Devidi-Anume 4:4 - FỊAFỊA BAỊBỤLỤ

⁴ Ọmịnị oju sẹkị ḅụ ḅalafa tẹ ḅarị nume-su ma; ọ́ kpọma miemẹ kẹ kuroma ḅụ suu, ọmịna iḅila ọgọnọ ḅụ ọ́ yaụ-simearị sakị.

Devidi-Anume 4:4 Iomraidhean Croise

Jobu 28:28

Ọ̀ nwẹnị tomi ḅẹẹ, “Ḍikii, KỊNỊNYANAḄỌ ḅe mangịma mẹ, anie nimi mẹ; anịsakị siye ḅụ ḅụụ sikima mẹ anie yefieye-naa mẹ.”

Devidi-Anume 119:161

Opu kụrọ nyana atomi inoma ḅara kẹ owu kẹ ị̀ pakarị, kụma àrị í oloko mẹ kụn-arị.

Devidi-Anume 17:6

Yei Tamụnọ, àrị ị́ tẹkẹarị, ị́ ị̀ pakịrịarị ẹrẹsị: ọkọẹrẹsị tọrụ pịkị ị̀ da tẹ ị̀ ẹkwẹn ma pokii.

Devidi-Anume 2:11

Ọ́ ḅalafa ḅụ fịrịmẹnjị KỊNỊNYANAḄỌ ḅe pịrịị;

Devidi-Anume 3:2

Ini ị̀ kẹ fie-fie tẹ ḅẹẹm, “Tamụnọ ḅarasụa ọ̀ pịrị ḅịa.”

Devidi-Anume 3:4

À ḅarasụa gotẹ KỊNỊNYANAḄỌ ḅe tẹkẹarị, tẹ ori ọ̀ fịafịa tụndụ mẹ ọgọnọ sime tẹ ị̀ tẹkẹ pakịrịarị.

Devidi-Anume 33:8

Tomikiri mẹmgba KỊNỊNYANAḄỌ ḅe ḍiki-ḅalafaa; ọmịnị tomikiri ḅẹ apụ mamgba ọ̀ kụn!.

Devidi-Anume 46:10

Ọ̀ ḅẹẹarị, “Ọ́ ḅarị ọmụ gbin ma, tẹ nimi mịnẹ yẹrị Tamụnọ; sịẹ-sịẹ ma ogboku yẹrị tẹịnḅọ, tomikiri mẹ kana-koro ḅụ yẹrị tẹịnḅọ.”

Devidi-Anume 63:6

Àrị iḅila ọgọnọ ḅọlọlọ wararị sakị àrị ị́ kẹ ḅiokoromarị; bebe ḍin mamgba í ì kuroma ḅụ emi,

Devidi-Anume 77:6

Ḍin mẹ à kẹ pokolotẹ kuroma nyanarị; à ye kẹ ì ḅioḅẹngbọ ḅụ pekele-ḍiki, tẹ miemẹ kẹ ị̀ ḅụụ gbelarị:

Egberima-Ẹkwẹn 16:17

Ini tẹ iḅi wararị apụ ma ịn ḅọrọ ye-muarị etela ḅụ in siye kọkọrọarị; mie ḅụ í muarị anga ẹbịị — anị í ḍumo ḅọrọma ḅa.

Egberima-Ẹkwẹn 16:6

Sịḅị-tuu tẹ pịkị ḅioḅẹngbọ kẹ ḅụụ ḅụ gbana na-iḅi ḅara simee, tẹ Tamụnọ í si-wẹrịso ḅa. KỊNỊNYANAḄỌ ḅe ḅịḅị pokii, anịsakị gbọrụ siye sọ ị́ ḅụụ paka ḅịa.

Egberima-Ẹkwẹn 3:7

Gbala-gbala ḍụkụ tẹ mịẹ kuroma mẹ ị́ ḅụ sọ ma mịnẹ í ye-nimi í nimi ḅara nẹngịm; paa KỊNỊNYANAḄỌ ḅe ḅịḅị pokii, tẹ ḍụkụ tẹ kura-aye mịẹ ma.

Jerimaya 5:22

Yẹrị anie KỊNỊNYANAḄỌ ḅe, ó tiegotẹ ì ḍiki-ḅalafa-a? Ó tiegotẹ oju-sẹkị-a ị̀ tọrọkọ ḅụ? Yẹrị onwin mẹ ḅụ abajị mẹ daasịẹ ḅẹ anga tọn koromam, anị nwẹnị gbamaso daasịẹ anga sọ, saḅa-saḅa yọ. Abajị mẹ inetẹ iwo-na-ideri-na ḅa, kụma anị inetẹ anị saḅa ḅọrọ ḅịa; ọnụngọ ma ḍụrụkụ ḅa, kụma arị inetẹ kan tolu ḅịa.

Habakọkụ 2:20

KỊNỊNYANAḄỌ ḅe ọ̀ fịafịa Warị ḅio emi; yee tomikiri sime-ḅọ sime-ḅọ yaụ-sime ọ̀ tọrọkọ ḅụ.

2 Kọrịntị 13:5

Ọmịnị ọmịna aḅụụ daaḍikii, tẹ ḅarana ọmịna aḅụụ kọọn, tẹ ḍọkị-nimii ó minini ḅụ ḍumo kọn-arị ḅoto. Piki-pikiye-ofori ḅara ḅụ, ó nimi-a mịnẹ Kịrayịsị Jizọsị ḅe ọmịna ḅụụ ḅio emi? — anie ọ́ gbọrsịḅị ḅịkị koro tẹẹ sikima.

Ẹfisọsị 4:26

Ọmịnị ịganị ịganị, ọ́ ḍụkụ tẹ ọmịna ịganị mẹ ó dogi-mu si ḅio suu ma, ọ́ pịkị bebe ene mẹ kẹ ịganị ma.