Devidi-Anume 4:8 - FỊAFỊA BAỊBỤLỤ

⁸ À koro mono ḅarị sakị, à dein ḅụ mono ḅọrọ so ḅa; ị́yẹrị kịngẹ, Yei KỊNỊNYANAḄỌ, paa iḅiọkụ ị̀ wẹrị kpaịnmaa.

Devidi-Anume 4:8 Iomraidhean Croise

Devidi-Anume 16:11

Ị́yẹrị ḅọrọ mu ḍumo la-la etela kẹ ì ḍie ḅa; ị́ ị̀ na emi ye mẹ ḅioḅẹlẹ kẹ ị̀ ḅụụ ḅio suu ḅinmarị tẹ anị pịkị ị̀ tọrụ ḅẹlẹma gbamasoarị.

Devidi-Anume 3:5

À ḅọlọlọ tẹ monoarị sakị KỊNỊNYANAḄỌ ḅe ị̀ gbaịn-arị bebe ḍin mẹ ḅụ.

Egberima-Ẹkwẹn 3:24

Í iḅila ọgọnọ mono ḅarị sakị ị́ ḅalafa ḅịa, ị́ pịkị mono ḅọrọ-so ḅa bebe ḍin mẹ ḅụ.

Ayịzaya 9:2

Kanakana ḅio mẹnjị sime apụ ma opuma opu bele ẹrị tẹẹ. Kpiti tẹ amakiri ḅụ ini angam, kụma mịọkụ bele ḅịyarị ịna ọgọnọ.

Izikẹlị 34:25

À ye ịn la ḅịa ḅiokpọ kẹ ịn pịrị ḅarị ọḅọkụ kẹ ini na fị ḅa. À kịnị-ḅaaḅa si anama mamgba sikima fama ḅa amakiri mẹ ḅụ, mịẹ tẹ ị̀ anana ye-ḅụụ-la-a ḅara kẹ ḍụọ ḍiḅi akiri ma ḅio anga tẹ opu-apiri ma ḅio mono ḅa.

Hosiya 2:18

Anị ene mẹ ḅụ, à piri-ḅio-ḅẹ anama mamgba na feni mamgba na ọḅọkụ fị ḅa, mịẹtẹ in ye kẹ ị̀ atomi lama ḅịa ḅara. À pịkị amakiri mẹ ḅụ ọmụgbin-aị mamgba ḅelema ḅa, okologie mamgba na iboli ma na, tẹ mịẹ tẹ ị̀ atomi dein na kpaịnma na ḅụ anga ḅa.

Lẹvitikọsị 26:5

Ọ́ paa mbịaka soku-sokutẹ arị ḅẹ mgbọlụ sẹlẹ nwenii mu iru mịẹ girepu asịnmgbọlụ kobiri sakị la ḅa, anịsakị girepu asịnmgbọlụ ma ó kobiri nwenii mu jen fịye ḍiḅi sakị la ḅa. Anịsakị ọmịnị ọmịna fịaị fị furo ḅinma tẹ gberie-sọ ḅụụ la-a ḅara kẹ ọmịna ama ma ḅio anga ḅa.”

Ditẹrọnọmị 12:10

Kụma ọ́ Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị sime ḅẹ ama mẹ ḅụ sime, tẹ ori ọmịnị ikelema-koro wararị ọmịnị na fịya-a apụ mamgba ḅụ ịnyọsara kẹ ọ́ pịrị, tẹ ọ́ kpaịnma sime sakị,

1 Tẹsalonịka 5:10

anie wa ori na gbọrụ ḅụ ḅụ ḍumo ḅẹ ẹrẹsị fịị wa pịrịị ḅọ ḅe, ò ḅo sakị, wa ḍumo ḅụ emi-o, fịị ḅụ-o.

Mịẹfinji 14:13

Anịtẹso à So-ḅio gbọrụ pọkọ naam, ḅẹẹ mịnẹ, “Miemẹ kẹẹ koromaa. Mịọkụ saakị tọrọkọ mu ḅioḅẹlẹ sime KỊNỊNYANAḄỌ ḅe fịrị mẹ ḅio sime tẹ fịị apụ ma pịrịm.” Tẹmẹ ḅe nwẹnị pakịrị, “Inn, karakaraye lamam! Ini ịna kụrọ kọrịnama mẹ ḅụ ḅioḅẹlẹ ịnyọsara ḅa, tẹ ịn mẹnjị fịrị mẹ dogi-ḅo ye mẹ ini na muarị ẹrẹsị.”