Devidi-Anume 81:1 - FỊAFỊA BAỊBỤLỤ

¹ Ḍereku oloku kọn wa ḍụarị Tamụnọ ḅe pịrịị; tokini nume-su Jekọbụ Tamụnọ ḅe pịrị!

Devidi-Anume 81:1 Iomraidhean Croise

Suku-saakị 50:17

‘Ó Josẹfụ ḅẹẹ, àrị ị́ tẹkẹm ị́ owiapụ-amịnapụ mịẹ-irima mẹ na, ịna si mẹ na wẹrịsoo, gbala ịn siye kẹ ị́ mịẹm ẹrẹsị.’ Anịsakị mịọkụ wa ị́ tẹkẹm, ị́ aḍapụ ma Tamụnọ ḅe afịrịmẹnjịapụ ma mịẹ-irima mẹ wẹrịsoo.” Ịn ḍuko ọ̀ pịrị tẹso, Josẹfụ nwẹnị tẹmẹ-la ḅara kẹ owu.

1 Paka-aị 6:17

Mịna ẹrẹ ma anie Gasọnị owiapụ-awọmẹ ma ẹrẹ: Libini na Simeyi na.

Devidi-Anume 28:7

KỊNỊNYANAḄỌ ḅe ị̀ gbaịn tẹ ị̀ ḍụarị; Ori mie à kẹ ḅiokpọmarị. Ọ̀ ḅarasụa ị̀ pịrị tẹ ì ḅioḅẹlẹmarị; à ḅioḅẹlẹ anume kẹ ò tokiniarị.

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 50:1

Kụrọmamgba nyana Tamụnọ, KỊNỊNYANAḄỌ ḅe, ẹkwẹn-arị; ò bebe tomikiri mẹ sịn-arị, ịrụa saakị paka-ḅoarị anga ḅụ ọkị mu anị tuuideriarị anga la.

Devidi-Anume 52:7

“Ḍikii, ḅieḅe anie ye ọ̀ la ḅịa gotẹ Tamụnọ ḅụ sịrẹrẹ-a tomḅọ ḅe, kụma anie nakara amịna kọn sara ngọ kẹ ḅiokpọma, tẹ ọkịm mịnẹ si-sịḅịḅio-sụa ḅụ mie ye ọ̀ la ḅịa ye.”

Devidi-Anume 66:1

Ọmịnị tomi mamgba, ọmịnị oloku-oloku tẹ ḍereku ḅụ Tamụnọ tokinii!

Devidi-Anume 67:4

Yee sịẹ-sịẹ ma ḅioḅẹlẹ tẹ nume-su ḅụ ḍereku, ị́ karakara ḅẹrẹkọn kịnị pịrịarị ẹrẹsị, pịkị tomikiri simearị sịẹ goyegoye datụkụmarị.

Devidi-Anume 8:1

Yei KỊNỊNYANAḄỌ, wa Nyanaḅọ, bebe tomikiri mẹ í opu ẹrị tẹẹ! Tomi í tokini wenii anị So laarị.

Jerimaya 31:7

KỊNỊNYANAḄỌ ḅe mẹẹ, “Ḍereku kẹ nume-su Izirẹlị pịrịị, sịẹ-sịẹ ma ḅụ tẹịn ye mẹ. Í tokini nume suu, ‘KỊNỊNYANAḄỌ ḅe ori atomi ḅọrọma tẹ; kirikọn-apụ mamgba ori ịn pụkọ-pakamaḅo tẹ.’

Matiyo 22:32

‘Yẹrị anie Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅee.’ Ori anie ḍumo wararị apụ Tamụnọ, fịtẹ-apụ Tamụnọ-a.”

Filipayị 4:13

Kịrayịsị kẹ ị̀ pịrịarị kụrọ ḅụ, àrị ịnyọ nyana tẹ kẹ ḅo ị̀ laarị aị mamgba da-tolu ḅa.