Devidi-Anume 8:1 - FỊAFỊA BAỊBỤLỤ

¹ Yei KỊNỊNYANAḄỌ, wa Nyanaḅọ, bebe tomikiri mẹ í opu ẹrị tẹẹ! Tomi í tokini wenii anị So laarị.

Devidi-Anume 8:1 Iomraidhean Croise

1 Amadapụ 8:27

“Kụma Tamụnọ inetẹ tụkụma ḅara ḅụ tomikiri ḅụ anga ḅẹ? So mẹ ḅẹ geletẹịn So mẹ sọ ḍụḅa tẹ ị́ sọ ḅẹ ḅara sime-a; anieḅụ ndẹẹ mị Tẹkẹ-warị mẹ tẹ à nama ye mẹ ị́ sọ ḅẹ ḅara?

Devidi-Anume 145:1

Àrị í opu sakị gelema ḅa, ị̀ Tamụnọ pịkị ị̀ amadaḅọ; àrị í tokini mu ḅẹẹ-sakị ḅẹẹ-sakị la ḅa.

Devidi-Anume 148:13

Yee inimgba KỊNỊNYANAḄỌ ḅe ẹrẹ mẹ tokini! Ori ẹrẹ ḍụḅa kirikọn ẹrẹ mamgba nẹngị; ori ebube iwo so na kiri na ḅọrọ wararị.

Devidi-Anume 36:5

KỊNỊNYANAḄỌ, í kuno-a ḅẹlẹma mẹ mu So-ḅio ma laarị; ḅioḅẹngbọ kẹ ị́ ḅụụ gbana na-iḅim mẹ So-tọrụ ma laarị.

Devidi-Anume 57:5

Yei Tamụnọ, So-tọrụ ḅụ í opu mẹ ḍie-pakamaa, pịkị í ebube sọ kiri ọgọnọ mamgba ḅụ.

Devidi-Anume 63:1

Yei Tamụnọ, anie ị̀ Tamụnọ, tẹ àrị í gotẹ ḅio-sẹsẹarị. Ì bebe ḅụụ mamgba ị́ nyana ḅẹ-ḅiiarị, samụnọ-kpakịkị tẹ minji kala ye sọ ḅarị ofori kiri ọkụ, ị́ ị̀ tẹmẹ tarịarị, minji pọkọ-tarị ḅara.

Devidi-Anume 68:4

Nume su Tamụnọ bomaa, tokini anume su ori ẹrẹ bomaa; mẹnjị-ḅọrọ-anga tẹlẹma ọ̀ pịrị, oḅuto ọgọnọ mẹnjịarị ḅọ ḅe. KỊNỊNYANAḄỌ anie ori ẹrẹ tọrọkọ ḅụ ḅioḅẹlẹ!

Devidi-Anume 8:9

Yei KỊNỊNYANAḄỌ, wa Nyanaḅọ, bebe tomikiri mẹ í opu mẹ ẹrị tẹẹ!

Devidi-Anume 81:1

Ḍereku oloku kọn wa ḍụarị Tamụnọ ḅe pịrịị; tokini nume-su Jekọbụ Tamụnọ ḅe pịrị!

Devidi-Anume 84:1

Kụrọmamgba nyana Tamụnọ, àrị ị́ Warị mẹ ḅẹlẹma la ḅara ḍikii!

Paka-so 15:11

Yei KỊNỊNYANAḄỌ, oru-atamụnọ ma ḅụ, ị́ kịkaḅọ tụḅọ? Ama-da opu ḅụ fịafịa, ị́ kịkaḅọ tụḅọ? Ebube nyana amịẹaị ḅụ ḅalafama, tẹ ḅụụ-gbiripuma-aị kọrịarịḅọ tụḅọ?

Sọlọmọnị Ḅẹlẹtẹịn Nume 5:16

Ọ̀ ḅịḅị ḅẹlẹarị, anị nọnjị ḅụ; ò gboloma ye goyegoye ị̀ sịḅịḅio simarị. Mie ị̀ ḅẹlẹmaḅọ ḅe kịkarị ḅara, Jeruselemu ḅẹ ereme.

Ayịzaya 26:13

KỊNỊNYANAḄỌ wamịna Tamụnọ, ja apụ ḅẹrẹtọn wa pịrị tẹ, Kụma kịngẹ mie wa Nyanaḅọ.

Habakọkụ 3:3

Tamụnọ Idọmụ ḅụ sime tẹ siin-ḅoarị, fịafịa Tamụnọ ḅe siin-ḅoarị Paranị ḅẹ tụndụ ma ḅụ. Ori ebube So ma gbaịn-arị, tẹ ò tokini ḅịḅị kiri mẹ ḅin wararị.

Matiyo 22:45

Devidi nwẹnị KỊNỊNYANAḄỌ kẹ ọ̀ sịn-arị kụma, ndẹẹ Mẹsaya ḅe inetẹ Devidi furo paka-ḅo ḅọ sọ ḅẹ ḅara?

Jọnị 20:28

Tọmọsị nwẹnị ọ̀ pakịrị, “Ị́ nyanaḅọ, pịkị ị̀ Tamụnọ!”

Ẹfisọsị 4:10

Mie ḅụ, ideri-ḅo ḅọ ḅe anie paa iwo mu So mamgba tolu ḅọrọ tẹ bebe So na Kiri na ḅụ anga-anga mamgba ḅụ emi ḅọ ḅe.

Ditẹrọnọmị 28:58

“Ọ́ ḅụụ ẹbị-ẹbị tẹ mị oloko mẹ ḅẹ ẹkwẹn-aḅịḅị mamgba tẹ mị ḍiri mẹ ḅio kẹẹ wararị aị ma, mịẹtẹ ọmịnị inetẹ mị ebube nyana tẹ ḅalafama ẹrẹ mẹ anie KỊNỊNYANAḄỌ ọmịna Tamụnọ ḅe ẹrẹ mẹ mangịma ḅarị ḅara mịẹ-a ḅẹḅẹ,

Filipayị 3:8

Arị aị ma kịngẹ-a à ye goyegoye kẹ gbọrsịḅị fa ye kịẹn tẹ, arị iḅiọkụ ye la arịmgba nẹngị ye nyana tẹ ye gotẹ, anie Kịrayịsị Jizọsị ị̀ Nyanaḅọ ḅe nimi mẹ. Ọ̀ sịḅị ẹrẹsị, à ye goyegoye kẹ wakị nguma tẹ; papaa sara ọgọnọ ḅẹ fun ḅara mie à kẹ arịmgba ọkị ye, mịẹtẹ à Kịrayịsị nyana ḅarị ḅara,

Hiburu 7:26

Mie ḅụ, Jizọsị anie wamịna ḅụụ-fụka mịẹ pẹlẹarị Sịḅịda-Agbamịẹḅọ ḅee. Ọ̀ fịafịa wararị; ọ̀ ḅụụ ḅẹẹ-ḅẹẹye anịanịa si ofori; si-mịẹapụ ḅụ Tamụnọ ọ̀ saakị ḅelema wararị, tẹ ori iwoma mu So ma ḅọrọ tẹẹ.

Mịẹfinji 19:6

Anịtẹso à naa ye, opu tomi ogbo ẹkwẹn-arị, minji tụndụ ọgọnọ pẹlẹ-pẹlẹ sararị tẹ anị fie-fie ḅara, pịkị so-alagba tẹịn tẹ fie ḅara kịkam. Àrị in ḍuko ye naam, mịnẹ “Ọ́ Tamụnọ tokinii! Gbala KỊNỊNYANAḄỌ, wamịna Tamụnọ, Kụrọmamgba Nyanaḅọ ḅe, anie Amadaḅọ!”