Devidi-Anume 82:2 - FỊAFỊA BAỊBỤLỤ

² Ó si ḅẹrẹkọn dasịẹmaa; ọ́ ḅarị jen kẹ aḍụa ḅara kẹ ḅẹrẹkọn si-sịḅịḅio-sụapụ ma ḅara iḅima ma!

Devidi-Anume 82:2 Iomraidhean Croise

1 Amadapụ 18:21

Ịlayịja nwẹnị sọma-ḅo tomi mamgba kpeki tẹ ḅẹẹ, “ọmịnị ọmịna kuroma ḅụ maa warị kpọọ oḅori sọ mu tọ sakị la ḅẹ? KỊNỊNYANAḄỌ ḅe anie Tamụnọ ḅẹḅẹ, ọmịnị ò ḍuka mẹnjịị, ori-a, kụma Balị anie Tamụnọ ḅẹḅẹ, ọmịnị ò ḍukamẹnjịị.” Kụma tomi ma gbọrụ ẹkwẹn-ḅịḅị sọ kẹ ọ̀ pakịrị-a.

2 Paka-aị 19:7

Anịsakị, yee KỊNỊNYANAḄỌ ḅe mangịma mẹ ọmịna ọgọnọ gbana; ọ́ ḅụụ ẹbị nyana-a, ọmịna amịẹaị goyegoye ḅụ, kẹ gotẹ ọkọ ḅẹẹarị, KỊNỊNYANAḄỌ wamịna Tamụnọ ḅe ḅụụ karakara pịkị-iḅo, anịanịa kịnị-inoma, anịanịa ọḅụ-fị ofori.”

Jobu 32:21

À gbọrụḅọ-sọ anga sọ ḅịa, anịanịa tomḅọ tọrụ iḅi ọkị ḅara kẹ ẹkwẹn.

Jobu 34:19

oriḅe tẹ aḍụa nyana amadapụ owiapụ-awọmẹ ma pịrị-a ḅọ, anịanịa alaḅọ ḅe kẹ ye sịn igoinḅọ ḅe nẹngị-a ḅọ, inimgba ori aḅara ḅẹ kọrịnama mẹ ẹrẹsị?

Devidi-Anume 62:3

Ọmịnị-mgba owu kẹ gbọrụ tomḅọ ḅe paka mu tọ-sakị la ḅẹ; anie ḅịkị tẹ onu sọ kụrọ nẹngị-a ḅọ ḅe?

Paka-so 10:3

Mie ḅụ Mozizi na, Erọnị na mẹnjị sọ Fero dama-mu tẹ ọ̀ ḅẹẹm, “Mie KỊNỊNYANAḄỌ, Hiburu ḅẹ apụ ma Tamụnọ ḅe ḍuko yee, ‘Anị mu tọ sakị la tẹrẹmẹ ị́ ị̀ tọrọkọ ị́ ḅụụ iderima ḅẹ? Ị̀ atomi ma wẹrịsoo, in so, mịẹtẹ ịn fịrịmẹnjị ị̀ pịrị ḅarị ḅara.

Egberima-Ẹkwẹn 18:5

Anị kura-a, tomḅọ iḅi ḅara kẹ ḅẹrẹ-ḅarasii-ḅọ na mịẹ, tẹ mịẹye-ofori ḅọ karakara fama.

Izikẹlị 45:9

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ọmịnị Izirẹlị ḅụ ḅẹrẹtọn-arị apụ, ọ́ kpọma si mịẹ alama tẹẹ! Ọmịnị ọmịna kụrọ-kụrọ amịẹaị na ponoma na dasịẹma. Ó kuraye tẹ inoma ofori ye mịẹẹ. Ọ́ ḅarị gbala-gbala jen kẹ ị̀ atomi dee-siin ma ịna kiri ḅụ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie mẹ ḍuko ọ́ pịrịarị.”

Lẹvitikọsị 19:15

“Ḅẹrẹkọn kiri ḅụ ị́ karakara ḅẹrẹ kọn ḅa, ị́ aḍụa kọn igoinḅọ ḅe pịrị, anịanịa ị́yẹrị ẹrẹsị kẹ opu tomḅọ ḅe ḅẹẹ ma, kụma karakara ḅụ mie ị́ ḅẹrẹ kọn ị́ na kpeki tẹ angarị ḅọ pịrị ḅarịye.

Matiyo 17:17

Jizọsị nwẹnị pakịrị, “Ọmịnị minini nyana-a tẹ pịkị kuraye mịẹ-a atomi ḅara ḍikii! Àrị ọmịnị na sime mu tọ sakị la ḅẹ? Àrị ọmịnị inema mu tọ sakị la ḅẹ? Tụḅọ ḅe kẹ mịanga ḅo ị̀ pịrịị!”

Galesiya 2:6

Kụma anị sakị sịḅịda ḅara sime apụ ma — à gotẹ ọkọ ḅẹẹarị, ini tapụ-o tapụ-o, ị̀ ḅụụ anị kịrị nyana-a; Tamụnọ tọrụngbọ kẹ ḍiki tẹ ye simearị ḅara ḍiki ḅẹrẹkọn-a — à ḍukoarị, nwẹn ḅẹẹ sịḅịdapụ ma kẹ ì ḍie gbọrụ ịwọ ye sọ ofori.

Ditẹrọnọmị 1:17

Ḅẹrẹkọn ḅụ ọmịnị aḍụa kọn ma; ọ́ gbọrụ ḅara kẹ kala mẹ na, opu mẹ na naa ḅa, ó tomḅọ tọrụkuḅu mẹ ḍiki-ḅalafa ma, kẹ gotẹ ọkọ ḅẹẹarị, ḅẹrẹkọn mẹ sime Tamụnọ pịrịm, anịsakị ọmịna aḅụụ kụrọ ḅaka ḅẹrẹ ọmịnị ọkị-ḅo ị̀ pịrị ḅa, tẹ arị anị naa ḅa.