Ditẹrọnọmị 1:42 - FỊAFỊA BAỊBỤLỤ

⁴² KỊNỊNYANAḄỌ ḅe nwẹnị ị̀ ḅẹẹ: Ịn ḅẹẹ, ọmịnị iwo mu, anịanịa owu sọ ma, kẹ gotẹ ọkọ ḅẹẹarị, arị ọmịna ogbo ḅio mẹ ḅụ ofori; anieofori ọmịnị na fịya-a apụ ma tọrọkọ ó ḅofa ḅịkị.

Ditẹrọnọmị 1:42 Iomraidhean Croise

Ayịzaya 30:17

Ọmịna ḅụ ḅẹ kịnị maa ẹndẹ oyia asi finji ọmịnị na fịya-a apụ ma ḅẹ gbọrụ ọmụḅọ ẹrị tẹ mangị fa ḅa, tẹ sọnọ ọmụapụ ngẹrị ḅo tẹ, mịẹ tẹ ọmịna atomi mamgba mangị fa ḅa. Ọmịna ọmụ-ogbo ḅụ gberie-sọ kiri kọn ḅịa, tụndụ ọgọnọ-jụ ngẹrị pike wararị arụ pike ḅịtẹ sịn sikima.

Hosiya 9:12

Kụma ịn nwẹnị paa ḍụkụ-a tẹ awọ iyim ḅẹsọ, àrị ini ọkị so ḅa, tẹ mịẹ tẹ gbọrụḅọ sọ ḍumo sime ḅịa. À mịna atomi ma kẹ gbin-koroma-so sakị, opu ḅalafama aị ịna aḅụụ paka ḅa.”

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

1 Samụẹlị 4:10

Anieḅụ Filisiteniapụ ma owu sọm, tẹ Izirẹlị nẹngịmam, tẹ ịn ḍumo-mangị kọnm; ọrụḅọ-ọrụḅọ so mḅọ ama mum; tẹ ịn gburo-gburoma ịn ḅaa lamam, kẹ gotẹ ọkọ ḅẹẹarị, ḅụọ kẹ mẹnjịarị ọmụgbin-apụ ḅụ ịn kịnị tẹra apuku jeia ẹndẹ finji (30,000) ḅaam Izirẹlị ḅụ.

1 Samụẹlị 4:2

Filisiteniapụ ma ọgbụrụ-sụn tẹ Izirẹlị da-pakam, tẹ owu mẹ finjima sakị, Filisiteniapụ ma nwẹnị Izirẹlị nẹngịma, inima tẹ owu siri mẹ ḅụ kịnị oyi ẹndẹ (4,000) pembe apụ ḅaa apụ ma.