Devidi-Anume 8:3 - FỊAFỊA BAỊBỤLỤ

³ À So-tọrụ mẹ ḍikiarị sakị, ị́yẹrị tẹmẹ aị ma — akalụ mẹ na lolia ma na tẹ ị́ kẹ arịḅẹ sime akiri ḅụ wẹrị aị ma:

Devidi-Anume 8:3 Iomraidhean Croise

Suku-saakị 1:1

Suku-saakị ḅụ Tamụnọ So ma na Kiri mẹ na tẹmẹ sakị,

Jobu 22:12

Tamụnọ ò So ma ḅio sime tẹ geletẹ ofori? Geletẹịn alolia ma ẹrị, arị tọ-ḅara na gbasị gele kọn.

Jobu 25:3

Ori ọmụ-ogbo ma arị kịẹn-ḅịḅị nyana? Ò bele ḅịya sarama-a ḅọ emi?

Jobu 25:5

Ḍikii akalụ mẹ sọ ḅịya banabana-a, anịsakị ò ḍiki-tọrụ ḅụ lolia ma sọ fịafịa-a;

Jobu 36:24

Ọ̀ kọrịnama tokini gelema kẹ ḅiokoroma, tomi kẹ nume-su tẹ ye mẹ.

Devidi-Anume 104:19

Ị́yẹrị akalụ mẹ tẹmẹ tẹ tomi kẹ akalụ sakị kịẹn-arị; ịrụa pịkị anị tuuideri ḅẹ sakị nimi wararị.

Devidi-Anume 111:2

KỊNỊNYANAḄỌ ḅe mịẹarị aị ma ḅụụ-buama la ḅara ḍikii! Arị ḅụụ-ḅẹlẹ arị apụ mamgba arị fiearị ye nimi ḅẹ ḍọkịarị.

Devidi-Anume 148:3

Ịrụa na akalụ na, ọmịnị ò tokinii; ḅịyarị alolia ọmịnị ò tokinii.

Devidi-Anume 19:1

So-tọrụ mẹ banabanama Tamụnọ ebube ḍie-pakamarị! Anị mịẹ tẹ tomi giregirema ọ̀ kọrị tẹ aị ma ẹrịarị!

Devidi-Anume 33:6

KỊNỊNYANAḄỌ ḅe tọn tẹ So ma tẹmẹm: ịrụa mẹ na akalụ mẹ na, lolia ma na sọ ori ẹkwẹn ḅụ tẹmẹm.

Devidi-Anume 89:11

So í nye, kiri mẹ sọ í nye; tomikiri mẹ na anị ḅio simearị ye goyegoye na tẹmẹm.

Paka-so 31:18

Sayịnayị Tụndụ ọgọnọ ḅụ ò Mozizi na ẹkwẹn fama tẹso ori oloko ma ḍie-pakamarị ḍụḅarị maa apakịrị ma, Tamụnọ ḅara-tụngbalị kẹ kẹẹ aị ma kẹ Mozizi pịrịm.

Paka-so 8:19

Majịkị-mịẹapụ ma nwẹnị Fero ḅẹẹ, “Mie mẹ anie Tamụnọ ḅara-tụngbalị.” Kụma Fero ḅioḅẹngbọ kụrọ-kịkị wararị, tẹ ori ịn poki ḍụkụ-a, KỊNỊNYANAḄỌ ḅe ḅẹẹ tẹ ḅara mẹ.

Luku 11:20

Gbala-gbala, Tamụnọ kụrọ anie à kẹ oru ma dee sin-arị, anịẹrẹsị ó nimi mịnẹ Tamụnọ Ama-da mẹ ḅo ọ́ la tẹẹ.

Romu 1:20

Tamụnọ bịan tomikiri mẹ tẹmẹ kụra-ḅio, kịnị tọrụngbọ kẹ ẹrị-a tẹ ọ̀ ḅụ simearị iḅi aị ma na, ò sime gbamaso kụrọ mẹ na ọ̀ Tamụnọ-sime-ḅara mẹ na, tomi nwẹn ẹrị giregiremarị. Tamụnọ tẹmẹ-aị ma ḅụ anie tomi ḅọrọ tẹ arị lekiriarị ye. Mie ḅụ arị atomi ma ịn ḅarị gotẹ so ye nyana-a gbala-gbala!

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.