Devidi-Anume 3:5 - FỊAFỊA BAỊBỤLỤ

⁵ À ḅọlọlọ tẹ monoarị sakị KỊNỊNYANAḄỌ ḅe ị̀ gbaịn-arị bebe ḍin mẹ ḅụ.

Devidi-Anume 3:5 Iomraidhean Croise

Devidi-Anume 127:2

Tomḅọ mḅọ kẹ anga ḅẹ ye gotẹ kọrịnama kọrị ḅụrụ-kọsịarị mẹ papaa faam, ḅaaso kẹ sakị tẹ lịlị nwenii ḍin mu lama tẹrẹmẹ monoarị. Kẹ gotẹ ọkọ ḍukoarị, KỊNỊNYANAḄỌ ḅe mie ọ̀ ḅẹlẹmarịapụ ma fị ḅẹ ye kẹ ịn pịrịarị, in monoarị sakị ḅụ.

Devidi-Anume 34:5

Tomi ponomarị apụ ma ori mie ịn tọrụ pịkị da tẹ ḅioḅẹlẹarị; gbala-gbala ịn papaa ḅara ọlọ ḅịa.

Devidi-Anume 4:8

À koro mono ḅarị sakị, à dein ḅụ mono ḅọrọ so ḅa; ị́yẹrị kịngẹ, Yei KỊNỊNYANAḄỌ, paa iḅiọkụ ị̀ wẹrị kpaịnmaa.

Devidi-Anume 66:9

Ọ̀ wa koko tẹ wa ḍumo tẹẹ, ọ̀ pịkị ḍụkụ tẹ wa ḅịkị-a.

Egberima-Ẹkwẹn 14:26

Kụn kẹ KỊNỊNYANAḄỌ ḅe pịrị mẹ ḅiokpọ kẹ tomḅọ pịrịarị, anị pịkị mịẹ tẹ mḅọ na mḅọ warị-suku na ye ḅụụ la-a tẹ simearị.

Egberima-Ẹkwẹn 18:10

KỊNỊNYANAḄỌ ḅe ọ̀ kụrọtẹ gele-warị na kịkam, anie karakaraye-mịẹapụ ma inetẹ mu tẹ ye ịn la ḅịa anga.

Egberima-Ẹkwẹn 3:24

Í iḅila ọgọnọ mono ḅarị sakị ị́ ḅalafa ḅịa, ị́ pịkị mono ḅọrọ-so ḅa bebe ḍin mẹ ḅụ.

Ayịzaya 26:3

Ị́yẹrị, KỊNỊNYANAḄỌ, bebetẹ dein kẹ amịna mịẹ ḅẹ ye mẹ ọlọ kụrọma tẹ ị́ kẹ ḅiokpọmarị apụ ma pịrịarị.

Lẹvitikọsị 26:6

“Ama mẹ ḅio à dein pịrị ḅa, tẹ ọ́ ḅọlọlọ sime ḅa, anịsakị gbọrụḅọ-sọ mịẹtẹ ọ́ ḅalafa ma. Ama mẹ ḅụ piri-ḅio-ḅẹ si anama ma arị ịn sikima fama ḅa, tẹ okologie mẹ ọmịna ama ḅio ḅọrọ tolu ḅịa.

Fịrịmẹnjịapụ 12:6

Finji tẹ Ẹrọdị Pita pakama-ḅo tomi ma pịrị ḅẹ ḍin mẹ ḅụ, ịn maa ikoli kẹ Pita ịkasị tẹ ọ̀ kẹ maa ọmụapụ ogboku monomam, tẹ ikoli-warị mẹ ḅẹ ogigo-ḅọkọ mẹ ḍikiḍikiapụ sọ sime tẹ korum.