Ditẹrọnọmị 1:6 - FỊAFỊA BAỊBỤLỤ

⁶ “KỊNỊNYANAḄỌ wamịna Tamụnọ ḅe Orẹbụ ḅụ wa ḅẹẹm, ‘Mị tụndụ mẹ ḅụ ó sime ala tẹ ḅara iḅi tẹẹ!

Ditẹrọnọmị 1:6 Iomraidhean Croise

Paka-so 17:6

Ḍikii, ị́ tọrọkọ ḅụ à gbọrụ ịkụ ọgọnọ ḅụ sịẹsime ḅa Orẹbụ ḅụ; anịsakị ị́ ịkụ mẹ fomu ḅa, tẹ minji anị ḅụ paka-ḅo ḅa mịẹtẹ tomi ma ḅuu ḅarị ḅara.” Mozizi ọkọ mịẹm Izirẹlị ḅẹ omongiapụ ma tọrụ-ogbo ḅụ.

Paka-so 3:1

Gbọrụ ene ḅụ, Mozizi ò fụanḅọ Jetiro, anie Midiyanị ḅẹ agbamịẹḅọ ḅe anana ogbo ḍikiḍikiarị, tẹ ọ̀ nwẹnị ori anana ogbo mẹ kẹ ịkpa mẹ ḅẹ ịrụa-ideriarị-anga mu tẹ ḅo Orẹbụ (anịanịa Sayịnayị) Tamụnọ ḅe Tụndụ mẹ la.

Kịẹn-aḅịḅị 9:22

Anị nwẹnị ḅọrọ maa aḍin, anịanịa gbọrụ akalụ, anịanịa ala anị sakị mẹ nẹngị tẹ oḅuto mẹ Akpụrụ-warị mẹ ọgọnọ-jụ ḅụ sime tọrọkọ mu sọ, Izirẹlịapụ ma in kobiri sime anga ḅụ simem, tẹ saakị mẹnjị-a; kụma ini anị ọkị iwo tẹso, kụma, in saakị mẹnjị tẹẹ.

Ditẹrọnọmị 1:5

Jodanị mẹ ọgọnọ-jụ, Mohabụ ḅẹ ama mẹ ḅio Mozizi nwẹnị mị oloko mẹ ḍuko giregirema mẹ ọkị ori ọgọnọ gbana tẹ ḅẹẹm:

Ditẹrọnọmị 18:16

Paa ọ́ wẹrịtẹ Orẹbụ ḅụ KỊNỊNYANAḄỌ ọmịna Tamụnọ ḅe ḅara ḅii ḅara pembe ḅara, kobiri-ogbo mẹ ene mẹ ḅụ, anị sakị mẹ tẹ ọ́ ḅẹẹm: Yee wa ḅarị jen-maaịn kẹ KỊNỊNYANAḄỌ wamịna Tamụnọ ḅe pọkọ naa ma, anịanịa mị gburo-gburotẹ opu kọrị fịnị mẹ ẹrị, anieofori wa ḅofa fịị.

Ditẹrọnọmị 5:2

KỊNỊNYANAḄỌ wamịna Tamụnọ ḅe Orẹbụ (anie Sayịnayị Tụndụ) ḅụ wamịnị na ọḅọkụ fịm.

Ditẹrọnọmị 9:8

Orẹbụ ḅụ sọ ọ́ KỊNỊNYANAḄỌ ḅe ịganị sịn saakị tẹ ori ịganịm; tẹ anị KỊNỊNYANAḄỌ ḅe ḅụụ-ḅẹsọ tẹ ori ọ́ ḅaa ḅẹ tẹlẹmam.