Devidi-Anume 3:4 - FỊAFỊA BAỊBỤLỤ

⁴ À ḅarasụa gotẹ KỊNỊNYANAḄỌ ḅe tẹkẹarị, tẹ ori ọ̀ fịafịa tụndụ mẹ ọgọnọ sime tẹ ị̀ tẹkẹ pakịrịarị.

Devidi-Anume 3:4 Iomraidhean Croise

Suku-saakị 15:1

Mịna aị ma ḅọrọ tẹso, KỊNỊNYANAḄỌ ḅe nwẹnị ịkịan ḅụ ẹkwẹn Ebiramụ pịrị, “Ḅalafa ma, Ebiramụ. Yẹrị anie ị́ ekpeke tẹ ọhọm ḅio ị́ ḍụa ḅarị ḅọ. À pịkị opu gbẹẹ-ye kẹ ị́ pịrị ḅa.”

Devidi-Anume 119:114

Ị́yẹrị anie ị̀ ḍụa tẹ ị̀ gbaịn-arị ḅọ; à ḅioḅẹngbọ kẹ í mininiye mẹ ọgọnọ gbana wararị.

Devidi-Anume 138:3

Àrị ị́ sịn sakị ị́ ị̀ ḅịḅị ọkị; ị́ ị́ ịnyọ kẹ ị̀ mịẹ kuromam.

Devidi-Anume 18:3

À KỊNỊNYANAḄỌ ḅe tẹkẹarị, tẹ ò si kẹ ị̀ tọn apụ ma aḅara ḅio ị̀ ḅọrọmarị. KỊNỊNYANAḄỌ ḅe tokinii!

Devidi-Anume 2:6

Ori mẹẹ, “Zayọnị, ị̀ fịafịa tụndụ mẹ ọgọnọ àrị ama-da ị̀ pịrị ḅẹ ḅọ tọn pakama tẹ.”

Devidi-Anume 27:6

Mie ḅụ à si kẹ ị̀ tọn-arị tẹ ì ikelema-koro wararị apụ ma nẹngịma ḅa. À ḅioḅẹlẹma oloku kọn agba mịẹ KỊNỊNYANAḄỌ ḅe pịrị ḅa ọ̀ Warị ḅio, à nume-su ḅa, à KỊNỊNYANAḄỌ ḅe tokini ḅa.

Devidi-Anume 28:7

KỊNỊNYANAḄỌ ḅe ị̀ gbaịn tẹ ị̀ ḍụarị; Ori mie à kẹ ḅiokpọmarị. Ọ̀ ḅarasụa ị̀ pịrị tẹ ì ḅioḅẹlẹmarị; à ḅioḅẹlẹ anume kẹ ò tokiniarị.

Devidi-Anume 34:4

À KỊNỊNYANAḄỌ ḅe tẹkẹm, tẹ ori ị̀ pakịrịm: ị̀ ḅalafamarị aị mamgba ḅio ori ị̀ pakama-ḅom.

Devidi-Anume 34:6

Ḅarasụa pịrị ḅọ nyana-a apụ ma Ọ̀ sịn tẹ ori ịn pakịrịarị: ịna ḅụụ-fụka mamgba ḅio ori ịn ḅọrọmarị.

Devidi-Anume 43:3

Í bele na ị́ karakara na kẹ fịrịmaa; yee arị ị̀ tọrọkọ-sụn, tẹ ị̀ kẹ pịkịma so Zayọnị, ị́ fịafịa tụndụ mẹ mu, tẹ ị́ Warị mẹ la, ị́ angarị yọ mẹ.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Devidi-Anume 62:8

Ị̀ atomi, sakị mamgba ọ̀ Tamụnọ kẹ ḅiokpọmaa. Ọmịnị ọmịna ḅụụ-fụka mamgba ḍuko ọ̀ pịrị, gbala ori anie wamịna ḅụụ-ḅọị-yọ.

Devidi-Anume 84:12

Kụrọmamgba nyana Tamụnọ, ị́ kẹ ḅiokpọma apụ ma ḅioḅẹlẹ la ḅara ḍiki!

Devidi-Anume 89:19

Ḍawọ-jụ pembe ḅara ḅụ, alatẹ sakị ḅụ, ị́ ị́ afịrịmẹnjịapụ, ḅioḅẹngbọ kẹ ḅụụ ḅụ gbana na-iḅi apụ ma ḅẹẹm: À ḅarasụa kẹ eresoarị gbọrụ ọmụḅọ pịrị tẹ arị emine mẹ kẹ tomi ma ogboku à sẹlẹ pakama-ḅo pịrị tẹ.

Devidi-Anume 91:15

Ịn ḅarasụa gotẹ ị̀ sịn sakị àrị ịna ḅịḅị ọkị ḅa, ịn ḅụụ-fụka ḅio sọ sakị, àrị ini na sime ḅa. Àrị ịn pụkọ-pakamaḅo tẹ ịn kẹ kụn nyana kiri ḅụ wẹrị ḅa.

Devidi-Anume 99:9

Ọ̀ KỊNỊNYANAḄỌ wamịna Tamụnọ ḅe tokini, tẹ ọ̀ fịafịa tụndụ akaka ḅụ sunsin ọ̀ pịrị! KỊNỊNYANAḄỌ wamịna Tamụnọ ḅe fịafịaḅọ.

Egberima-Ẹkwẹn 2:7

Ori mie ḅarasụa na gbaịn ḅọrọma na kẹ karakara mịẹarị, pịkị mingirima mịẹ-mịẹ-a atomi ma pịrịarị.

Ayịzaya 65:24

Ini ị̀ tẹkẹarị sakị ịna ḅịḅị amụ tuu-a ogbo arị ịna atẹkẹ pakịrị ḅa.

Kururu Owu-apọkọ 3:56

À ḅii ye mẹ ị́ naam, í ḅeri gbaịn à ḅarasụa gotẹ kọn-arị owu mẹ pịrị ma!

Matiyo 7:7

“Ó ḅii, ọmịna aḅara la ḅa; ọ́ ḍọkịị, ọ́ ḍọkị ẹrị ḅa; ọ́ ḅakụụ, ḅọkọ mẹ finji ọ́ pịrị ḅa.

Jemụsị 5:13

Ọmịna ogboku ḅụ ḅụụ-fụka nyana ḅọ emi? Mḅọ tẹkẹẹ. Ḅioḅẹlẹarị ḅọ emi? Mḅọ nume su-su Tamụnọ bomaa.