Devidi-Anume 5:4 - FỊAFỊA BAỊBỤLỤ

⁴ Ị́yẹrị kura-a mịẹye ḅụụ-ḅẹlẹarị Tamụnọ-a; ị́ ḍụkụ tẹ gbọrụ siye sọ ị́ tọrọkọ sime-a.

Devidi-Anume 5:4 Iomraidhean Croise

1 Paka-aị 29:17

Ị̀ Tamụnọ, à nimi wararị mịnẹ ḅioḅẹngbọ mẹ mie ị́ daaḍikiarị ye tẹ tụkụ sịẹ ḅụ ḅioḅẹlẹ nyanam; ị̀ ḅioḅẹngbọ kẹ karakara ḅụ à mịna aị mamgba kẹ tọn ị̀ pịrị-a ḅara ḅụ agba mịẹ ị́ pịrị tẹẹ, à pịkị mịọkụ ị́ atomi ma ẹrị tẹẹ, inima tẹ mịanga ḅụ sime tẹ ḅioḅẹlẹ ḅara kẹ tọn ịn pịrị-a ḅara ḅụ agba mịẹ ị́ pịrịarị apụ ma.

Devidi-Anume 101:7

Ị̀ ama-da opu warị mẹ ḅio gbọrụ iruoḅọ sọ anga ḅịa; ị̀ tọrọkọ ḅụ mịẹ kịnị ḍie aị mịẹarị ḅọ sime ḅịa.

Devidi-Anume 11:5

Iḅi-apụ na si-sịḅịḅio-sụapụ na ori ịn tọn ḍikiarị, gbọrụ ḅara mẹ: Ori ò ḅioḅẹngbọ mamgba kẹ oloko bala-a apụ ma ḍiki-ḅioḅuarị.

Devidi-Anume 140:13

Karakara-ḅara-ḅụ, karakaraye-mịẹapụ ma í tokini ḅa; ini í sime anga ḅụ anga ḅa.

Devidi-Anume 50:21

Mie mamgba ọ́ mịẹ tẹ, tẹ à ḅịḅị fie-a, mie ḅụ ọmịnị ọkịarị mịnẹ yẹrị na ọmịnị na kịkarị. Kụma mịọkụ àrị ó ḍiki ịganịarị, tẹ mịẹ tẹ ó giregirema ọ́ mịẹ ye mẹ nimiarị.

Devidi-Anume 63:2

Mịẹtẹ àrị ị́ ẹrị fịafịa yọ mẹ ḅẹ; mịẹ tẹ àrị í opu kụrọ na ebube na nyana la ḅara ẹrị.

Devidi-Anume 88:14

KỊNỊNYANAḄỌ, tiye ẹrẹsị ị́ ị̀ sịkịarị? Tiye ẹrẹsị ị́ ọḅụ pịkị ì gbin-arị?

Devidi-Anume 92:15

Miemẹ ḍiearị mịnẹ KỊNỊNYANAḄỌ ḅe ḅụ inoma ofori, mịnẹ ị̀ gbaịn-arị ḅọ ḅe ḅụ iri ye ofori.

Devidi-Anume 94:20

Ọḅụ-fị tẹ iri ḅẹrẹ kọn-arị ḅẹrẹkọn-apụ ma í ini na mịẹ ye nyana-a, anie inoma kẹ karakara oloko sọmarị apụ ma,

Habakọkụ 1:13

Kụma mịọkụ ndẹẹ í inetẹ mịna mbasịarị si-mịẹapụ na inema ḅẹ ḅara? Ị́ atọrụngbọ ma fịafịa ḅaka wararị ya, kẹ siye ḍiki ḅụ, tẹ ị́ inetẹ tọrụ-tọrụ kẹ kura-aye mịẹ ḍiki ḅịa sakị. Mie ḅụ tiye ẹrẹsị í ḅịḅị-fie-a tẹ ịn karakara mịẹ ịn nẹngị atomi ma ḅaa gulugulumarị ḅara?”

Malakayị 2:17

Ọmịnị ịnyọ kẹ KỊNỊNYANAḄỌ ḅe tama fama tẹẹ, ọ́ kọn-arị ẹkwẹn ḅụ. Kụma ó gbelarị, “Ndẹẹ wa wẹrị tẹ ịnyọ kẹ ị́ tama ḅara?” Mị-ḅara mẹ ḍuko ḅụ, “Kụrọmamgba nyana KỊNỊNYANAḄỌ ḅe kuromarị mịnẹ siye mịẹ apụ mamgba iḅi apụ; karakara ye ḍuko ḅụ, ịna mịẹye ọ̀ ḅụụ-ḅẹlẹarị.” Anịanịa gbela ḅụ, “Tomi ọkịarị inema ḅụụ ḅụ ofori Tamụnọ ḅe, ndẹẹ ori?”

Jọnị 14:23

Jizọsị nwẹnị ọ̀ pakịrị, “Ị̀ ḅẹlẹmarịḅọ goḅọ-goḅọ ì tolumaye mẹ koro ḅara ḍiki mịẹ ḅa. Ị̀ Ḍa ḅe mḅọ ḅẹlẹma ḅa, ị̀ Ḍa ḅe na ị̀ na mḅọ ḍọkụma-ḅo tẹ mḅọ na anga ḅa.

Hiburu 12:14

Ọ́ ḅụụkụrọma tẹ ḅẹḅọ-ḅẹḅọ na dein ḅụ simee, tẹ pịkị fịafịa ḍumo kọn, kẹ gotẹ ọkọ ḍukoarị, anieofori kụma gbọrụḅọ-sọ KỊNỊNYANAḄỌ ḅe ẹrị ḅịa.

2 Pita 3:13

Kụma wamịnị wa Tamụnọ minini tẹ ye mẹ koruarị: ịwọ So ma na ịwọ Kiri mẹ na, karakara mịẹ sime ḅarị anga mẹ.

Mịẹfinji 21:23

Opu ama mẹ ịrụa na akalụ na bele ḅii-a, gbala Tamụnọ ebube mẹ ḅịya anị saramarị, tẹ Anana Tụḅọ ḅe pịkị tọnjọ sọ anị pịrị wararị ẹrẹsị.

Mịẹfinji 21:27

Kụma fịafịa-a gberie-sọ opu ama mẹ ḅio sọ-mu ḅịa, ḅẹḅọ-ḅẹḅọ tẹ ḅụụ-jịrịma aị mịẹarị ḅọ, anịanịa iruo aị ḍukoarị ḅọ, sọ sọ-mu ḅịa. Ẹrẹ Anana Tụḅọ ḅe ḍiri mẹ, tẹ in ḍumo wararị apụ ẹrẹ kẹ kẹẹ koroma wararị ye mẹ ḅio simearị apụ ngẹrị mie ama mẹ ḅio sọ-mu ḅarịye.