Devidi-Anume 81:11 - FỊAFỊA BAỊBỤLỤ

¹¹ Kụma ị̀ atomi ma ì poki ḍụkụ-a; Izirẹlị ị̀ ḅịḅị poki ḍụkụ-a.

Devidi-Anume 81:11 Iomraidhean Croise

2 Amadapụ 4:3

Anịtẹso ọ̀ nwẹnị á ḅẹẹ, “Paka-mu ị́nịna kpeki tẹ angarị apụ mamgba ḅara gburo-gburoma ye ḅio ḅụ ofori ḅẹ ye-sụa-aị ḅọlọọ.

Paka-so 16:6

Mie ḅụ Mozizi na, Erọnị na nwẹnị Izirẹlịapụ mamgba ḅẹẹ, “Ḅoḅiri-so ḅụ ó nimi ḅa mịnẹ KỊNỊNYANAḄỌ ḅe mie Ijiputi ama mẹ ḅio ọ́ pakama-ḅo ḅọọ,

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Paka-so 32:1

Tomi ma ẹrịm mịnẹ Mozizi tụndụ mẹ ọgọnọ ḅụ ḅarị kpekele ideri-ḅoa tẹso, ịn nwẹnị ịna aḅụụ kobiri gboloma tẹ Erọnị ḍọkụma-ḅo tẹ ọ̀ ḅẹẹ, “Saakịị, oru-atamụnọ tẹmẹ wa pịrịị, wa kẹ tọrọkọ sụn ḅẹ aị; ḅie Mozizi ḅe tẹ Ijiputi ama ḅụ wa pakama-ḅo ḅọ ḅe, ọ̀ ḅụụ paka tẹ ye wa nimi-a.”

Paka-so 6:6

Anịẹrẹsị Izirẹlịapụ ma ḅẹẹ, ‘Yẹrị anie KỊNỊNYANAḄỌ ḅee, anịsakị arị Ijiputi ḅẹ apụ ma dogi-aị ma suku-ḅio ḅụ ọ́ pakama-ḅo ḅa tẹ arị ọ́ ḍụa-ḅọrọma ḅa ịna omoni ḅara mẹ ḅio, sụụn-pakatẹ ḅara-kọngọ na, gburo-gburotẹ opu ḅẹrẹkọn amịẹaị mịẹ ḅara na à nwẹn kẹ ọ́ pakịrị ọkị ḅa;

Egberima-Ẹkwẹn 1:30

Gbala-gbala amụ í à ḍuko ị́ pịrịarị ye ọkị ḅẹ ḅii-a, anịanịa à kẹ ị́ daa-karakarama ye kẹ ye-sịn.

Jerimaya 16:14

KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụụ ḅụ ye karị ḅịa sakị mẹ, anie ḍumo wararị Tamụnọ ḅe tẹ Izirẹlịapụ ma pakama-ḅo ḅọ ḅe Ijiputi amakiri ḅụ.

Zẹkaraya 7:11

“Kụma ị̀ atomi kọngọ-kụrọma tẹ ì poki ḍụkụ-a. Ini ịna akuroma gbaịnm

Luku 11:25

Mie ḅụ ọ̀ pịkị mu tẹ ḍọkị-ẹrịm mịnẹ warị mẹ ọfịn fịafịa tẹ tẹlẹma kpaịn wararị.

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Ditẹrọnọmị 32:18

Ịkụ Ḅe tẹ ọmịnị iyi Ịkụ Ḅe ọmịnị ọ̀ bala-a, tẹ ḍumo kẹ ọ́ pịrị Tamụnọ ḅe kẹ ḅioḅọrọmam.

Ditẹrọnọmị 5:6

Yẹrị anie KỊNỊNYANAḄỌ ọmịna Tamụnọ ḅe, tẹ Ijiputi ḅụ ọmịnị omoni-sọ anga mẹ ḅio ọ́ pakama-ḅo ḅọ ḅe.

Hiburu 10:29

Anị nwẹnị ọkọ sime kụma, ndẹẹ anị sime Tamụnọ Tụḅọ ḅe ḍiki-sima tomḅọ pịrị ḅẹ ḅara? Ndẹẹ anị sime Tamụnọ ọḅọkụ mẹ ḅẹ ọmbie mẹ tẹ si ḅụ mḅọ sịkịrị fịafịama ye mẹ kẹ ye-sịn-a tomḅọ pịrị ḅẹ ḅara? Ndẹẹ anị sime Ḍiki-ḅụụjịrị Tẹmẹ ḅe mịẹ simearị ḅọ mẹ pịrị ḅarị ḅara? Ọ́ paa kẹ ḅiokoromaa, mḅọ la na-iḅi fomu-ḅara mẹ ḍụḅatẹịn ḅaka ḅịa?