Ditẹrọnọmị 1:7 - FỊAFỊA BAỊBỤLỤ

⁷ Miemẹ ẹrẹsị ọ́ saakịị, tẹ mẹnjị tọrọkọ Amọrayịtị apụ ma tụndụ ọgọnọ ḅẹ opu sịẹ mẹ na anị na kpeki tẹ angarị apụ mamgba na ama ma muu — anie Jodanị tụndụ suku-ḅio na, ḅẹ opu sịẹ mẹ na, lẹgịtẹ-kiri mẹ ḅẹ ama mẹ na, Samụnọtẹ Kiri ḅẹ mẹ na, opu tọrụ mẹ agara mẹ na, Kenanị ḅẹ apụ ma ama mẹ na, Lẹbanọnị na ọkị mu opu tọrụ mẹ jụjụ-ḅio Yuferetisi Tọrụ mẹ la.

Ditẹrọnọmị 1:7 Iomraidhean Croise

Suku-saakị 12:9

Tẹ Ebiramụ paa mẹnjịma Kenanị suku-jụ simearị samụnọtẹ kiri mẹ da-da mum.

2 Samụẹlị 8:3

Devidi pịkị Adadeza, Zoba ḅẹ amadaḅọ, Rehobu owiḅọtụḅọ ḅe nẹngịmam, Adadeza mu Yuferetisi tọrụ mẹ ḅụ siin ọ̀ kụrọ pịkịma ọkị ḅẹ-muarị ogbo.

1 Paka-aị 18:3

Devidi pịkị Adadeza, Zoba ḅẹ amadaḅọ nẹngịmam ori Hamatị la ḅẹ-muarị ogbo, ọ̀ gbala mu ọ̀ ḅẹrẹtọn mịẹ-pakama ḅẹ-muarị Yuferetisi tọrụ ḅụ.

1 Paka-aị 27:29

Sarọnị ḅụ sime anana-ogbo ma ḍikiḍiki onyo-sẹịnḅọ anie Sitirayị, Sarọnị ḅẹ ḅọ ḅe; anịsakị tụndụ ogboku ma ḅụ sime anama-ogbo ma ḍikiḍiki onyo-sẹịnḅọ anie Safatị, Adilayi owiḅọtụḅọ ḅe.

1 Paka-aị 5:9

Ịna opu anama ma Gilẹdị ama mẹ ḅio lolo-kamam ẹrẹsị, ori anga mu ịkpa mẹ sọ-muarị anga ḅụ ịrụa-saakịarị-anga, anie Yuferetisi pakịrị mẹ sọ lam.

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Kịẹn-aḅịḅị 10:12

tẹ Izirẹlịapụ ma Sayịnayị ḅẹ ịkpa mẹ ḅio saakị mẹnjịm ḅiri-ḅiri ḅụ tẹ oḅuto mẹ mu Peranị ḅẹ ịkpa mẹ ḅio sịẹsimem.

Ditẹrọnọmị 1:19

KỊNỊNYANAḄỌ wamịna Tamụnọ ḅe tọn wa pịrị ḅara ḅụ wa Orẹbụ ḅụ saakị pakam, tẹ mẹnjị anị gburo-gburotẹ tẹmẹ-naịn-naịnma ịkpa mẹ tẹ mẹnjị Amọrayịtị apụ tụndụ ọgọnọ ḅẹ opu sịẹ mẹ muarị etela mẹ ḅụ ọmịnị ẹrị ye mẹ tolum tẹ wa ḅo Kadẹsị-Baniya lam.

Ditẹrọnọmị 11:11

kụma ama mẹ tẹ ọ́ saḅa-ḅọrọ tẹ ọkị nyana ḅẹ muarị ama mẹ anie tụndụ na, tụndụ ogboku na tẹ So-ḅio ḅẹ eene-minji sararị anga.

Ditẹrọnọmị 11:24

Ḅẹ yọ, ḅẹ yọ tẹ ọmịna aḅụọ-kuḅu sịẹtẹ mẹnjị-ḅọrọ-anga goyegoye sime ọ́ pịrị ḅa; ọmịna ye-yọ ịkpa mẹ ḅụ ọkị mu Lẹbanọnị la ḅa, pịkị Tọrụ mẹ, Yuferetisi Tọrụ mẹ ḅụ ọkị mu ịrụa-ideriarị-anga ḅẹ opu tọrụ mẹ la ḅa.

Jọsụwa 1:4

Mị suku-jụ mẹ ḅụ simearị ịkpa mẹ na mị Lẹbanọnị mẹ na ḅụ ọkị nwenii mu Yuferetisi opu tọrụ mẹ la, Itayịti apụ ama mamgba ọkị mu Opu Tọrụ mẹ ḅụ ịrụa-ideriarị-anga muarị anga mẹ la, ọmịna ye-yọ sọ ḅa.

Jọsụwa 10:40

Anị ḅara mie Jọsụwa kẹ bebe ama mẹ nẹngịma ḅara, tụndụ ọgọnọ ḅẹ opu sịẹ mẹ-o, Kenanị suku-jụ mẹ-o, lẹsẹrẹ kiri ḅụ simearị ama mẹ-o, tuuideri anga ḅụ simearị ama mẹ-o, na arịḅẹ amadapụ mamgba na. Ọ̀ kpọkpọ gbọrụ tomḅọ sọ kọnma-a, kụma KỊNỊNYANAḄỌ Izirẹlịapụ tẹkẹarị Tamụnọ ḅe wẹrịtẹ tọn ḅara mịnẹ ọwụ-sararị ye goyegoye ḅaa ḅẹẹ ḅara ḅụ, ori ịkatakirikọn-a-ḅara kẹ ịn ḅaam.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”

Jọsụwa 9:1

Amadapụ mamgba tẹ Jodanị mẹ ọgọnọ-jụ tụndụ ọgọnọ sime opu sịẹ mẹ ḅẹ apụ na, Gburo-gburotẹ Opu Tọrụ mẹ ḅẹ akaka lẹgịtẹ kiri ḅụ angama tọrụ mẹ ḍuka Lẹbanọnị da-mu Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na ḅụ sime apụ ma na,

Mịẹfinji 9:14

Pọkọ mẹ nwẹnị sonio karama enjẹlị ḅe ḅẹẹ, “Ini enjẹlị ma tẹ ịn kẹ Yuferetisi opu tọrụ mẹ ḅụ kpọọ wẹrị apụ ma fimaa!”