Devidi-Anume 69:4 - FỊAFỊA BAỊBỤLỤ

⁴ À mịẹ ye ofori tẹ ì ḍiki-ḅioḅuarị apụ ma kịẹn-ḅịḅị ị̀ sịḅị-ḅẹ-inume kịẹn-ḅịḅị nẹngịm. Si kẹ ị̀ tọn-arị apụ ma iruo aị ḍuko ị̀ ọgọnọ gbanarị; ịn kụrọ wararị tẹ ị̀ ḅaa ḅẹ-ḅiiarị. Ini ì ponoma tẹ arị yẹrị furu-a aị pakama-ḅo ịn pịrịm.

Devidi-Anume 69:4 Iomraidhean Croise

Devidi-Anume 35:19

Ḍụkụ tẹ si kẹ ị̀ tọn apụ ma, àrị iruo apụ ma, owu-kiri à ḅịkị ye kẹ ì ḍikiḍiki ḅioḅẹlẹ ma. Ḍụkụ tẹ à mịẹ ye ofori ḅara kẹ ì ḍiki-ḅioḅuarị apụ ma ì kururu gotẹ ị̀ ḍẹrị-ḍẹrịtẹ tọrụ-ḅẹlẹ ma.

Devidi-Anume 40:12

Tọnwa ḅụụ-fụka ì gbori-ikelema wararị kịẹnkịẹn-ọkụ-ofori. Ị̀ asi ma ì kun sịẹma tẹ, tẹ à ḅarị inetẹ ye ẹrị-a; arịḅẹ kịẹn-ḅịḅị ị̀ sịḅị-ḅẹ-inume kịẹn ḅịḅị nẹngịm, tẹ tẹmẹ ḅarị ị̀ ḅụ ofori.

Devidi-Anume 59:3

Ḍikii! Ini ị̀ ḅaa ḅẹ tẹ koruarị; kụrọ-kụrọ ḅara kẹ kịnị na mịẹarị atomi ma kobiri ị̀ pịrị tẹẹ. À mịẹ si, anịanịa mịẹ-irima-ye tẹ in gotẹ ọkọ mịẹ ḅẹ ye ofori,

Devidi-Anume 6:7

À ḅarị inetẹ iḅiọkụ ye ẹrị-a: ị̀ atọrụngbọ ma foin fama tẹ si kẹ ị̀ tọn apụ dogi-ḅo ị̀ pịrị owu gotẹ.

Jọnị 15:25

Anị sime-ḅara, sime-ḅara sọ, miemẹ paka-a so ḅịa, mịẹtẹ ịna oloko ḍiri ḅio kẹẹ wararị ye mẹ karakara ye sọ ḅẹ ḅara, ‘Ini à gberie sọ mịẹ-a ḅara ḅụ ì ḍiki-ḅioḅum.’

2 Kọrịntị 5:21

Kịrayịsị ḅụụ gbọrụ si sọ ofori, kụma wamịna sịḅị gotẹ Tamụnọ mịẹtẹ ọ̀ wamịna si ḅụ ḍiekiri nyanam, mịẹ tẹ wamịnị sọ, ori na gbọrụ ḅụ sime ḅụ, Tamụnọ karakara mịẹ mẹ ḅụ ḍiekiri nyana ḅẹ ḅara.

1 Pita 2:22

Ori ḅe ọ̀ gbọrụ si sọ mịẹ-a, gbọrụḅọ-sọ amụ pịkị ọ̀ ḅịḅị-ḅio paka-ḅo iruo ẹkwẹn sọ naa-a.

1 Pita 2:24

Kịrayịsị ḅarana ori oju ḅio wamịna asi ma dogi tẹ kẹ ẹngbẹsẹ-sịn mẹ mum, mịẹtẹ wa fịị si pịrị tẹ ḍumo karakara mịẹ pịrị ḅẹm. Ori oju kiri mẹ ḅẹ ịnọ ma ḅụ mie wa ḅọrọ tẹ gwọ ye.

1 Pita 3:18

Kẹ gotẹ ọkọ ḍukoarị, Kịrayịsị gbọrụ sakị kịngẹ kẹ si gotẹ fịị inweni-mgba pịrịm, iḅi tomḅọ ḅe si-mịẹapụ kiri ḍima tẹ fịịm, mịẹtẹ ori ọ́ ḅọrọma mu Tamụnọ la ḅẹ ḅara. Meni oju ḅụ ini ọ̀ ḅaam, kụma tẹmẹ ḅụ Tamụnọ ò ḍumomam,