mẹ tẹ KỊNỊNYANAḄỌ ḅe ye karị ḅara kẹ kọn ọmịna aḍapụ Ebira-amụ pịrị, Ayịzịkị pịrị, Jekọbụ pịrị ẹkwẹn mẹ ori anị mịẹ kụrọma ḅẹ ḅara.

Hiburu 6:13

Tamụnọ ye minini Ebira-amụ pịrị sakị, ọ̀ karịm mịnẹ ò minini ye mẹ ọ̀ mịẹ ḅa. Ọ̀ nẹngị jụmọ ofori sakị goyegoye, ori ẹrẹ mie ọ̀ kẹ ye mẹ karị yee.

Hiburu 6:14

Ori mẹẹ, “À minini ị́ pịrịm, àrị í boma tẹ tọnwa awọmẹ kẹ ị́ pịrị ḅa.”

Jọsụwa 1:6

Iḅi ḅiokpọ nyana tẹ kụrọ sịẹẹ; kẹ gotẹ ọkọ ḅẹẹarị, ị́ mịna tomi ma mịẹtẹ ịn mu ama mẹ tẹ à karịm à kẹ ịna aḍapụ ma pịrị ḅẹ ama mẹ ọkị nyana ḅa.

Ḅẹrẹkọn-apụ 2:1

Mịọkụ KỊNỊNYANAḄỌ ḅe enjẹlị Giligalị ḅụ so Bokimu mum. Ọ̀ nwẹnị ḅẹẹ, “Yẹrị Ijiputi ḅụ ọmịnị ọkị-ḅo ama mẹ tẹ á kẹ ọmịna aḍapụ pịrị ḅẹ karị ama mẹ ḅio suu tẹ. À ḅẹẹm, à gbala-gbala arị ọmịnị na fị wararị ị̀ ọḅọkụ mẹ kan ḅịa,