Devidi-Anume 99:3 - FỊAFỊA BAỊBỤLỤ

³ Ḅẹḅọ-ḅẹḅọ ori opu ḅaka ẹrẹ mẹ tokini ḅa. Fịafịa anie ori!

Devidi-Anume 99:3 Iomraidhean Croise

Nehimaya 1:5

Yẹrị mẹẹ, “yei So-ḅio ḅẹ KỊNỊNYANA-TAMỤNỌ, gburo-gburotẹ tẹmẹ-naịn-naịnma Tamụnọ, tẹ ọḅọkụ koko tẹ jike-a ḅẹlẹma wẹrị kẹ ọ̀ ḅẹlẹma tẹ ori oloko koko apụ pịrị ḅọ,

Nehimaya 4:14

À nwẹnị ḍiki, tẹ saakị tẹ ama ḅẹ opu apụ ma na, opu fịrịmẹnjịapụ ma na, tomi ma ḅụụ kirikọn-apụ ma na ḅẹẹ, “Ọmịnị ịn ḍiki-ḅalafa ma. Ọ́ KỊNỊNYANAḄỌ ḅe tẹ gburo-gburotẹ, tẹmẹ-naịn-naịnmarị ḅọ ḅe tẹ owu-sọ ọmịna mịnapụ na, ọmịna owiapụ-awọmẹ na, ọmịna eremịna-awọmẹ na, ọmịna sime-ereme na, ọmịna ama ma na pịrị ḅọ ḅe kẹ ḅiokoromaa.”

Nehimaya 9:32

“Anịẹrẹsị mịọkụ yei wamịna Tamụnọ, gburo-gburotẹ kụrọ-nyanatẹ tẹmẹ-naịn-naịnmarị Tamụnọ! Tẹ ọḅọkụ na jike-a ḅẹlẹma na kokoarị ḅọ, yee Asiriya ḅẹ amadapụ ma sakị kụra-ḅio ḅo mịmgba la ḅụ wamịna amadapụ na, wamịna amadapụ awọmẹ na, wamịna agbamịẹapụ na, wamịna ịkịankoroapụ na, wamịna ḍapụ na, í atomi mamgba na ọgọnọ gbana ḅụụ-fụka mamgba ị́ ḅụụ kalịye sọma.

Nehimaya 9:5

Anịtẹso Livayị furo-ḅẹ-apụ ma ḅụụ Jọsụwa na, Kadimiyẹlị na, Bani na, Hasabiniya na, Sẹrẹbaya na, Hodiya na, Sẹbanaya na, Pẹtaya na nwẹnị ḅẹẹ, “Ọ́ saakị tẹ KỊNỊNYANAḄỌ ọmịna Tamụnọ ḅe boma, gbamaso ḅụ mu gbamaso la. Boma sime Í ebube ẹrẹ mẹ tẹ gele boma na tokini na mamgba nẹngị ẹrẹ mẹ pịrịị”.

Devidi-Anume 100:4

Ịmịẹtẹ ḅẹ kẹ Tamụnọ warị mẹ sọ mu, tokini kẹ ḅio, ḅio ma sọ mu. Ịmịẹtẹ kẹ ọ̀ ḅẹ tẹ ò tokinii.

Devidi-Anume 103:1

Ị̀ tẹmẹ, KỊNỊNYANAḄỌ ḅe tokinii! Ì bebe ḍumo mamgba, ọ̀ fịafịa ẹrẹ mẹ tokinii!

Devidi-Anume 111:9

Ori ori atomi ma mịẹ tẹ ini ịna asịḅị atomi sọm, pịkị sime gbamaso ọḅọkụ kẹ ini na fịm. Ori Fịafịa na opu kụrọ na Ḅọ!

Devidi-Anume 145:17

KỊNỊNYANAḄỌ ḅe mịẹarị aị mamgba ḅụ ọ̀ karakaram, ọkụrụkụrụ ḅụ ori arịmgba mịẹarị.

Devidi-Anume 66:3

Ọ́ Tamụnọ ḅẹẹ, “Ị́ mịẹarị aị ma ḅụụ-buama ḅara ḍikii! Ị́ kụrọ ḅaka ḅara gotẹ si kẹ ị́ tọn-arị apụ ma ḅalafa ḅụ ị́ tọrọkọ iḅoarị.

Devidi-Anume 76:1

Juda ḅụ ịn Tamụnọ nimi wararị; tomi ori ẹrẹ kụn-arị Izirẹlị ḅụ.

Devidi-Anume 76:12

ọ̀ ḅụụ-gelemarị amadapụ awọmẹ ma siin iderima tẹ opu amadapụ ma tẹmẹ-naịn-naịnmarị.

Ayịzaya 6:3

Ịn jụmọ-jụmọ sịn tẹ ḅẹẹm, “Fịafịa, fịafịa, fịafịa! Kụrọmamgba nyana KỊNỊNYANAḄỌ ḅe anie Fịafịa Ḅọ! Ori ebube tomikiri mẹ ḅin wararị.”

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Jọnị 17:11

Tẹ mịọkụ à so ị́ ḍọkụma-ḅoarị; à ḅarị tomikiri mẹ ḅio ofori, ini kụma in tomikiri mẹ ḅio emi. Fịafịa Ḍaḅọ! In koko kpaịnmaa ị́ ẹrẹ mẹ ḅẹ kụrọ mẹ ḅụ, anie kẹ ị̀ pịrị ẹrẹ mẹ, mịẹtẹ in gbọrụ ḅụ sime ḅarị ḅara, anie na ị̀ na simearị ḅara mẹ.

Ditẹrọnọmị 28:58

“Ọ́ ḅụụ ẹbị-ẹbị tẹ mị oloko mẹ ḅẹ ẹkwẹn-aḅịḅị mamgba tẹ mị ḍiri mẹ ḅio kẹẹ wararị aị ma, mịẹtẹ ọmịnị inetẹ mị ebube nyana tẹ ḅalafama ẹrẹ mẹ anie KỊNỊNYANAḄỌ ọmịna Tamụnọ ḅe ẹrẹ mẹ mangịma ḅarị ḅara mịẹ-a ḅẹḅẹ,

Ditẹrọnọmị 7:21

Ọmịnị ịn ḍiki-ḅalafa ma, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogbo-ḅio emi, gburo-gburotẹ tẹmẹ-naịn-naịnmarị Tamụnọ.

Jọsụwa 24:19

Kụma Jọsụwa nwẹnị tomi ma ḅẹẹ, “Ọmịnị inetẹ fịrịmẹnjị KỊNỊNYANAḄỌ ḅe pịrị ḅịa; kẹ gotẹ ọkọ ḅẹẹarị, ori anie fịafịa Tamụnọ; ori anie afana Tamụnọ; ori oloko kan ma, anịanịa ọmịna asi ma ọ̀ wẹrịso ọ́ pịrị ḅịa.

Mịẹfinji 4:8

Arị ḍumo wararị tẹ Tamụnọ tẹmẹ-aị ma gberie sonio apamba, sonio apamba-sụam; tẹ tọrụngbọ, tọrụngbọ, tọrụngbọ mie arị gbori-ikelema ye, ḅioju na ọḅụjụ na ḅụ. Ene ḅaka na ḍin na ḅụ in kuno-a ḅara kẹ nume su-su tẹ ḅẹẹarị: “Fịafịa, fịafịa, fịafịa anie KỊNỊNYANA-TAMỤNỌ Kụrọmamgba nyana ḅọ ḅe, ḅọrọtẹ sakị-o, mịọkụ-o, pịkị ḅo ḅarị sakị ḅụ sọ, emi ḅọ ḅe!”

1 Samụẹlị 2:2

KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.