Devidi-Anume 8:2 - FỊAFỊA BAỊBỤLỤ

² Kala-awọmẹ na ndo-ndo-awọmẹ na kẹ í tokiniarị ye mẹ kụrọnị-yọ sọ kẹ ị́ pịrị tẹẹ. Si kẹ ị́ tọn apụ mamgba ịn kẹ ị́ mịẹ-mịẹ ye ofori: ị́nịna tụḅụrụḅọ tụḅụrụḅọ, ị́ mḅọ kikiarị.

Devidi-Anume 8:2 Iomraidhean Croise

Devidi-Anume 148:13

Yee inimgba KỊNỊNYANAḄỌ ḅe ẹrẹ mẹ tokini! Ori ẹrẹ ḍụḅa kirikọn ẹrẹ mamgba nẹngị; ori ebube iwo so na kiri na ḅọrọ wararị.

Devidi-Anume 4:4

Ọmịnị oju sẹkị ḅụ ḅalafa tẹ ḅarị nume-su ma; ọ́ kpọma miemẹ kẹ kuroma ḅụ suu, ọmịna iḅila ọgọnọ ḅụ ọ́ yaụ-simearị sakị.

Devidi-Anume 44:16

à si kẹ ị̀ tọn apụ ma nini-suku sụa-sụa ị̀ pịrị tẹ ị̀ mịẹ-mịẹ simarị aị ma naarị ye ḅụ.

Devidi-Anume 46:10

Ọ̀ ḅẹẹarị, “Ọ́ ḅarị ọmụ gbin ma, tẹ nimi mịnẹ yẹrị Tamụnọ; sịẹ-sịẹ ma ogboku yẹrị tẹịnḅọ, tomikiri mẹ kana-koro ḅụ yẹrị tẹịnḅọ.”

Devidi-Anume 57:6

Si kẹ ị̀ tọn-arị apụ ịgbọ sụa tẹ, kẹ ì kun ḅẹm; ḅụụ-fụka ị̀ ḅaa tẹ. Ini olulu soku wẹrịm ị̀ mẹnjị-ḅọrọ-anga ḅụ, kụma ini rẹ mie anị ḅio ḅịkị sọ ye.

Paka-so 11:7

Kụma Izirẹlịapụ ma ḅụ obiri kịngẹ sọ oloku ḅẹ tomḅọ-tomḅọ, anịanịa nama sọ pịrị ḅịa; mịẹtẹ í nimi ḅarị ḅara mịnẹ KỊNỊNYANAḄỌ ḅe Ijiputi ḅẹ apụ ma na Izirẹlịapụ ma na ogboku kịrị pakama tẹ.

Paka-so 15:16

Tẹmẹ-naịn-naịn na opu ḅalafa na ịn gbaịnm; ị́ ḅara-kọngọ ḅẹ gburo-gburo mẹ gotẹ, ịn paa ḍụḅarị sime-ḅara simem, nwenii ị́ atomi ma mẹnjị-ḅọrọm, Yei KỊNỊNYANAḄỌ nwenii ị́ atomi ma tẹ ị́ fẹẹ ọkị tẹ apụ ma mẹnjị-ḅọrọm.

Ayịzaya 40:31

Kụma ini ma tẹ ḅarasụa gotẹ KỊNỊNYANAḄỌ ḅe kẹ ḅiokpọmarị apụ ma ḍọkị nimi ḅa ini ịwọ ịnyọ sụa tẹ. Ini igo fiin iwo tẹ ịwọ ịnyọ nyana ḅara kẹ naa sakị ḅa; ịn mangị ḅa tẹ ịn ḅụụ-lọkọ ḅịa; ịn mẹnjị ḅa tẹ ịnyọ ịna ḅụụ fa ḅịa.

Ayịzaya 6:3

Ịn jụmọ-jụmọ sịn tẹ ḅẹẹm, “Fịafịa, fịafịa, fịafịa! Kụrọmamgba nyana KỊNỊNYANAḄỌ ḅe anie Fịafịa Ḅọ! Ori ebube tomikiri mẹ ḅin wararị.”

Emọsị 5:9

Ori opu kụrọ-kọn apụ ma na ịna kụrọnị-ayọ ma na gulugulumarị.

Habakọkụ 2:20

KỊNỊNYANAḄỌ ḅe ọ̀ fịafịa Warị ḅio emi; yee tomikiri sime-ḅọ sime-ḅọ yaụ-sime ọ̀ tọrọkọ ḅụ.

Matiyo 11:25

Anị sakị mẹ ḅụ Jizọsị ḅẹẹm, “Ḍa, So na Kiri na Nyanaḅọ! Arị ịmịẹtẹ kẹ ị́ ḅẹẹm, ị́ mịna aị ma kẹ ye ḍawọ ḍịn-a apụ ma rẹ ḍie tẹ arị kẹ ye-nimi wararị tẹ ye ḍawọ ḍịn tẹ apụ ma ḅọịma ye mẹ ẹrẹsị.

Matiyo 21:16

Mie ḅụ ịn nwẹnị Jizọsị gbela, “In ḍukoarị ye ị́ naarị?” Jizọsị nwẹnị pakịrị, “Karakara ye à naarị. Yee àrị ó gbela, jen sakị Fịafịa Ḍiri mẹ ḅio amụ ó go-a? ‘Ị́ ye kẹ awọmẹ na ndoarị kala awọmẹ na toluma tẹ mịnẹ in bebe ḅara kẹ Tamụnọ tokinii.’ ”

Luku 10:21

Anị sakị ḅụ Fịafịa Tẹmẹ ḅe ḅioḅẹlẹ kẹ Jizọsị ḅụụ ḅio suu ḅinma tẹ ọ̀ ḅẹẹm, “Ḍa, So na Kiri na Nyanaḅọ, àrị ịmịẹtẹ kẹ ị́ ḅẹẹm, ị́ kẹ opu nimi kọn apụ na opu aị ḍawọ apụ na ḍie-a tẹ kẹ ye ḍawọ-a apụ ḍie aị ma gotẹ. Inn, Ḍa, mie í ḅiim, anị mịẹ nwẹn ḅẹẹ ḅara.

1 Kọrịntị 1:27

Kụma Tamụnọ tọrụ-gelegele tomikiri ḅẹ atomi kẹ papaa apụ sịn apụ ma sẹlẹ-ọkịm, mịẹtẹ ye-nimim nwẹn ḅẹẹ apụ ma ḅụụ-jịrị ḅarị ḅara, tẹ pịkị ọkọ kẹ tomikiri ḅẹ apụ kẹ ịnyọ nyana-a apụ sịn apụ ma sẹlẹ-ọkịm, mịẹtẹ kụrọ apụ ma ḅụụ-jịrị ḅarị ḅara.

1 Samụẹlị 2:9

Ori ọ̀ ḅụụ minini nyana apụ ma aḅụọ ḍikiḍiki ḅa; kụma kanakana ḅio si-sịḅịḅio-sụaḅọ ḅe pẹlẹ-so ḅa; gbala kụrọ ḅụ tomḅọ owu-ḅara-iḅi nyana ḅịa ẹrẹsị.