Devidi-Anume 4:7 - FỊAFỊA BAỊBỤLỤ

⁷ Kụma ị́ kẹ ị̀ pịrị tẹ ḍereku mẹ ḅẹẹ-sakị ḅẹẹ-sakị ḅụ ḍụḅa ịn nyana ḅẹ ye nẹngị ḅa ịna mbịaka na iru mamgba ḅụ sọ.

Devidi-Anume 4:7 Iomraidhean Croise

Devidi-Anume 31:17

KỊNỊNYANAḄỌ, àrị ị́ sịn-arị; ḍụkụ tẹ ị̀ tọrụ tuuma. Yee si-sịḅịḅio-sụapụ ma rẹ tọrụ-tuu; yee in ḅịḅị kpopu tẹ ideri ḍuḅu ḅio mu.

Devidi-Anume 37:4

KỊNỊNYANAḄỌ ḅe ḅụ í ḅioḅẹlẹ ḍọkị; anịsakị ori ị́ tẹmẹ ịgbanịarị aị ma kẹ ị́ pịrị ḅa.

Devidi-Anume 43:4

Anịtẹso, Yei Tamụnọ, arị ị́ agbamịẹ-anga mẹ mu ḅa; ị́ ḅụ mie ị̀ ḅioḅẹlẹ ḅoarị. Àrị ị̀ ọbọ farị tẹ nume-su í tokini ḅa, Yei Tamụnọ, ị̀ Tamụnọ.

Devidi-Anume 67:2

mịẹ tẹ bebe tomikiri mẹ í ḅiiarị ye nimi ḅarị ḅara, mịẹ tẹ sịẹ-sịẹ mamgba ị́ ḅọrọma mẹ nimi ḅarị ḅara.

Devidi-Anume 80:4

KỊNỊNYANAḄỌ, kụrọmamgba nyana Tamụnọ, ị́ atomi ma atẹkẹ ma paa ị́ ịganịma mu tọ sakị la ḅẹ?

Devidi-Anume 92:4

Yei KỊNỊNYANAḄỌ, í opu kụrọtẹ amịẹaị ma ì ḅioḅẹlẹmarị; ị́ mịẹ tẹ ye mẹ ẹrẹsị à nume su-su ḍerekuarị.

Sọlọmọnị Ḅẹlẹtẹịn Nume 1:4

Ị̀ ọkị tẹ wa mangị-so; ị̀ amadaḅọ sọ tẹ ị̀ kẹ í ḅio muu. Wa ḅioḅẹlẹ gboloma ḅa; ḅuu gbẹdẹmaa, tẹ ḅẹlẹma ḅio sọ faa. Ereme mamgba ị́ ḅẹlẹmarị ye mẹ ḅụụ-buamaye-o!

Ayịzaya 9:3

KỊNỊNYANAḄỌ, í opu ḍereku kẹ ịn pịrịtẹ, ị́ mịẹ tẹ in ḅioḅẹlẹarị; ị́ kọrị ịn pịrịtẹ ye ḅụ in ḍerekuarị, tomi ịna mbịaka pẹlẹarị sakị in ḍereku ḅara anịanịa ini ọmụ ḅio fọịn ḅo aị ḍiearị sakị ḅụ.

Jerimaya 48:33

In ḅioḅẹlẹ na ḍereku na ọkị so tẹẹ, Mohabụ iḅi fịye pakama kiri nyana sịẹ mẹ ḅụ. À mịẹ tẹ kụrọ kin anga mẹ ḅụ iru ḅarị sara-paka-ḅoa; sime tẹ iru mẹ mịẹ tẹ ḍereku oloku kọn ḅẹ gbọrụḅọ-sọ ofori.”

Kịẹn-aḅịḅị 6:25

KỊNỊNYANAḄỌ ḅe mịẹtẹ ọ̀ tọrụkuḅu ọmịna ọgọnọ ḅịya paka tẹ ḍiki-ḅụụjịrị nyana ọ́ pịrịị.

Fịrịmẹnjịapụ 14:17

Kụma sakị mamgba ori ori emi nwẹn ḅẹẹ elekima kẹ tomi ḍiearị, ọ̀ mịẹarị iḅi aị ma ḅụ; ori mie So-ḅio ene koroma ọ́ pịrịarị, pịkị ḍiḅi aị ma pakama-ḅo ọ́ pịrịarị karakara asakị ḅụ; ò fịye kẹ ọ́ pịrị fị tẹ ḅioḅẹlẹ ọmịna aḅioḅẹngbọ ḅin-arị.”

1 Pita 1:8

Jen sakị amụ ọmịnị ori ẹrị-a sọ, ọmịnị ọ̀ ḅẹlẹmarị; mịọkụ sọ ọ́ paa ori ẹrị-a sọ, ọ́ paa ọ̀ ḅụụ ḅụ minini nyanarị. Mie ḅụ ọ́ nwẹnị opu ebube nyana wararị ḅioḅẹlẹ, tẹ tomina ẹkwẹn-ḅịḅị inetẹ ḍuko ḅịa ye nyanarị,

Ḅẹrẹkọn-apụ 9:27

Ịn nwẹnị paka piri sọ, tẹ ịna girepu-aḍụọ ma ḅio girepu-asịnmgbọlụ ma kobiri tẹ arị nanga, tẹ alalị fị. Ịn nwẹnị ịna oru-tamụnọ warị ḅio sọ-mu tẹ fị-na-ḅuu-na, tẹ Abimẹlẹkị fie sima.