Devidi-Anume 81:12 - FỊAFỊA BAỊBỤLỤ

¹² Ọkọẹrẹsị àrị ịn wẹrịso tẹ ini ịna kọngọ kụrọma etela ma mẹnjị tẹ in ḅii-ye ḅii-ye mịẹm.

Devidi-Anume 81:12 Iomraidhean Croise

Suku-saakị 6:3

Anịtẹso KỊNỊNYANAḄỌ ḅe nwẹnị ḅẹẹ, “Ị̀ ḍumo-pịrị-ọwụ mẹ ḅarị tomi oju ḅio sime gbamaso ḅịa, kẹ gotẹ ọkọ ḅẹẹarị, ini anie meni; kụma ịn ḍumo mu kụra sonioa asi (120) la ḅa.”

2 Amadapụ 18:12

gbala ịn KỊNỊNYANAḄỌ ịna Tamụnọ ḅe ḅịḅị poki-a, pịkị ori ọḅọkụ mẹ sima, jen-a jen-a Mozizi KỊNỊNYANAḄỌ ḅe fịrịmẹnjịḅọ ḅe tọn ye mẹ; ini anị poki-a pịkị ọ̀ ḅịḅị poki-a.

Nehimaya 9:16

“Kụma ini na wamịna ḍapụ ma na, ḅụụ-gelema ḅara kẹ ye mịẹm tẹ kọngọ kụrọmam, tẹ í oloko ma koko-a.

Jobu 8:4

Ị́ awọmẹ ọ̀ ḅụụ si mịẹ tẹ ḅẹḅẹ, ori ịn ḅọrọma mu ịna mịẹ-irima kụrọ mẹ ḅio suu tẹ.

Paka-so 11:9

Anịtẹso KỊNỊNYANAḄỌ ḅe nwẹnị Mozizi ḅẹẹ, “Fero í poki ḍụkụ ḅịa; mịẹtẹ ị̀ ḅụụ-buama-aị ma Ijiputi ama mẹ ḅio seri-seri ḅarị ḅara.”

Ayịzaya 30:1

KỊNỊNYANAḄỌ ḅe ḍuko tẹ, “Juda daarị apụ ma ịn fa tẹ, ịn kọngọ kụrọma ị̀ pịrịarị ẹrẹsị. Yẹrị tọn ịn pịrị-a aị mie in ḍukamẹnjịarị, tẹ ḅara pono ị̀ ḅịḅị-kẹ-ogbosọ ma pịrịarị, tẹ si kẹ si ọgọnọ gbana kpolimarị.

Ayịzaya 30:9

Sakị mamgba ịn kọngọ kụrọma Tamụnọ pịrịarị, sakị mamgba ini iruoarị, sakị mamgba ịn ḍụkụ tẹ KỊNỊNYANAḄỌ ḅe toluma-aị ma poki-a.

Ayịzaya 42:24

Tụḅọ Izirẹlị koroma-so ama kẹ fọịn apụ pịrị? KỊNỊNYANAḄỌ ḅe ḅioju, in si kẹ mịẹ ḅọ ḅe! Wa ḍụkụ tẹ ò ḅiim wa ḍumo kọn ḅẹ ḅara kẹ ḍumo kọn-a anịanịa ọ̀ kẹ wa pịrị tolumaye mẹ poki tẹ mị.

Jerimaya 42:21

Tẹ mịọkụ à ḍuko ọ́ pịrị tẹẹ, kụma ọ́ KỊNỊNYANAḄỌ wamịna Tamụnọ ḅe ị̀ fịrịma tẹ à ḍuko ọ́ pịrị ye goyegoye ó poki tẹ mịẹ-a.

Jerimaya 7:24

Kụma in poki tẹ mịẹ-a, anịanịa anị kẹ ye sịn. Anie nakara ịna kụrọtẹ si ḅioḅẹngbọ ḍuko ịn pịrịm mịẹ ḅẹẹye-ḅẹẹye mie ịn mịẹ ye, tẹ nwẹnị ḅo sii elemu in si ḅara nẹngị tẹẹ.

Izikẹlị 20:8

Kụma ini ị̀ na pikiya tẹ ḍụkụ tẹ ị̀ ḅịḅịpoki-a. Ịna sịḅị-ngụngụnma oru-afụḅara ma ịn kẹ wakị-nguma-a, anịanịa Ijiputi ḅẹ atamụnọ ma ḅụ ḅara-siin. À tẹlẹmam anịanga Ijiputi mẹ ḅụ ị̀ ịganị ḅẹ kụrọ laa ḅara laa ḅara kẹ ịna ọgọnọ sara tẹ anị ini ịnọ.

Hosiya 9:17

À fịrịmẹnjị pịrịarị Tamụnọ ḅe ori atomi sịkị ḅa, amụ ini ò poki-a ẹrẹsị. Ịn sịẹ-sịẹ ma ogboku ikelekelearị apụ sọ ḅa.

Lẹvitikọsị 26:14

“Kụma ọ́ nwẹnị ì poki-a, tẹ mịna oloko mamgba koko tẹ mịẹ ḅịa ḅẹḅẹ;

Fịrịmẹnjịapụ 14:16

Ḅọrọ tẹ sakị ḅụ, ori ó ḍiki-tọrụsin tẹ ama sịẹ-sịẹ amịna ḅụụ-ḅẹlẹ mẹnjị-mẹnjị kọnm.

Fịrịmẹnjịapụ 7:42

Mie ḅụ Tamụnọ nwẹnị in ḍiki-tọrụsin, tẹ ịn nwẹnị So-tọrụ ḅẹ alolia ma tẹkẹ, anie ịkịankoroapụ ma ḍiri ḅio anị kẹẹ ḅara: Izirẹlị ḅẹ awọmẹ, ọ́ kụra amesi kẹ ịkpa mẹ ḅio sime sakị, ọ́ nama ḅaa tẹ mịẹ agba mẹ, ọ́ mịẹ ị̀ pịrị-a.

Romu 1:24

Mie ḅụ Tamụnọ arị atomi ma ḍiki-tọrụsin sịḅị-ngụngụnma aị pịrị tẹ ini ịna aḅioḅẹngbọ sọlịma aị, sọlịma aị mịẹarị, tẹ ḅụụ-jịrịma amịẹaị anie ịn kẹ jụmọ-jụmọ na mịẹarị.

1 Samụẹlị 8:19

Kụma tomi ma Samụwẹlị pọkọ poki ḍụkụ-a tẹ in nwẹnị ḅẹẹ, “Ẹn-ẹn, kụma wa amadaḅọ nyana wamịna-aḅụụ pịrị ḅa,