Devidi-Anume 99:4 - FỊAFỊA BAỊBỤLỤ

⁴ Opu kụrọ nyana Amadaḅọ, í kuraye ḅẹlẹmarị; ị́ tọn kuroma tẹ Izirẹlị ḅụ jụmọ-jụmọ inoma paka ma; ị́ karakara mịẹ na kuraye mịẹ na oloko tọn wa pịrị tẹẹ.

Devidi-Anume 99:4 Iomraidhean Croise

Jobu 37:23

Kụrọmamgba Nyanaḅọ ḅe — wa inetẹ ori ẹrị ḅịa; kụrọ na, karakara ḅẹrẹkọn na ọ̀ kan ḅịa, ḅakatẹ karakara ḅụ ò gburo-gburom.

Devidi-Anume 11:7

KỊNỊNYANAḄỌ ḅe anie karakara mịẹḅọ, tẹ ori iḅi amịẹaị ḅẹlẹmarị: arị mịẹarị apụ ma ini ọ̀ tọrọkọ anga ḅa.

Devidi-Anume 98:9

ò tomikiri ḅẹrẹtọn ḅẹ ḅoarị ẹrẹsị. Ori inoma ofori ḅara na iḅi ḅara na kẹ ḅẹrẹtọn tomikiri ḅẹ atomi ma pịrị ḅa.

Ayịzaya 42:4

Ò ḅiokpọmaye anịanịa ḅiokpọ fama ḅịa; Ọ̀ mịẹ tẹ tomikiri mẹ ḅụ ọrụḅọ-ọrụḅọ mḅọ la kiri nyana wẹrị ḅa. Sụma-yọ simearị amakiri ma ḅẹ apụ ḅio-sẹsẹ ḅara kẹ ò tolumaye koruarị.

Ayịzaya 61:11

Kiri ḅio ḍiḅi sịn mgbọlị piki-pikiye-ofori ḅara kẹ so-pakarị gbọrụ ḅara mẹ Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ori atomi ḅọrọma ḅarị ḅara, tẹ sịẹ mamgba ò tokini ḅa.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Ditẹrọnọmị 10:18

Ọ̀ karakara ḅẹrẹ kọn ḍaḅọ ofori tụḅọ ḅe na, diḅọ-fịtẹ-ẹrẹḅọ ma na pịrịarị, tẹ jen sịẹ ḅụ ḅo igoniḅọ ḅe ḅẹlẹmam, fịye na, kapa na kẹ ọ̀ pịrị ḅụ.

Judu 1:15

kẹ ḅo tẹ fomu-ḅara kẹ Tamụnọ bala-a si amịẹaị mịẹ apụ, tẹ ḅalafama asi ẹkwẹn kọn tẹ kẹ Tamụnọ mịẹ-sima tẹ apụ mamgba pịrị ḅa.”

Mịẹfinji 19:11

Anịtẹso, à ḍiki ḅẹ sakị, so finji tẹ à pịna-fa asụ ẹrị tẹ. Ori ọgọnọ kpọlị tẹ ò dogi mẹnjị ḅọ ḅe ẹrẹ, Ḅioḅẹngbọ kẹ gbana na-iḅi na, karakara na; sime tomḅọ pịrị kiri kẹ mḅọ pịrị ḅara mie ọ̀ kẹ ḅẹrẹkọn-arị, pịkị kẹ ori ọmụ ma gbin-arị ye.

Mịẹfinji 19:16

Ọ̀ kapa na ọ̀ ḅụọ-ẹtẹnẹ na ḅụ ẹrẹ kẹẹ wararị: “Amadapụ mamgba Amadaḅọ, pịkị kịnịnyanapụ mamgba KỊNỊNYANAḄỌ.”