Devidi-Anume 4:1 - FỊAFỊA BAỊBỤLỤ

¹ Yei Tamụnọ, ị̀ ḍụaḅọ, à tẹkẹarị sakị ị̀ pakịrị! Ḅụụ-fụka ị̀ la sakị, ị́ ḅarasụa ị̀ pịrịm. Mịọkụ iḅi ḅara kẹ ị̀ na mịẹ tẹ ị̀ tẹkẹ naa.

Devidi-Anume 4:1 Iomraidhean Croise

Jobu 36:16

Ḅụụ-ḅalaḅala ḅụ sọ ori í toluma pakama-ḅo mu finjimatẹ kpasịma ofori anga ḅio sunm, tẹ ḅẹlẹkị ḅụụ ḅio ḅin wararị ye kẹ ị́ dẹbịlẹ ọgọnọ gbanam.

Devidi-Anume 11:7

KỊNỊNYANAḄỌ ḅe anie karakara mịẹḅọ, tẹ ori iḅi amịẹaị ḅẹlẹmarị: arị mịẹarị apụ ma ini ọ̀ tọrọkọ anga ḅa.

Devidi-Anume 116:16

KỊNỊNYANAḄỌ, yẹrị ị́ fịrịmẹnjịḅọọ; àrị ị́ fịrịmẹnjịarị, ì iyingi mịẹ gbọrụ ḅara mẹ. Ị́ fịị ḅụ ị̀ ḅọrọma tẹ.

Devidi-Anume 116:6

KỊNỊNYANAḄỌ ḅe ọ̀ ḅarasụa-pịrịḅọ nyana-a ḅọ mẹ gbaịn-arị; à siye kẹ ị̀ mịẹ ḅẹ ye ḅio sọ sakị ori ị̀ ḅọrọmam.

Devidi-Anume 119:132

Tọrụ pịkị ị̀ da tẹ ì ḍiki sịḅị-kụrụkụrụ, ị́ ị́ ḅẹlẹmarịapụ mamgba ḅụ mịẹ-mịẹ ḅara.

Devidi-Anume 143:2

Yẹrị ị́ fịrịmẹnjịḅọ ḅe kẹ ḅẹrẹkọn ḅo ma, ị́ tọrọkọ si mịẹ-a ḅọ ofori.

Devidi-Anume 17:6

Yei Tamụnọ, àrị ị́ tẹkẹarị, ị́ ị̀ pakịrịarị ẹrẹsị: ọkọẹrẹsị tọrụ pịkị ị̀ da tẹ ị̀ ẹkwẹn ma pokii.

Devidi-Anume 22:1

Ị̀ Tamụnọ, Ị̀ Tamụnọ, tiye ẹrẹsị ị́ ị̀ kẹ gbin kuroma tẹ so? À ḅarasụa gotẹ owu sịnịsịnịm, anịsọ ḅarasụa ḅo-a.

Devidi-Anume 24:5

KỊNỊNYANAḄỌ ḅe in boma tẹ ịn ḅọrọma ḅa; Tamụnọ ḍuko pakama ḅa mịnẹ ịn mịẹ ye ofori.

Devidi-Anume 25:16

KỊNỊNYANAḄỌ, tọrụ pịkị ị̀ da, tẹ ọkụrụkụrụ nyana ị̀ pịrịị, gbala ị̀ ḅụụ yaụarị, ịnyọ pịkị ị̀ ḅụụ fa tẹ.

Devidi-Anume 31:8

Amụ ị́ ḍụkụ tẹ si kẹ ị̀ tọn apụ ma ì kun ọkị-a: í kiri foofoma ị̀ pịrị tẹ àrị ì ḅiotọn anga, tọn anga mẹnjịarị.

Devidi-Anume 41:12

Ị́ ḅarasụa ị̀ pịrị ḅa, à kuraye mịẹarị ẹrẹsị: ị́ ị̀ kẹ ị́ tọrọkọ wẹrị mu ḅẹẹ-sakị ḅẹẹ-sakị la ḅa.

Devidi-Anume 42:1

Minji tụḅara pọkọ-tarịarị tẹ ọ̀ lẹlẹma dein minji simearị ḍaḅa ḍọkị ḅara: anie ị́ kẹ ị̀ pọkọ-tarịarị ḅara, Yei Tamụnọ.

Devidi-Anume 45:1

Iḅi ẹkwẹn ì kuroma sọ ḅin-arị, à mịẹ nume mẹ su amadaḅọ ḅe bomarị sakị. Ḍiri kẹ ḍịn-ḅọ kẹ, kẹ sara ḅara anie ị̀ ḅẹlẹ ọgọnọ arị tẹịn-tẹịn pakarị ḅara.

Devidi-Anume 56:1

Yei Tamụnọ, ì ḍiki-sịḅị-kụrụkụrụụ, kịnị owu kẹ ị̀ paka wararị ẹrẹsị; si kẹ ị̀ tọn-arị apụ ma sakị mamgba ị̀ ḅaa ḅẹ ḅọkọ ḍọkịarị.

Devidi-Anume 57:1

Ọkụrụkụrụ nyana ị̀ pịrịị, Yei Tamụnọ, ọkụrụkụrụ nyana-a; ye ḅarị ị̀ la ḅịa ḅara ẹrẹsị arị ị́ ḍọkụma-ḅom. Ị́ pamba suku-ḅio mie à ḅọị ḅẹ anga simearị, nwenii ḍarịarị erise ma ḅọrọ.

Devidi-Anume 6:1

KỊNỊNYANAḄỌ, ịganị ḅụ ì ḍiki-ịganị ma! Ị́ ịganịarị ogbo ì fomu ma!

Devidi-Anume 67:1

Tamụnọ, ọkụrụkụrụ nyana wa pịrị tẹ wa bomaa; iḅi tọrụ kẹ wa ḍikii,

Devidi-Anume 76:1

Juda ḅụ ịn Tamụnọ nimi wararị; tomi ori ẹrẹ kụn-arị Izirẹlị ḅụ.

Ayịzaya 45:24

Ịn ḅẹẹ ḅa mịnẹ ị̀ ḅụ ngẹrị ḅụ mie kịnị owu-ḅara-iḅi na ịnyọ na ḍọkị nyana ḅarịye; kụma ì ḍiki-ḅioḅuarị apụ mamgba tọrụsiẹrị ḅụ tọrụ-tuu ḅa.

Jerimaya 23:6

Ori ama-daarị sakị Juda ḅẹ apụ ma ye kẹ ịn lama ḅẹ ye ofori, tẹ Izirẹlịapụ ma dein ḅụ anga ḅa. Ịn kẹ ọ̀ sịn ḅarị ẹrẹ anie, ‘KỊNỊNYANAḄỌ ḅe anie Wamịna Ḅọrọma.’ ”

Habakọkụ 3:19

KỊNỊNYANAḄỌ ḅe ịnyọ kẹ ị̀ pịrịarị. Ori ị̀ mịẹ tẹ ị̀ aḅụọ kiri ḅụ kụrọ sịẹarị, tụḅụra aḅụọ ọkụ, tẹ ye-ḅụụ-la-a ḅara ì koko kpaịnmarị tụndụ ma ọgọnọ ḅụ.

1 Kọrịntị 1:30

Kụma Tamụnọ ọ́ kẹ ḅo Kịrayịsị Jizọsị na gboloma tẹ, Tamụnọ Kịrayịsị kẹ wamịna nimi sọma tẹ. Ọ̀ ḅụụ ḅụ wa pịkị ḅo Tamụnọ na kura apụ sọ tẹ, pịkị Tamụnọ fịafịa atomi, tẹ ḅo si omoni ḅara-ḅio ofori apụ sọ tẹ.

2 Kọrịntị 1:10

Ọkọ sime opu ḅalafama fịị ḅio mie ọ̀ wa ḅọrọma ye, tẹ ọ̀ pịkị wa ḅọrọma ḅa; wa pịkị ọ̀ kẹ ḅiokpọma wararị mịnẹ ọ̀ pịkị jen kẹ wa ḅọrọma ḅa,

2 Kọrịntị 1:8

Mịnapụ, wa Esiya ibe ḅụ wa da ḅụụ-fụka mẹ kẹ ọmịna ḅiokoroma ḅẹ-ḅiiarị. Wa ponoma ikuye mẹ ḍụḅa la ḅara ḅụ wa ḅarị ḍumo ḅẹ kẹ ḅiotọn-a.

1 Samụẹlị 17:37

Devidi nwẹnị pịkị ḅẹẹ, “KỊNỊNYANAḄỌ ḅe tẹ ọkụkụ ḅe ọgụba mẹ na, tuu ḅe na ọgụba mẹ ḅụ ị̀ ḍụa-ḅọrọma ḅọ ḅe pịkị ḅị Filisiteniḅọ ḅe ḅara ḅụ ị̀ ḍụa-ḅọrọma ḅa.” Tẹ Sọlụ nwẹnị Devidi ḅẹẹ, “Muu, anịsakị KỊNỊNYANAḄỌ ḅe ị́ na simee!”