Devidi-Anume 81:7 - FỊAFỊA BAỊBỤLỤ

⁷ Ọ́ ḅụụ-fụka ḅio sọ sakị, ọmịnị ị̀ sịn tẹ arị ọ́ ḅọrọmam. À kikima tẹ sime erise mẹ ḅio àrị ọmịna ḅịḅị ọkịm. Mẹrịba ḅẹ ngụngụḅa ma akaka ḅụ àrị ọ́ daaḍikim.

Devidi-Anume 81:7 Iomraidhean Croise

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Paka-so 14:10

Fero sọma-ḅo kpekim, tẹ Izirẹlịapụ ma tọrụ saakị tẹ Ijiputi-ḅẹ-apụ ma mẹnjịma ịn dama-ḅoarị ḅara mẹ ẹrị tẹso, ịn gburo-gburotẹ ḅalafa nyanam; tẹ Izirẹlịapụ ma nwẹnị oloku-oloku owu KỊNỊNYANAḄỌ ḅe pịrị.

Paka-so 14:24

Ene-ḅaa ḅẹ-yearị ogbo, KỊNỊNYANAḄỌ ḅe nwẹnị kọrịarị fịnị-ḅẹlẹ mẹ ḅio na, oḅuto kpo mẹ ḅio na ḅụ ḍiki iderima tẹ Ijiputi ḅẹ ọmụ-ogbo mẹ ẹrị tẹ nwẹnị bẹkẹma tẹmẹ-naịn-naịn kẹ Ijiputi ḅẹ ọmụ-ogbo mẹ pịrị;

Paka-so 19:19

Ọdụ mẹ fie paka kụrọ tọrọkọ-tọrọkọ muarị ḅara ḅụ Mozizi nwẹnị ẹkwẹn, tẹ Tamụnọ so-alagba ḅio ḅụ ọ̀ pakịrịm.

Paka-so 2:23

Sakị kẹlẹ ḅọrọ tẹso, Ijiputi ḅẹ amadaḅọ ḅe fịịm. Izirẹlịapụ ma ịna suku-ḅio omoni ḅara mẹ sime tẹ iningi tẹ ḅarasụa gotẹ owum, tẹ omoni ḅara mẹ suku-ḅio ịn kọn owu mẹ nwẹnị iwo ḅo Tamụnọ la.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Paka-so 6:6

Anịẹrẹsị Izirẹlịapụ ma ḅẹẹ, ‘Yẹrị anie KỊNỊNYANAḄỌ ḅee, anịsakị arị Ijiputi ḅẹ apụ ma dogi-aị ma suku-ḅio ḅụ ọ́ pakama-ḅo ḅa tẹ arị ọ́ ḍụa-ḅọrọma ḅa ịna omoni ḅara mẹ ḅio, sụụn-pakatẹ ḅara-kọngọ na, gburo-gburotẹ opu ḅẹrẹkọn amịẹaị mịẹ ḅara na à nwẹn kẹ ọ́ pakịrị ọkị ḅa;

Jerimaya 16:14

KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụụ ḅụ ye karị ḅịa sakị mẹ, anie ḍumo wararị Tamụnọ ḅe tẹ Izirẹlịapụ ma pakama-ḅo ḅọ ḅe Ijiputi amakiri ḅụ.

Kịẹn-aḅịḅị 20:13

Mịna minji ma anie Mẹrịba ḅẹ aminji ma, Izirẹlị ḅẹ apụ ma KỊNỊNYANAḄỌ ḅe na ịgbanịya nyana anga mẹ, tẹ ori ini ogbo-ḅio ḅụ ọ̀ fịafịa ḅara kẹ ọ̀ ḅụụ ḍie-pakamam.

Kịẹn-aḅịḅị 20:24

Erọnị fịị ḅa, kẹ gotẹ ọkọ ḅẹẹarị, ori ama mẹ tẹ à kẹ Izirẹlị ḅẹ apụ ma pịrị tẹ ama mẹ ḅio sọ-mu ḅịa, gbala Mẹrịba ḅẹ aminji ma ḅụ ọ́ sịḅị kụrọma à tọn ye pịrịm ẹrẹsị.

Ditẹrọnọmị 33:8

Livayị gbolomaye ḅụ ori mẹẹ: “Kẹ ị́ ḅịḅị ḅiiarị Yurimu mẹ na Tumimu mẹ na kẹ ḅụụ kẹ gbana na-iḅi fịrịmẹnjịapụ Livayị furo-ḅẹ-apụ ma pịrịị; ini ma tẹ Masa ḅụ ị́ daaḍiki apụ ma, Mẹrịba ḅẹ aminji ḅụ ị́ na ịgbanịya nyana apụ ma.

Ditẹrọnọmị 5:6

Yẹrị anie KỊNỊNYANAḄỌ ọmịna Tamụnọ ḅe, tẹ Ijiputi ḅụ ọmịnị omoni-sọ anga mẹ ḅio ọ́ pakama-ḅo ḅọ ḅe.