Devidi-Anume 4:6 - FỊAFỊA BAỊBỤLỤ

⁶ Tọnwa apụ tẹkẹ tẹ ḅẹẹarị, “Yei KỊNỊNYANAḄỌ, jaị-jaị kẹ wa bomaa. Iḅi tọrụ kẹ wa ḍikii!”

Devidi-Anume 4:6 Iomraidhean Croise

Devidi-Anume 119:135

Ị́ ị̀ na emi mẹ kẹ ì bomaa, tẹ í oloko ma kẹ ì tolumaa.

Devidi-Anume 21:6

Ị́ aboma ma ori na sime mu ḅẹẹ-sakị ḅẹẹ-sakị laarị: tẹ í ori na emi mẹ nwẹnị ḅioḅẹlẹ kẹ ọ̀ ḅụụ ḅio suu ḅinmarị.

Devidi-Anume 39:6

ịrụa ḅịya ye saramatẹ kiri-ḅio tọn-arị tẹmẹ mẹ kịngẹ, ori mịẹarị aị mamgba sọ gberie-sọ gberie-a: ori ngọ kobiriarị, kụma anị ọkị ḅẹ ḅọ ò nimi-a.

Devidi-Anume 42:5

Tiye ẹrẹsị à mị-ḅara kẹ kururuarị? Tiye ẹrẹsị à mị-ḅara kẹ ḅụụ-fụka daarị? À Tamụnọ kẹ ḅiokpọma ḅa tẹ à siin jen kẹ ò tokini ḅa, ị̀ ḅọrọmaḅọ pịkị ị̀ Tamụnọ.

Devidi-Anume 44:3

Ị́ atomi ma ịna okologie kẹ ọmụ gbin tẹ owu-ḅara-iḅi ḅụ kiri mẹ ọkị-a; ini ịna kụrọ kẹ anị nyana ḅo-a, ị́ kụrọ na ị́ ịnyọ na ḅụ, í ini na sime ye ḅẹ ḅiokpọ ḅụ, anie nwẹnị ḍie-pakama mịnẹ ị́ ịn ḅẹlẹmam.

Devidi-Anume 67:1

Tamụnọ, ọkụrụkụrụ nyana wa pịrị tẹ wa bomaa; iḅi tọrụ kẹ wa ḍikii,

Devidi-Anume 80:19

KỊNỊNYANAḄỌ, kụrọmamgba nyana Tamụnọ, ị́ ọkụrụkụrụ kẹ wa ḍie, anịsakị wa ḅọrọma ḅa.

Devidi-Anume 80:7

Kụrọmamgba nyana Tamụnọ, wa kẹ pịkị-ḅoo! Ị́ ọkụrụkụrụ kẹ wa ḍie, anịsakị wa ḅọrọma ḅa!

Devidi-Anume 89:15

Ini ma tẹ nume kẹ sunsin ị́ pịrịarị apụ ma ịn kpọma ḅioḅẹlẹarị ḅara ḍikii, anie í iḅi-yemịẹ-ḅara ḅụ ḅẹ bele ḅụ angarị apụ ma!

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Malakayị 3:3

Ò ḅo ḅẹrẹkọn ḅa, gbala seleḅa mịẹ tẹ anị fịafịarị ḅọ ḅara. Ikulele-tẹmẹḅọ seleḅa na golu na mịẹ fịafịamarị ḅara, anie KỊNỊNYANAḄỌ ḅe oku-mẹnjịḅọ ḅe ḅo tẹ agbamịẹapụ ma mịẹ-fịafịama ḅarị ḅara, mịẹtẹ ịn karakara ḍiepịrị-aị ọkị-ḅo KỊNỊNYANAḄỌ ḅe pịrị ḅẹ ḅara.

Kịẹn-aḅịḅị 6:26

KỊNỊNYANAḄỌ ḅe ò ḅiokpọma, ḍima-a ḅẹlẹ tọrụkuḅu mẹ saakị-gelemaa ọmịna ọgọnọ, tẹ dein kẹ ọ́ pịrịị.”

Luku 12:19

Anịtẹso àrị ị̀ ḅụụ ḅẹẹ ḅa, Fụḅara iḅi tomḅọ! Tọnwa akụra ḅụ ị́ kẹ anga ḅẹ ngọ ị́ nwẹn nyana tẹ. Ịnyọsaraa, fị, ḅuu tẹ ḅioḅẹlẹẹ.’

Luku 16:19

“Gbọrụ sakị gbọrụ ngọ-kọnḅọ simem, tẹ kpọma ye la ḅụratẹ ḅiriaị ḅiri, ḅiri tẹ pịkị kpọma woso-woso ḍumo kọnm ene ḅaa ene, ḅaa ene.

Ditẹrọnọmị 33:19

Ịn tomi-kụlọkụlọ sịn ịna tụndụ mẹ ḅo ḅa; anịjụ ịn karakara tọnwa agba mịẹ ḅa, gbala ini opu atomi ma ḅio ḅin wararị ngọ ma nọnjịarị pịkị kiri ḅio ḅẹ onwi mẹ ḅio ḅọị wararị ngọ ma nọnjịarị.

Jemụsị 4:13

Mịọkụ ọmịnị ì pokii, ọmịnị ḅẹẹarị apụ, “Mịmgba, anịanịa ḅaa, wa paka gbọrụ ama mu tẹ anịanga gbọrụ kụra sime, tẹ tuḅo kọn tẹ tọnwa igbigi mịẹ ḅa.”