Ditẹrọnọmị 1:10 - FỊAFỊA BAỊBỤLỤ

¹⁰ KỊNỊNYANAḄỌ ọmịna Tamụnọ ḅe mịẹtẹ ọ́ kama tẹẹ, anịsakị ḍikii, mịmgba tomi ogbo ḅụ ó So-tọrụ ḅẹ alolia ma ḅin ḅara ḅin tẹẹ kịẹn-ḅịḅị ḅụ.

Ditẹrọnọmị 1:10 Iomraidhean Croise

Suku-saakị 15:5

Tẹ ọ̀ nwẹnị ọ̀ pakama etela-ogbo ḅo tẹ ḅẹẹ, “Tọrụ saakị so ḍiki tẹ lolia ma kịẹn, í inetẹ arị kịẹn ḅarị ḅẹḅẹ.” Anịtẹso ọ̀ nwẹnị ọ̀ ḅẹẹ, “Mị-ḅara mie í furo-ḅẹ-apụ la ḅarị ḅara.”

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Suku-saakị 28:14

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

1 Paka-aị 27:23

Devidi tomi ma kịẹn sakị, ọ̀ sịḅị ḅụ si kụra ḅụ iderima apụ kịẹn-a. Anị kẹ gotẹ ọkọ mịẹ ye KỊNỊNYANAḄỌ ḅe minini tẹẹ, ori Izirẹlị mịẹ tẹ ịn So-tọrụ ḅẹ lolia ḅin ḅara ḅin ḅa.

Nehimaya 9:23

So-tọrụ ḅẹ lolia ḅin ḅara kẹ ị́ mịẹtẹ ịna ḅụụ paka-ḅo apụ kamam; tẹ ị́ ịn kẹ ḅo ḍuko ịna ḍapụ pịrịm, in so tẹ nyana ḅẹ ama mẹ ḅio koromam.

Devidi-Anume 107:38

Ori ori atomi ma bomam, tẹ ịn tọnwa awọ iyim; ọ̀ ḍụkụ tẹ ịna opu anama ogbo-ogbo ma kịẹn-ḅịḅị ideri-a.

Paka-so 12:37

Izirẹlịapụ ma Ramịsịsị ḅụ saakị ḅụọ, ḅụọ kẹ mu Sukọtị lam, ereme na, awọmẹ na sikima owiapụ kịnị sọnọ apuku ofori puku inia si (600,000) pembe apụ.

Paka-so 32:13

Ị́ afịrịmẹnjịapụ Ebira-amụ na, Ayịzịkị na, Izirẹlị na kẹ ḅiokoromaa, inima tẹ ị́yẹrị ḅioju ḅarana ye karị ḅara kẹ ịn ḅẹẹm, À mịẹtẹ ọmịna furo-ḅẹ-apụ lolo-kama tẹ So-tọrụ ḅẹ alolia sime ḅara sime ḅa, anịsakị mị ama mẹ tẹ à minini ye mẹ, à kẹ ọmịna furo-ḅẹ-apụ pịrị ḅa, tẹ ini anị nyana gbamaso ḅa.’ ”

Ayịzaya 51:2

Ọmịnị ọmịna elemu ḍaḅọ Ebira-amụ kẹ ḅiokoromaa, na Sera na, ḅụụ ḅụ ọ́ paka-ḅo ḅọ ma. Arị Ebira-amụ sịn ọkị sakị, ọ̀ tụḅọ nyana-a kụma arị ò boma tẹ awọ kẹ ọ̀ pịrịm; à mịẹ tẹ ò furo-ḅẹ-apụ kịẹn-kịẹn ọkụ ofori ḅara lam.

Izikẹlị 16:7

Àrị ị́ mịẹ tẹ í obi-a sịn kịkam. Ị́ nwẹnị so-paka ḅo kụrọ, tẹ gele paka-ḅo iriawọ-tụḅọ sọ. Ị́ ndo pakama tẹ ḅo iḅim, tẹ ị́ sịḅị ḅẹ inume sọ ḍụḅam, kụma ị́ paụ sara simem.”

Kịẹn-aḅịḅị 1:46

ịna bebe kịẹn-ḅịḅị anie, sọnọ fa puku inia si, na kịnị amesi oyi finji ofori kịnị eseni ẹndẹ na (603,550).

Kịẹn-aḅịḅị 10:36

Anịsakị anị ịnyọsara sakị goyegoye ọ̀ ḅẹẹm, “Pịkịma-ḅoo, Yei KỊNỊNYANAḄỌ!”

Ditẹrọnọmị 1:11

À tẹkẹarị mịnẹ KỊNỊNYANAḄỌ ḅe, ọmịna aḍapụ sịḅị-tuu pịrị Tamụnọ ḅe, ọ́ mịẹ tẹ mịọkụ kịẹn-ḅịḅị ḅụ ó kiri maa ẹndẹ oyia asi finji kẹ kamaa, tẹ ori ó bomaa, ọ̀ wẹrịtẹ ọ́ karịma tẹ ḅara!

Ditẹrọnọmị 10:22

Ọmịna aḍapụ ma ideri Ijiputi mum, ini kịnị atesi oyi finji; anịsakị mịọkụ KỊNỊNYANAḄỌ ọmịna Tamụnọ ḅe tomi ogbo ḅụ ọ́ kẹ So-tọrụ ḅẹ alolia ma ḅin ḅara kẹ kama sara tẹ.

Ditẹrọnọmị 26:5

Anịsakị ọmịnị nwẹnị KỊNỊNYANAḄỌ ọmịna Tamụnọ ḅe tọrọkọ ḅẹẹ ḅa: Ị̀ ḍa ḅe anie ikelekelearị ḅẹ Eramụ ḅẹ ḅọ, tẹ ori ideri Ijiputi ḅio sọ-mum, tẹ anịjụ bịanḅọ sọm; kịẹn-ḅịḅị ḅụ ịn boowa; tẹ anịjụ ḅụ ò ḅo opu sịẹ, gburo-gburo, kụrọ-nyana tẹ mana-mana atomi sọm.

Ditẹrọnọmị 28:62

Ó tomina-ogbo ḅụ So-tọrụ ḅẹ alolia ma ḅin ḅara ḅin sime sọ, kịẹn-ḅịḅị ḅụ ọmịna ḅụụ boowa apụ mie kirikọn ḅarịye; gbala ọ́ KỊNỊNYANAḄỌ ọmịna Tamụnọ ḅe pọkọ poki-a ẹrẹsị.

Ditẹrọnọmị 7:7

Kịẹn-ḅịḅị ḅụ ọ́ ja atomi nẹngịm ẹrẹsị KỊNỊNYANAḄỌ ḅe ọ̀ ḅẹlẹma kẹ ọmịnị ọgọnọ gbana tẹ ọ́ sẹlẹ-ọkịm ọkọ-a, kẹ gotẹ ọkọ ḅẹẹarị, tomi mamgba ḅụ ọmịnị boowa tẹịnm.