Devidi-Anume 99:8 - FỊAFỊA BAỊBỤLỤ

⁸ Yei KỊNỊNYANAḄỌ, ị̀ Tamụnọ, ị́ ị́ atomi ma ḅịḅị ọkị-ọkịm; ị́ kẹ in ḍiem mịnẹ si-wẹrịso, so Tamụnọ, karakaraye ị́ ịna asi gotẹ in fomu, fomu ḅẹsọ.

Devidi-Anume 99:8 Iomraidhean Croise

2 Samụẹlị 12:14

Anịsọ, miemẹ tẹ ị́ mịẹ ye mẹ ḅụ, ị́ gbọrsịḅị KỊNỊNYANAḄỌ ḅẹ ḍiki-simam ẹrẹsị, tụḅọ ḅe tẹ in iyi ị́ pịrị ḅọ ḅe ọ̀ fịị ḅa.”

Devidi-Anume 78:38

Kụma Tamụnọ ori atomi ma ḍiki-tọrụ-kụrụkụrụm. Ori ịna si-wẹrịso ịn pịrị tẹ ịn ḅaa guluguluma-a. Tọnwa asakị ọ̀ nwẹn kẹ ori ịganị da ọ̀ ḅụụ pịrị tẹ ori owi ịganị mẹ ḅụ ọ̀ ḅụụ ọlọm.

Devidi-Anume 89:33

Anịsọ à ḅarị Devidi ḅẹlẹma-a so ḅịa, anịanịa à minini ọ̀ pịrị ḅara mịẹ-a so.

Paka-so 32:2

Erọnị nwẹnị ịn ḅẹẹ, “Ó golu ḅerisụa-aị ma tẹ ọmịna sime-ereme na, ọmịna owiapụ-awọmẹ na, ọmịna eremịna-awọmẹ na aḅeri simearị aị ma sin tẹ arị ọkị-ḅo ị̀ pịrịị.”

Paka-so 34:7

À jike-a ḅẹlẹma nyana tomi pịrịarị mu ḅụọ-fa-ḅụọ-paka la. Àrị iri-amịẹaị na, oloko kan na, si na wẹrịsoarị; kụma gbala-gbala à ḅẹrẹ-ḅarasii-ḅọ mẹ wẹrịso ḅịa, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.”

Nimi Tolumaḅọ 7:29

Ḍikii, miemẹ ḅụ ngẹrị sọ à ḍọkị-ẹrịm mịnẹ Tamụnọ karakara mịẹ kẹ tomḅọ tẹmẹm, kụma tomi tọnwa kịrị-kịrị aḅọkọ ḍọkị amịna aḅụụ pịrị tẹ.

Jerimaya 46:28

Àrị ọ́ ḍọkụma-ḅo tẹ ọ́ ḅọrọma ḅa. À sịẹ-sịẹ mamgba guluguluma ḅa, àrị ọ́ gala-gala mu tẹ ayọ ma, kụma ọmịnị rẹ arị ó guluguluma ḅịa. À fomu-ḅara kẹ ọ́ pịrị-a ḅara kẹ ọ́ wẹrịso tẹ ó so ḅịa, kụma àrị ó fomu ḅẹ sakị à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe, ọkọ ḅẹẹm.

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”

Kịẹn-aḅịḅị 20:12

KỊNỊNYANAḄỌ ḅe nwẹnị Mozizi na, Erọnị na ḅẹẹ, “Ọmịnị Izirẹlịapụ ma tọrụ-ogbo ḅụ ị̀ mịẹ fịafịama ḅẹ ḅara kẹ ị̀ ḅụụ minini nyana-a ẹrẹsị, anịẹrẹsị ọmịnị mị kobiri-ogbo mẹ ọkị-ḅo ama mẹ tẹ à kẹ ịn pịrị tẹ ama mẹ ḅio suu ḅịa.”

Kịẹn-aḅịḅị 20:24

Erọnị fịị ḅa, kẹ gotẹ ọkọ ḅẹẹarị, ori ama mẹ tẹ à kẹ Izirẹlị ḅẹ apụ ma pịrị tẹ ama mẹ ḅio sọ-mu ḅịa, gbala Mẹrịba ḅẹ aminji ma ḅụ ọ́ sịḅị kụrọma à tọn ye pịrịm ẹrẹsị.

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

Ditẹrọnọmị 3:26

Kụma KỊNỊNYANAḄỌ ḅe ó gotẹ ịganị nyana ị̀ pịrịm, tẹ ì poki-a; tẹ KỊNỊNYANAḄỌ ḅe nwẹnị ị̀ ḅẹẹ: Yee anị ị́ na iḅiye sọ; ḅarị jen maaịn kẹ mị ḅẹrẹ mẹ ḅẹ ye ẹkwẹn ị̀ pịrị ma.