Devidi-Anume 69:9 - FỊAFỊA BAỊBỤLỤ

⁹ À kẹ ị́ Warị mẹ ọkị ḅara mẹ ị̀ ḅụụ ḅio sime tẹ fịnị kọrị ḅara kọrịarị; ịn kẹ ị́ mịẹ simarị aị ma ị̀ ọgọnọ sararị.

Devidi-Anume 69:9 Iomraidhean Croise

1 Amadapụ 19:10

Ọ̀ nwẹnị pakịrị, “À KỊNỊNYANAḄỌ, ọmụ-ogbo ma nyana Tamụnọ ḅe gotẹ kpọma afana sọ tẹẹ, gbalaa Izirẹlịapụ ma ị́ na fị ọḅọkụ mẹ sịkị tẹẹ, ị́ agbamịẹ-anga ma sukuruma-gbin, tẹ okologie kẹ ị́ ịkịankoroapụ ma ḅaa fama tẹẹ; yẹrị ngẹrị kpọkpọ gbọrụ sịḅị mịẹ kọn yee, tẹ in pịkị ì ḍumo ọkị ḅẹ ḍọkịarị.”

1 Paka-aị 29:3

À tẹlẹma koroma kẹ fịafịa warị mẹ pịrị aị mamgba sikima, arị ì soku-ḅẹ golu na, seleḅa na ngọ nyana anị ḅụ sụa wararị, anịsakị à ḅụụ-sịkị ị̀ Tamụnọ warị mẹ pịrị ḅara gotẹ, arị anị kẹ ị̀ Tamụnọ; warị mẹ pịrịm.

Jobu 19:13

“Ori ị̀ ḅụụ ḅụ ị̀ amịnapụ ọkị mu ala-jụ koroma tẹ, tẹ gbọrsịḅị ị̀ kẹ igoniḅọ sọma ị̀ ḅụụ ḅẹ iḅi-apụ pịrị tẹ.

Devidi-Anume 119:139

Ị̀ ịganị ị̀ ḅụụ ḅio fịnị kọrị ḅara kọrịarị, si kẹ ị̀ tọn apụ ma ị́ tọn kuroma aị ma bala-a ḅara mịẹarị ẹrẹsị.

Devidi-Anume 38:12

Ị̀ ḅaa ḅẹ-ḅiiarị apụ ḍiein tuu, tuu ị̀ pịrịarị, tẹ ye kẹ ị̀ lama ḅẹ-ḅiiarị apụ ẹrẹmarị ini ị̀ fama ḅẹ ḅara; ḅẹrẹ-ḅiya ị̀ pịrị ḅụ gbala-gbala in kunoma nyana-a.

Devidi-Anume 89:41

Mẹnjị-ḅọrọarịapụ mamgba ori aị furuarị ori na kpeki wararị asịẹ mamgba ọ̀ ḍẹrịarị.

Romu 15:3

Kịrayịsị sọ, ori ọ̀ ḅụụ na-iḅi ḅẹ ye ḍọkị-a. Anie nakara, Fịafịa Ḍiri mẹ ḅẹẹm, “Àrị ọmịna sịḅị ḅẹ wori-nume dam.”