Ditẹrọnọmị 1:2 - FỊAFỊA BAỊBỤLỤ

² Siya Tụndụ akaka ḅẹ etela mẹ ḅụ, Orẹbụ ḅụ mẹnjị-ḅo Kadẹsị-Baniya la anie oyi gbọrụ ḍin finji igoni.

Ditẹrọnọmị 1:2 Iomraidhean Croise

Suku-saakị 32:3

Jekọbụ nwẹnị ọ̀ tọrọkọ, tarị oku-mẹnjịapụ kẹ ori iyimbere Ịsọ fịrịma Idọmụ opu sịẹ mẹ ḅẹ gbọrụ ama Seya ḅụ,

Paka-so 17:6

Ḍikii, ị́ tọrọkọ ḅụ à gbọrụ ịkụ ọgọnọ ḅụ sịẹsime ḅa Orẹbụ ḅụ; anịsakị ị́ ịkụ mẹ fomu ḅa, tẹ minji anị ḅụ paka-ḅo ḅa mịẹtẹ tomi ma ḅuu ḅarị ḅara.” Mozizi ọkọ mịẹm Izirẹlị ḅẹ omongiapụ ma tọrụ-ogbo ḅụ.

Paka-so 3:1

Gbọrụ ene ḅụ, Mozizi ò fụanḅọ Jetiro, anie Midiyanị ḅẹ agbamịẹḅọ ḅe anana ogbo ḍikiḍikiarị, tẹ ọ̀ nwẹnị ori anana ogbo mẹ kẹ ịkpa mẹ ḅẹ ịrụa-ideriarị-anga mu tẹ ḅo Orẹbụ (anịanịa Sayịnayị) Tamụnọ ḅe Tụndụ mẹ la.

Lẹvitikọsị 2:14

“Ọ́ kụra mẹ ḅụ tarị-sịnmgbọlụ agba mịẹ KỊNỊNYANAḄỌ ḅe pịrịarị ḅẹḅẹ, ọ́ kẹ ọmịna tarị-sịnmgbọlụ agba mẹ mịẹ ḅarịye anie fịnị kẹ fọị grẹgrẹtẹ ịwọ fịye.

Lẹvitikọsị 9:23

Tẹ Mozizi na, Erọnị na mẹnjị Kobiri Akpụrụ-warị mẹ ḅio sọ-mum; tẹ ịn mẹnjị paka-ḅo tẹso ịn tomi ma bomam, tẹ KỊNỊNYANAḄỌ ḅe ebube mẹ nwẹnị paka-ḅo ḅịya tomi mamgba sarama.

Kịẹn-aḅịḅị 13:26

Ịn nwẹnị Mozizi na, Erọnị na, Izirẹlịapụ ma tomina-ogbo mẹmgba ḍọkụma-ḅo Kadẹsị ḅụ Peranị ḅẹ ịkpa mẹ ḅio; ịn ḅịḅị da ḅo ḍuko ini na, tomina-ogbo mẹmgba na pịrịm, tẹ ama mẹ ḅẹ sịnmgbọlụ mẹ kẹ ịn ḍiem.

Kịẹn-aḅịḅị 32:8

Mị-ḅara mie ọmịna aḍapụ mịẹ ḅara Kadẹsị-Baniya ḅụ arị ịn fịrịmam mu ama mẹ ẹnyẹ nwẹn ḅẹẹ sakị.

Ditẹrọnọmị 1:19

KỊNỊNYANAḄỌ wamịna Tamụnọ ḅe tọn wa pịrị ḅara ḅụ wa Orẹbụ ḅụ saakị pakam, tẹ mẹnjị anị gburo-gburotẹ tẹmẹ-naịn-naịnma ịkpa mẹ tẹ mẹnjị Amọrayịtị apụ tụndụ ọgọnọ ḅẹ opu sịẹ mẹ muarị etela mẹ ḅụ ọmịnị ẹrị ye mẹ tolum tẹ wa ḅo Kadẹsị-Baniya lam.

Ditẹrọnọmị 1:44

Anịtẹso Amọrayịtị apụ ma tẹ tụndụ ọgọnọ ḅẹ opu sịẹ mẹ ḅio simearị apụ ma nwẹnị paka-ḅo tẹ akama kịnị ḍuka ḅara kẹ Siya ḅụ ó ḍuka ideri ḅo Oma jụjụ-ḅio lam.

Ditẹrọnọmị 2:1

Anịtẹso wa vuunma pịkịm tẹ KỊNỊNYANAḄỌ ḅe ḍuko ị̀ pịrị ḅara, tọrụ kẹ Awụ Tọrụ mẹ sime pakịrị da tẹ igoni mẹnjị kọn ịkpa mẹ ḅio sọ-mum; tẹ tọnwa aḍin kẹ Seya Tụndụ ḅẹ mẹnjị ikelekelem.

Ditẹrọnọmị 2:4

Anịsakị tọn tomi ma pịrị: Ọ́ mẹnjị ọmịna amịnapụ Ịsọ owiapụ-awọmẹ ma tẹ Seya ḅụ simearị apụ ma ye-yọ tolu ḅẹ tẹ; anịsakị ini ó ḍiki-ḅalafa ḅa. Anieḅụ ọmịnị iḅi ḅara kẹ ḅụụ ẹbị nyana;

Ditẹrọnọmị 2:8

Mị-ḅara mie wa kẹ mẹnjịma wamịna amịna apụ Ịsọ owiapụ-awọmẹ tẹ Seya (Idọmụ) ḅụ sime apụ ma koroma so ḅara Elatị na, Eziyọnị-geba na ḅụ Ịkpa ḅio ḅẹ Ele mẹ ḅẹ etela mẹ ḅụ. Wa nwẹnị vuunma pịkị tẹ tọrụ kẹ Mohabụ ḅẹ Ịkpa mẹ sime pakịrị da-mu.

Ditẹrọnọmị 9:23

KỊNỊNYANAḄỌ ḅe Kadẹsị-Baniya ḅụ ó fịrịma tẹ ḅẹẹm: Ọmịnị iwo mu tẹ anị ama mẹ tẹ à kẹ ọ́ pịrị tẹ ama mẹ ọkị nyana-a ḅẹ sakị, anị sakị rẹ mie ọ́ sịḅị kụrọma KỊNỊNYANAḄỌ ọmịna Tamụnọ ḅe tọn ye mẹ pịrị tẹ ò minini-a, anịanịa ọ̀ pọkọ poki ḍụkụ-a ye.

Jọsụwa 14:6

Anịtẹso Juda ḅẹ apụ Giligalị ḅụ Jọsụwa dama-ḅom, tẹ ini ḅẹ gbọrụḅọ, Kẹlẹbụ, Kenizayịtị ḅẹ Jefune owiḅọtụḅọ ḅe nwẹnị ọ̀ ḅẹẹ, “Ị́yẹrị na, yẹrị na gbolomaye KỊNỊNYANAḄỌ ḅe kẹ Kadẹsị-Baniya ḅụ Mozizi, Tamụnọ tomḅọ ḅe ḅẹẹ ye í nimi wararị.