Devidi-Anume 83:2 - FỊAFỊA BAỊBỤLỤ

² Ḍikii! Si kẹ ị́ tọn apụ ma saakị tẹ ị́ na tụḅụrụ tẹ, tẹ í ḍiki-ḅioḅuarị apụ ma kọngọ kụrọma tẹ.

Devidi-Anume 83:2 Iomraidhean Croise

2 Amadapụ 19:28

Ị́ ịganị ị̀ pịrị tẹ, ị́ ḅụụ-gelema mẹ ḅo ì aḅeri ḅio sọ tẹ ẹrẹsị, Àrị ị̀ arị kẹ ị́ nini kpịra ḅa, Àrị ị̀ ḅịḅị-sụaye kẹ í ḅịḅị sụa ḅa, tẹ ị́ nụnụ-pịkị í ḅo anga da ḅa.

Devidi-Anume 109:1

Tamụnọ, arị í tokinim; sisi gbọsime ma!

Devidi-Anume 74:23

Si kẹ ị́ tọn apụ ịganị, ịganị tẹ olokuarị aị ma kẹ ḅioḅọrọma ma; owu kẹ ị́ na sọarị apụ ma ḍụkụ tẹ ḅeri ḅarịye naa-a gbamasoarị ye mẹ.

Devidi-Anume 74:4

Si kẹ ị́ tọn apụ ma ị́ Warị ḅio sime tẹ olokum owu-ḅara-iḅi ḅụ; ini ịna arụ pike-ḅịtẹ kẹ anịanga pike tẹ owu-ḅara-iḅi elekima ḅara ḅụ.

Devidi-Anume 81:15

Ì ḍiki-ḅioḅuarị apụ ma ḅalafa ḅụ ị̀ tọrọkọ iḅo ḅarị ya; ịna fomu-ḅara nwẹnị mu ḅẹẹ-sakị ḅẹẹ-sakị la ḅarị ya.

Devidi-Anume 93:3

Yei KỊNỊNYANAḄỌ, abajị owolo ma ịna pọkọ saakịarị, ini ịna pọkọ saakị tẹ ịḅanịarị.

Ayịzaya 17:12

Opu kụrọ nyana asịẹ ma gboloki ḅụ ḍụrụkụarị, tẹ anị abajị fiearị ye kịkarị, opu ọnụngọ ḅakụarị ye famam.

Ayịzaya 37:23

Í kuromarị ị́ mịẹ sima tẹ kẹ tii-tii ye mịẹarị ḅọ ḅe tụḅọ? Ị́ ị̀ mangịma-a ḅara kẹ ye mịẹtẹ, Izirẹlị tẹkẹarị Fịafịa Ḅọ ḅe.

Ayịzaya 37:29

Í ekirearị ye mẹ na ị́ ḅụụ boma mẹ na gboloma ye, ịn ḍuko ị̀ pịrị tẹ; mịọkụ àrị arị kẹ í nini sụka tẹ ḍigi kẹ ị́ ḅịḅị kpọọ ḅa, tẹ ị́ nụnụ pịkị ị́ ḅọrọ ḅo etela suu ḅa.”

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Matiyo 27:24

Payịleti nwẹnị ḅo ẹrị, mịnẹ ọ̀ mịẹ ḅẹ ye ḅarị ofori, tẹ tomi ma pịkị ama fiema ḅẹ-yearị ḅẹ sakị, ọ̀ nwẹnị tomi ogbo mẹ tọrọkọ minji ọkị tẹ kẹ amịna aḅara sịkịrị tẹ ḅẹẹ, “Ḅị tomḅọ ḅe fịị ḅụ ị̀ ḅara ofori! Ọmịnị mie anị dogi-ḅo ye!”

Fịrịmẹnjịapụ 16:22

Tẹ tomina-ogbo mẹ sọ nwẹnị ịna ḅụụ sọ tẹ Pọlụ na Sayịlasị na, na tụḅụrụ. Anịtẹso fịrịmẹnjị-opuapụ ma nwẹnị Pọlụ na Sayịlasị na akapa kan-siin, tẹ tọn mịnẹ ini in fomuu.

Fịrịmẹnjịapụ 17:5

Kụma anị kẹ Juu-ḅẹ-apụ ma ḅụụ-ḅẹsọ la ḅara ḅụ ịn nwẹnị mu ama ḅio ḅẹ papaa atomi kobiri tẹ ịn kẹ gbọrụ ogbo mịẹ. Ịn nwẹnị bebe ama mẹ kun jike tẹ ama mẹ fiema ma mu Jesịnị nwẹn-sịn gbọrụḅọ warị gbaịn-koro, anịanga ịn Pọlụ na Sayịlasị na kun pakama ḅo tomi ma pịrị ḅẹ ḅara.

Fịrịmẹnjịapụ 21:30

Anị gbọrụ sakị ḅụ bebe ama mẹ jike tẹ, tomi mamgba nwẹnị mangị mu kobiri, tẹ kụrọ-ḅara kẹ Pọlụ kun tẹ Tamụnọ-warị mẹ ḅio ọ̀ fọnọ pakama, tẹ ịn nwẹnị anị gbọrụ sakị ḅụ Tamụnọ-warị mẹ ḅẹ aḅọkọ ma gbaịn.

Fịrịmẹnjịapụ 22:22

Ini iḅi ḅeri kẹ Pọlụ poki nwenii ò ḅo miemẹ ḍukom, kụma anịtẹso, ịn nwẹnị saakị kụrọma oloku, “Ọ̀ kẹ mu ḅaa famaa, ò ḍumo na-iḅi-a!”

Fịrịmẹnjịapụ 23:10

Nụnụa mẹ kụrọ mu la ḅara mịẹtẹ ọmụapụ sịḅịdaḅọ ḅe ḅalafaam, ịn Pọlụ kanị-kọsịma ḅarị ḅoto. Mie ḅụ ọ̀ nwẹnị ọmụapụ fịrịma in mu tomi ma ḅara Pọlụ pụkọ-pakamaḅo tẹ ọ̀ kẹ ọmụapụ sime anga mẹ muu.

Ḅẹrẹkọn-apụ 8:28

Mị-ḅara mie ịn mịẹtẹ Midiyanị kẹ Izirẹlịapụ ma tọrọkọ sịḅị-tuu ḅara, tẹ ḅarị jen-maaịn kẹ ịna asịḅị saakị ya. Tẹ ama mẹ Gidiyọnị ene ma ḅụ kụra amesi kẹ ịnyọsaram.