Devidi-Anume 71:3 - FỊAFỊA BAỊBỤLỤ

³ Ye tolu ḅo ị̀ la ḅịa sịḅị-kikima-anga sọ ị̀ pịrị tẹ iḅi kụrọnị-anga sọ tẹ ị̀ gbaịn; ị̀ ḅụụ-ḅọị-yọ pịkị ḍụa anga.

Devidi-Anume 71:3 Iomraidhean Croise

Devidi-Anume 144:2

Ori anie ị̀ gbaịn tẹ ị̀ ḍụarịḅọ, ị̀ sịḅị kikima yọ pịkị ị̀ ḅọrọmaḅọ, ori mie à kẹ ḅiokpọmarị, ye ị̀ la ḅịa ḅara. Ọ̀ mịẹ tẹ sịẹ-sịẹ ma sịḅị-tuu ị̀ pịrịarị.

Devidi-Anume 18:2

KỊNỊNYANAḄỌ ḅe anie ì kikimarị ḅọ; ori owu inetẹ ḅo ị̀ la ḅịa anga sọ ị̀ pịrị tẹ. Ị̀ Tamụnọ anie ị̀ gbaịn-arị ḅọ, ọ̀ ḅara-ḅio ị̀ la-la ye ofori. Ori ekpeke sọ ị̀ pịrị wararị; ori ị̀ ḍụa tẹ ì koko kpaịnmarị.

Devidi-Anume 18:3

À KỊNỊNYANAḄỌ ḅe tẹkẹarị, tẹ ò si kẹ ị̀ tọn apụ ma aḅara ḅio ị̀ ḅọrọmarị. KỊNỊNYANAḄỌ ḅe tokinii!

Devidi-Anume 42:8

Yee KỊNỊNYANAḄỌ ḅe ò kuno-a ḅẹlẹma mẹ ḍie-pakama eneḅaka ḅụ: mịẹ tẹ ḍin ḅụ à nume-su ḅẹ ḅara, tẹ ì ḍumo mẹ ḅẹ Tamụnọ ḅe tẹkẹ.

Devidi-Anume 44:4

Ị́yẹrị anie ị̀ amadaḅọ, pịkị ị̀ Tamụnọ: í owu-ḅara-iḅi kẹ ị́ atomi pịrịarị,

Devidi-Anume 68:28

Yei Tamụnọ, ị́ kụrọ ḍie-pakamaa, ị́ kẹ nama kọrị wa pịrị tẹ kụrọ mẹ

Devidi-Anume 89:27

Àrị ọ̀ kẹ ị̀ tarị owiḅọtụḅọ sọma ḅa, amadapụ mamgba ḅụ tẹịnḅọ.

Devidi-Anume 90:1

Yei KỊNỊNYANAḄỌ, ị́yẹrị anie ḅụọ-fa-ḅụọ-paka ḅụ wamịna sime-yọ.

Devidi-Anume 91:9

Ị́ KỊNỊNYANAḄỌ ḅe kẹ ị́ ḍụaḅọ sọma tẹ, Gele Tẹịnḅọ ḅe anie ị́ gbaịn-arị ḅọ,

Egberima-Ẹkwẹn 18:10

KỊNỊNYANAḄỌ ḅe ọ̀ kụrọtẹ gele-warị na kịkam, anie karakaraye-mịẹapụ ma inetẹ mu tẹ ye ịn la ḅịa anga.

Ayịzaya 33:16

Anịsakị ye ḅarị ị́ la ḅịa, ị́ pịkị ye ḅụụ la-la anga ḅụ emi ḅọ ḅara sime ḅa, gbala ọmụ la-laa kụrọnị-anga ḅụ í emi ye ọkụ. Ị́ fịye nyana tẹ fị ḅa, pịkị minji nyana tẹ ḅuu ḅa.

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Ditẹrọnọmị 33:27

Sime gbamaso Tamụnọ ḅe anie ị́ anga yọ anịsakị suku-ḅio kunoma nyana-a aḅara kọngọ ma emii. Tẹ ori ị́ tọrọkọ kịnị na fịya-a apụ ma sukuruma ḅelema tẹ ḅẹẹm, “Ịn ḅaa!”