Devidi-Anume 82:3 - FỊAFỊA BAỊBỤLỤ

³ Ọmịnị igoin-apụ na, ḍapụ na iyingi apụ na fịtẹ awọmẹ ma na ḍụa; ọ́ mịẹ ḅẹ ọkụ ofori apụ ma na, ḅarasụa pịrị apụ nyana-a apụ ma na, inoma ma.

Devidi-Anume 82:3 Iomraidhean Croise

Jobu 29:12

kẹ gotẹ ọkọ ḅẹẹarị, owu ḅụ igoinḅọ ḅe arị ọ̀ ḍụa-ḅọrọmam na ḍaḅọ ofori tụḅọ ḅe tẹ gbọrụ ḅarasụa ḅọ sọ nyanatẹ ḅarasụa ọ̀ pịrị-a ḅọ ḅe na.

Jobu 31:21

arị ogigo-ḅọkọ mẹ ḅụ ḅarasụa ẹrịm ẹrẹsị, à paa ḍaḅọ ofori tụḅọ ḅe na tụḅụrụ ḅara kẹ ị̀ ḅara saakị saakị;

Devidi-Anume 10:18

Tomi ponomarị apụ na ḍapụ na iyingi apụ na fịtẹ awọmẹ na kọn-arị owu ma ị́ naarị: ị́ ḅẹrẹkọn ịna aḅara iḅima ḅa, mịẹ tẹ fịị, fịị atomi ḅarị jen kẹ kịnị atẹmẹ naịn-naịnma ḅịa.

Paka-so 23:3

Ḅẹrẹ kọn igoinḅọ aḍụa ma ḅẹrẹkọn-siri ḅụ.”

Paka-so 23:6

“Igoinḅọ gboo ogbo ḅụ ḅẹrẹ pịkị iḅo ma.

Egberima-Ẹkwẹn 31:9

Ẹkwẹn ịn pịrị tẹ karakara ḅẹrẹkọnḅọ sọọ. Ḍụkụ tẹ sime igoin-apụ na mịẹḅẹ-ọkụ-ofori apụ na pịrị aị ịna aḅara so ma.”

Ayịzaya 1:17

tẹ ḍawọ tẹ kuraye mịẹẹ. Ọmịnị ẹrị mịnẹ ó tomḅọ la kiri kẹ mḅọ pịrịm, ḅarasụa ja apụ ponomarị apụ pịrị, sime ḍapụ na iyingiapụ na fịtẹ awọmẹ pịrị aị kẹ ịn pịrị, diapụ-fịtẹ-ereme ma ḍụa.”

Ayịzaya 1:23

Ọmịna sịḅịdapụ ma kọngọ kụrọmatẹ furuapụ ikiapụ sọ tẹẹ; sakị mamgba in ḍiepịrị-aị na ọḅụ-fịaị na daarị. Gbala-gbala ịn ḍapụ na iyingiapụ na fịtẹ awọmẹ ḍụa, ḍụa-a ḅẹrẹ-siri ḅio, anịanịa diapụ-fịtẹ-ereme poki ini ịna ḅịḅị ḍukoarị sakị.

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 22:16

Ọ̀ karakara ḅẹrẹkọn igoin-apụ pịrịm, tẹ ye-mẹmgba ori na iḅim. Anie mie KỊNỊNYANAḄỌ ḅe nimi fiearị ye.

Jerimaya 22:3

Yẹrị, KỊNỊNYANAḄỌ ḅe oloko-sụa ọ́ pịrịarị mịnẹ ọ́ jụmọ inoma ofori ye na kuraye na mịẹẹ. Ọ́ kịnị inomarị ḅọ mẹ gbaịn ḅọrọma mḅọ inomarị ḅọ mẹ ḅụ. Ó si ḅara anịanịa ponoma ḅara kẹ jen asịẹ ḅẹ apụ na, ḍapụ-na-iyingiapụ-na fịtẹ awọmẹ na, diapụ-fịtẹ-ereme na mịẹ ma, pịkị in ponoma ma. Mị fịafịa yọ mẹ ḅụ ọ́ mịẹye-ofori apụ ḅaa ma.

Jerimaya 5:28

anie ẹrẹsị ịn ḍụḅa tẹ iḅi fịye fị apụ ḅara simearị. Ịna si amịẹaị ma daasịẹ anga nyana-a. In sime ḍapụ na iyingiapụ na fịtẹ awọmẹ karakara kẹ ịn pịrị-pịrị-a, anịanịa ja apụ ponomarị apụ ma la kiri ịgbanị ịn pịrị.

Zẹkaraya 7:9

“Alatẹ sakị kụra ḅio à ma oloko ma sụa ị̀ atomi pịrịm: ‘Ọmịnị ẹrị mịnẹ ọ́ jụmọ-jụmọ inoma-a, tẹ iḅi ḅara na ọkụrụkụrụ ḅara kẹ jụmọ-jụmọ na angarị.

Ditẹrọnọmị 10:18

Ọ̀ karakara ḅẹrẹ kọn ḍaḅọ ofori tụḅọ ḅe na, diḅọ-fịtẹ-ẹrẹḅọ ma na pịrịarị, tẹ jen sịẹ ḅụ ḅo igoniḅọ ḅe ḅẹlẹmam, fịye na, kapa na kẹ ọ̀ pịrị ḅụ.

Ditẹrọnọmị 24:17

Ọ́ karakara ḅẹrẹkọn pịkị-iḅo jen sịẹ ḅẹ ḅọ, anịanịa ḍaḅọ-na-iyingiḅọ-na-fịtẹ-tụḅọ pịrị ma, anịanịa pakịrị ye ḅụ diḅọ-fịtẹ-ẹrẹḅọ ḅara ḅụ opu kapa da ọkị ma.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.