Devidi-Anume 81:8 - FỊAFỊA BAỊBỤLỤ

⁸ Ị̀ atomi, ọmịnị à kẹ ọmịna ḅeri nụnụarị ye mẹ poki; Izirẹlị, à kpọma ḅiiarị mimgbe ọmịnị ì poki tẹẹ!

Devidi-Anume 81:8 Iomraidhean Croise

Devidi-Anume 50:7

Ori mẹẹ: Ị̀ atomi, ó pokii, àrị ẹkwẹn ḅa; Izirẹlị, à ḅẹrẹ ḍuko ọmịna ọgọnọ gbana ḅa. Yẹrị Tamụnọ, ọmịna Tamụnọ ḅe.

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Paka-so 15:26

Ọ̀ ḅẹẹm, “Ọmịnị ma nwẹnị yẹrị ọmịna Tamụnọ ḅe pọkọ poki tẹ bala ḅara kẹ iḅiọkụ aniemẹ tẹ ị̀ tọrụ ḅụ kuraye mịẹ, tẹ à tọnm mịẹ ḅẹ aị ḍiki mịẹ, pịkị kẹẹ wararị oloko mamgba kokom ḅẹḅẹ, obi ma tẹ à kẹ Ijiputi-ḅẹ-apụ ma ọgọnọ gbana aị ma ḅẹ gberie-sọ à kẹ ọmịna ọgọnọ gbana ḅịa, gbala yẹrị anie KỊNỊNYANAḄỌ ḅee, ọ́ gwọarị ḅọ ḅe ẹrẹsị.”

Paka-so 17:7

Mozizi nwẹnị ẹrẹ kẹ anị yọ mẹ koro Masa na Mẹrịba na, gbala Izirẹlị ḅẹ awọmẹ ma kịnị ḅụụ ḍọkịarị si mẹ na ịn pịkị KỊNỊNYANAḄỌ ḅe daaḍiki tẹ gbelam, “KỊNỊNYANAḄỌ ḅe ò gbeke wamịna ogboku emi, mụnọọ ori ofori?” mẹ na ẹrẹsị.

Paka-so 19:16

Tẹra aḍin karama ene mẹ ḅẹ dede-ḅio ḅụ, so-alagba nwẹnị tọnwa asakị kẹ tẹịn, tẹ So mẹ nwẹnị pịkị ḅalapụ-ḅalapụ tẹ kpititẹ oḅuto kpo nwẹnị tụndụ mẹ ọgọnọ ḅụ sịẹ, tẹ kpọma fie paka ọdụ nwẹnị kpekele fie pẹlẹ-a ḅara kẹ fie. Miemẹ mịẹtẹ akpụrụ-awarị ma ḅio simearị apụ ma oju nwẹnị ḅalafa ḅụ sẹkị.

Ayịzaya 1:19

Ọmịnị ị̀ ḅịḅị poki ḅarị ḅẹḅẹ, ọmịnị amakiri mẹ pakama-ḅoarị iḅi aị ma fị ḅa.

Kịẹn-aḅịḅị 20:13

Mịna minji ma anie Mẹrịba ḅẹ aminji ma, Izirẹlị ḅẹ apụ ma KỊNỊNYANAḄỌ ḅe na ịgbanịya nyana anga mẹ, tẹ ori ini ogbo-ḅio ḅụ ọ̀ fịafịa ḅara kẹ ọ̀ ḅụụ ḍie-pakamam.

Jọnị 3:11

À Karakaraye mẹ ḍuko ị́ pịrịarị, wa nimi ye mie wa ḍuko ọ́ pịrịarị tẹ wa ẹrị ye mie wa kẹ ó ḍiearị, anịsọ ọmịna ḅụ gbọrụḅọ-sọ minini tẹ wamịna oku mẹ daa-ọkịa.

Fịrịmẹnjịapụ 20:21

Gbọrụ ḅara mie à kẹ Juu-ḅẹ-apụ na Ja asịẹ ḅẹ apụ na ḅeri nụnụ ye, mịnẹ ini ịna asi ḅụ pịkị Tamụnọ daa, tẹ Wa nyanaḅọ Jizọsị ḅe mininii.

Ditẹrọnọmị 32:46

ọ̀ nwẹnị ịn ḅẹẹ, “Ọ́ mịna ẹkwẹn-aḅịḅị tẹ mịmgba à tọn ọ́ pịrị aị ma kẹ ọmịna ḅioḅẹngbọ ḅụ wẹrị, mịẹtẹ ọmịnị inetẹ arị tọn ọmịna awọmẹ pịrị, mịẹtẹ ịn ḅụụ ẹbị-ẹbị mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Ditẹrọnọmị 5:27

Sọma mu kpekii, tẹ KỊNỊNYANAḄỌ wamịna Tamụnọ ḅe ḍuko ḅẹ aị mamgba naa; tẹ KỊNỊNYANAḄỌ wamịna Tamụnọ ḅe ḍuko ị́ pịrị ḅarị aị mamgba ḍuko wa pịrị; anịsakị wa arị naa tẹ mịẹ ḅa.

1 Jọnị 5:9

Wa tomi ḍukoarị ye ọkị tẹ mininiarị sakị goyegoye, wa nimi mịnẹ Tamụnọ ḍukoarị ye kụrọ nyana tomi ḍukoarị ye nẹngịm, tẹ ori mie ọ̀ Tụḅọ ḅe gbolomaye ḅụ mie mẹ ḍukoye.