Devidi-Anume 81:3 - FỊAFỊA BAỊBỤLỤ

³ Opu ọdụ mẹ ofuro alalị mẹ pịrị, akalụ tarị paka na akalụ bebe tẹ sakị na ḅụ.

Devidi-Anume 81:3 Iomraidhean Croise

2 Amadapụ 4:23

Á di ḅe nwẹnị gbela, “í tiegotẹ mịmgba ọ̀ ḍọkụma-mu ḅẹ-ḅiiarị? Mie ịwọ akalụ-a, anịanịa ịnyọsara-ene.” Á nwẹnị pakịrị, “Iḅi ḅa.”

1 Paka-aị 15:16

Devidi nwẹnị pịkị tọn Livayị furo ḅe asịḅịdapụ ma pịrị ini ịna mịnapụ ma ḅụ kịnị tọn, nume-su ḅarị apụ na, farị-farịaị na, ọbọ na, alili na, saịn-saịn-aị na farị na-iḅi tẹ ḅioḅẹlẹ ḅara kẹ ye-yọ fiema pakama ḅarị apụ.

1 Paka-aị 15:19

Ini ojo kẹ mịẹ wararị saịn-saịn-aị mẹ farị ḅarị apụ anie nume-suapụ ma Hemanị na, Asafụ na, Ẹtanị na.

1 Paka-aị 15:24

Agbamịẹapụ Sẹbanaya na, Josafatị na, Nẹtanẹlị na, Amasayị na, Zẹkaraya na, Bẹnaya na, Ẹlịyeza na Tamụnọ Ọḅọkụ-Igbe mẹ tọrọkọ sime tẹ ọdụ mẹ ofuro ḅa. Obed-edọmụ na, Jehaya na sọ-sọ tẹ Ọḅọkụ-Igbe mẹ ogigo-ḅọkọ mẹ ḍikiḍiki ḅa.

1 Paka-aị 16:42

Hemanị na Jedutuni na, ọdụ ofuro na saịn-saịn farị na kụrọ nyanam, na osi afarị-aị ma na anịḅẹ fịafịa nume-su sakị la-la. Jedutuni owiapụ-awọmẹ ma ini ịn tọn ogigo-ḅọkọ mẹ pịrịm.

1 Paka-aị 16:6

tẹ Bẹnaya na, Jahazịyẹlị na agbamịẹapụ ma sịkọpẹlẹ-a ḅara kẹ ọdụ ofuro ḅa Tamụnọ Ọḅọkụ-Igbe mẹ tọrọkọ.

1 Paka-aị 25:1

Devidi na, kọrịnama mẹ ḅẹ sịḅịdapụ ma na sọ kọrịnama mẹ gotẹ Asafụ na, Hemanị na, Jedutuni na owiapụ-awọmẹ ma ḅụ kịnị sikima koroma wararị, inima tẹ alili na, ọbọ na, saịn-saịn-aị na farị ịkịankoro ḅarị apụ. Inima tẹ kọrịnama mẹ kọrị apụ ma kịẹn-ḅịḅị na, ịna akọrịnama ma na anie:

2 Paka-aị 13:12

Ḍikii, Tamụnọ wamịna sịḅịkọ ḅụ wamịnị na emi, tẹ ori agbamịẹapụ ịna owu ọdụ ma ọlọ wararị, kẹ ofuro tẹ ọmịnị na sọ ḅarị owu mẹ sịn koroma. Yei Izirẹlị ḅẹ awọmẹ, ọ́ KỊNỊNYANAḄỌ ọmịna aḍapụ ma tẹkẹarị Tamụnọ ḅe na owu sọ ma, kẹ gotẹ ọkọ ḅẹẹarị, ọmịna aḅara iḅi ḅịa.”

2 Paka-aị 13:14

Juda ḍiki tẹ nwẹnị ẹrị owu mẹ ịna tọrọkọ na, ịna ọḅụjụụ na emi; tẹ ịn nwẹnị owu KỊNỊNYANAḄỌ ḅe pịrị, agbamịẹapụ ma nwẹnị pịkị ọdụ ma ofuro.

2 Paka-aị 2:4

Ḍikii, à gbọrụ warị nama kẹ KỊNỊNYANAḄỌ Ị̀ Tamụnọ ḅe ẹrẹ mẹ pịrị ḅẹ tẹ, tẹ anị mịẹ fịafịama wẹrị kẹ ọ̀ tọrọkọ iḅiọkụ kụnụarị ẹnyị kẹ mịẹ kụnụaị dọkịma na, sịkọpẹlẹ-a ḅara kẹ fịafịa fịturu kẹ agba mịẹ na, tẹkẹ ene ma na, ịwọ akalụ paka ene ma na, tọn wẹrị wararị KỊNỊNYANAḄỌ wamịna Tamụnọ ḅẹ kopini afịaị fị mẹ wẹrịtẹ tọn koro Izirẹlị pịrị gbamaso ḅara ḅụ dede na, ḅoḅiri na kẹ dọkịma-agba mịẹ pịrị.

2 Paka-aị 5:12

tẹ Livayị furo ḅụ Tamụnọ-warị ḅẹ nume-suapụ mamgba, Asafụ na, Hemanị na, Jedutuni na, ịna owiapụ awọmẹ na, ịna mịnapụ na iḅi lọkọ-ḅịtẹ kẹ ḅirimatẹ saịn-saịn-aị na, ọbọ na, alili na kẹ ọdụ mịnẹ agbamịẹapụ kịnị sonioa si na agbamịẹ-anga mẹ ḅẹ ama-ḅara ḅụ sịẹ wararị,

2 Paka-aị 8:13

Ene-ene ḅẹ kọrịnama mẹ ḅii ḅara ḅii ḅara Mozizi agba mịẹ oloko mẹ wẹrịtẹ sime-ḅara ḅụ, Ịnyọsara-Ene ma na, ịwọ akalụ ene ma na, ịrụa kụra ḅụ kopini afịaị fị tẹra sakị ma ḅụ — anie sun-a fịturu kopini afịaị fị sakị mẹ na, feni anga-anga ḅụ fịarị kopini afịaị ma na, Ọḅọkụ-Igbe mẹ sime akpụrụ-awarị mẹ ḅẹ kopini afịaị na.

Devidi-Anume 149:3

Ọ́ sẹkị kẹ ori ẹrẹ tokinii; ọmịnị akwa ma na ọbọ ma na farị-farị tẹ kẹ ò tokinii.

Devidi-Anume 33:2

Ọmịnị ọbọ farị-farị tẹ kẹ KỊNỊNYANAḄỌ ḅe tokinii: Ọmịnị iboli-ọnụnụ ma kẹ su ò bomaa.

Devidi-Anume 98:6

Ọdụ ma na nama ịfalị ma na ofuro, tẹ oloku-oloku tẹ ḍereku KỊNỊNYANAḄỌ, wamịna Amadaḅọ ḅe pịrị.

Kururu Owu-apọkọ 2:6

Ọ̀ ḍụọ kan-sara ḅara kẹ ọ̀ sịḅị-kikima-yọ kan-sara tẹ, ori tọn kopini alalị fị anga mẹ kan-sara sara mị; KỊNỊNYANAḄỌ ḅe mịẹ tẹ Zayọnị ḅụ kopini alalị na Ịnyọsara-Ene na kunoma tẹ, tẹ ọ̀ ḅalafama ịganị ḅụ, amadaḅọ na, agbamịẹḅọ na ḍiki-sima tẹẹ.

Nahọmụ 1:15

Tụndụ ma ọgọnọ oriḅe tẹ iḅi-oku ma ọkị-ḅoarị ḅọ ḅe aḅụọ-suku ma ḍikii, oriḅe tẹ dein ḍuko wasarị ḅọ ḅe! yei Juda, ọmịnị ọ́ fị-fị alalị ma fị, ọmịnị ó minini ịlọ ma sumaa, kẹ gotẹ ọkọ ḅẹẹarị, si-sịḅịḅio-sụaḅọ ḅe gbala-gbala ḅarị ḅo ọ́ da-paka ḅịa; ịkatakirikọn-a-ḅara ịn nwẹn kẹ pẹlẹ-so tẹẹ.

Kịẹn-aḅịḅị 15:3

tẹ ọmịnị ọmịna opu anama ogbo, anịanịa anana na oḅori na ogbo ḅụ agbamịẹye ọkị-ḅo tẹ kẹ ịlọ suma, anịanịa tọn ḅụụ pịrị agba, anịanịa ọ́ tọn tẹ sakị, sakị ḅụ fịarị alalị ma ḅẹ fịnị ḅụ mịẹ agba, anịanịa dọkịma-agba, anịanịa agba mịẹ KỊNỊNYANAḄỌ ḅe pịrị tẹ kẹ KỊNỊNYANAḄỌ ḅe ḅụụ-ḅẹlẹarị kụnụ agba mịẹ ḅẹ sakị,

Kịẹn-aḅịḅị 28:11

“Ọmịna akalụ ma ḅe suku-saakị ḅụ ọ́ dọkịma agba mịẹ KỊNỊNYANAḄỌ ḅe pịrị ḅa: ḅẹkụ ḅụụ ḅụ ofori asambịrịma maa owi-anambulo na, gbọrụ ejimina na, gbọrụ kụra sịḅị ḅụ ḅọrọtẹ asambịrịma sọnọma ejimina na;

Ditẹrọnọmị 16:15

Ọ́ sọnọma aḍin kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ kopini afịaị alalị mẹ fị ḅa; gbala KỊNỊNYANAḄỌ ọmịna Tamụnọ ḅe ọ́ mịẹ pakama-ḅo aị mamgba ḅụ na, ọmịnị ọmịna aḅara kẹ kọrị kọrịnama mamgba na ḅụ ó boma ḅa ẹrẹsị, mịẹtẹ arịmgba gboloma ḅụ ó ḍereku ḅẹ ḅara.

Kọlọsị 2:16

Mie ḅụ, gbọrụḅọ-sọ fị ḅẹ ye, anịanịa ḅuu ḅẹ ye, anịanịa wẹrị fịafịama ḅẹ ene, anịanịa Ịwọ Akalụ Alalị, anịanịa Ịnyọsara-Ene mẹ, gboloma oloko sụa ma.