Devidi-Anume 67:4 - FỊAFỊA BAỊBỤLỤ

⁴ Yee sịẹ-sịẹ ma ḅioḅẹlẹ tẹ nume-su ḅụ ḍereku, ị́ karakara ḅẹrẹkọn kịnị pịrịarị ẹrẹsị, pịkị tomikiri simearị sịẹ goyegoye datụkụmarị.

Devidi-Anume 67:4 Iomraidhean Croise

Suku-saakị 18:25

Iḅieri, kuraye-mịẹapụ kẹ si-sịḅịḅio-sụapụ ḅụụ sụa ḅa guluguluma ḅụ ị́ ḅụụ wẹrị ḅelemaa, anie kuraye-mịẹapụ ma mịẹtẹ ịn si-sịḅịḅio-sụapụ ma mẹnjị ḅara mẹnjị! Iḅieri, anie ḅụ ị́ ḅụụ ḅelemaa! Tomi-juḅẹye, ị́yẹrị tomikiri mẹmgba kọn ḅarị ḅẹrẹkọnḅọ ḅe í kuraye mịẹ ḅa.”

Devidi-Anume 2:8

Ḅii, tẹ à tomikiri ḅẹ asịẹ mamgba kẹ ị́ pịrị ḅa; bebe tomikiri mẹ í nye sọ ḅa.

Devidi-Anume 82:6

À ḅẹẹm, ‘Ọmịnị Tamụnọ amẹẹ; ọmịnị-mgba Gele Tẹịnḅọ ḅe awọmẹ.’

Devidi-Anume 9:8

Karakara mịẹ mie ọ̀ kẹ tomikiri ḅụ ḅẹrẹtọn-arị: aḍụa ofori ḅara mie ọ̀ kẹ sịẹ-sịẹ ma kọn-arị.

Devidi-Anume 96:10

Ḍuko sịẹ-sịẹ mamgba pịrị, “KỊNỊNYANAḄỌ ḅe anie Amadaḅọ! Ò tomikiri mẹ sịẹma kụrọma wararị, tẹ anị inetẹ jike ḅịa ḅara; ọ̀ karakara ḅẹrẹ kọn tomi ma pịrị ḅa.”

Devidi-Anume 98:9

ò tomikiri ḅẹrẹtọn ḅẹ ḅoarị ẹrẹsị. Ori inoma ofori ḅara na iḅi ḅara na kẹ ḅẹrẹtọn tomikiri ḅẹ atomi ma pịrị ḅa.

Ayịzaya 54:1

Jeruselemu, ị́ awọ iyi-a ẹrẹḅọ kịka tẹẹ, kụma mịọkụ í inetẹ nume-su tẹ oloku ḅa ḍereku ḅụ. Mịọkụ ị́ awọmẹ nyana amịna diḅọ gbala-gbala amụ koroma-soa ẹrẹḅọ nẹngị ḅa!

Ayịzaya 55:4

Arị ọ́ kẹ sịẹ-sịẹ ma sịḅịdaḅọ na ịn mịẹ ḅẹ ye tọn-arị ḅọ na sọma tẹ, tẹ ọ̀ ḅụụ ḅụ à ḅọrọ tẹ ị̀ kụrọ kẹ in ḍie tẹ.

Ayịzaya 60:6

Ike-sụa-nama kẹ ogbo-ogbo ḅụ ye-muarị apụ opu ogbo Midiyanị na Ẹfa na ḅụ sime tẹ ḅo ḅa. Kịnị Sẹba ḅụ sime tẹ golu na kụnụaị agbamịẹ aị na ọkị-ḅo ḅa. Kịnị KỊNỊNYANAḄỌ ḅe kọrị tẹ ye mẹ ḅẹ iḅi-oku mẹ ḍuko ḅa!

Fịrịmẹnjịapụ 17:31

Kẹ gotẹ ọkọ ḍukoarị, ori ene pẹlẹ wararị, ọ̀ karakara ḅụ bebe tomikiri mẹ kọn ḅẹ ene, ori sẹlẹ ọkị tẹ gbọrụ tomḅọ ḅe ḅara ḅụ. Ori anị ḅẹ elekima kẹ ọrụḅọ-ọrụḅọ ḍie tẹ, fịị ḅụ anị tomḅọ ḅe saakịma ḅụ!”

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.

Galesiya 4:27

Kẹ gotẹ ọkọ ḍukoarị, Fịafịa Ḍiri mẹ ḅẹẹarị: “Ị́yẹrị tụḅọ iyi-a ẹrẹḅọ, ḅioḅẹlẹẹ! Ị́yẹrị jene-jene amụ tụḅọ iyi akụ da-a ḅọ, oloku tẹ ḍerekuu! Gbala owiḅọ sịkịtẹ ẹrẹḅọ ma awọ ọlọ diḅọ amụ sịkị-a ẹrẹḅọ ma nẹngị ḅa.”

Ditẹrọnọmị 32:43

Ọmịnị ori atomi tokinii, yei opu asịẹ; gbala ori ori afịrịmẹnjịapụ ọmbie gbẹẹfị ḅiim, tẹ ò ḍiki-ḅioḅẹle-a apụ ma ọgọnọ gbẹẹfị ọkịm, tẹ ḅẹrẹ fama kẹ ori atomi ma ama pịrịm.