Devidi-Anume 3:3 - FỊAFỊA BAỊBỤLỤ

³ Kụma, Yei KỊNỊNYANAḄỌ, anie sakị mamgba ì ekpeke tẹ ye kẹ ị̀ lama ḅẹ ye da-sikimarị, owu-ḅara-iḅi kẹ ị̀ pịrịarị tẹ mịẹ tẹ à siin ḅiokpọarị.

Devidi-Anume 3:3 Iomraidhean Croise

Suku-saakị 15:1

Mịna aị ma ḅọrọ tẹso, KỊNỊNYANAḄỌ ḅe nwẹnị ịkịan ḅụ ẹkwẹn Ebiramụ pịrị, “Ḅalafa ma, Ebiramụ. Yẹrị anie ị́ ekpeke tẹ ọhọm ḅio ị́ ḍụa ḅarị ḅọ. À pịkị opu gbẹẹ-ye kẹ ị́ pịrị ḅa.”

Suku-saakị 40:13

Tẹra aḍin sakị ḅụ Fero ị́ saakị pakama-ḅo tẹ ị́ kẹ mu sin ị́ kọrịnama kiri ḅụ koroma ḅa, tẹ í tarị iru sụa ọ̀ pịrị sime sakị ḅụ ị́ iru sụa ọ̀ pịrị-pịrị ḅara kẹ iru kẹ Fero iru-sụaye ḅio sụa tẹ kẹ ọ̀ ḅara-ḅio ḅụ ọ̀ pịrị ḅa.

2 Amadapụ 18:30

Ó minini tẹ Hẹzịkaya mịẹtẹ ọ́ KỊNỊNYANAḄỌ ḅe ḅụụ ḅụ sịrẹrẹ ma, ọ̀ nwẹnị ọ́ ḅẹẹm, ‘Karakara-ḅara-ḅụ KỊNỊNYANAḄỌ ḅe wa ḅọrọma ḅa, tẹ mị opu ama mẹ Asiriya ḅẹ amadaḅọ ḅe ḅara-ḅio sọ ḅịa’ ḅẹḅẹ.

2 Amadapụ 18:32

nwenii à ḅo ọmịnị ọkị tẹ kẹ sọ-mu ọmịna ama mẹ pembe ama, tẹ sịnmgbọlị na, iru na, fịye na, kụrọ-aḍụọ na, olivu asịn na, ḅẹm na sime ama ḅụụ koroma ḅa, mịẹtẹ ó ḍumo ḅa, tẹ fịị ḅịa ḅara. Ọmịnị Hẹzịkaya poki ma ori ọmịna toluma irima ḅụ ḅẹẹ ḅa, KỊNỊNYANAḄỌ ḅe wa ḅọrọma ḅa.

2 Amadapụ 25:27

Juda ḅẹ amadaḅọ Jehohakịnị omoni ḅara-ḅio sọ tẹ tẹra kụra fa kụra amesi karama kụra ḅụ, oyi maa akalụ finji karama akalụ mẹ ḅẹ tẹra aḍin fa suei karama eneḅaka ḅụ, Ịvụlụ-mẹro-dakị Babịlọnị ḅẹ amadaḅọ, ori saakị ama-da kụra ḅụ nwẹnị ḍiki-ḅụụjịrị ḅara ḅụ sịḅị nyana kẹ Jehohakịnị pịrị tẹ ọ̀ pakama-ḅo ikoli ḅio;

Devidi-Anume 110:7

Etela akaka mẹnjịarị kala-okolo mẹ ḅio ḅẹ minji mẹ ḅụ amadaḅọ ḅe minji ḅụụ ḅa, tẹ ịnyọ sụa tẹ owu mẹ sọ pẹlẹ ḅa owu-ḅara-iḅi ḅụ.

Devidi-Anume 119:114

Ị́yẹrị anie ị̀ ḍụa tẹ ị̀ gbaịn-arị ḅọ; à ḅioḅẹngbọ kẹ í mininiye mẹ ọgọnọ gbana wararị.

Devidi-Anume 18:2

KỊNỊNYANAḄỌ ḅe anie ì kikimarị ḅọ; ori owu inetẹ ḅo ị̀ la ḅịa anga sọ ị̀ pịrị tẹ. Ị̀ Tamụnọ anie ị̀ gbaịn-arị ḅọ, ọ̀ ḅara-ḅio ị̀ la-la ye ofori. Ori ekpeke sọ ị̀ pịrị wararị; ori ị̀ ḍụa tẹ ì koko kpaịnmarị.

Devidi-Anume 27:6

Mie ḅụ à si kẹ ị̀ tọn-arị tẹ ì ikelema-koro wararị apụ ma nẹngịma ḅa. À ḅioḅẹlẹma oloku kọn agba mịẹ KỊNỊNYANAḄỌ ḅe pịrị ḅa ọ̀ Warị ḅio, à nume-su ḅa, à KỊNỊNYANAḄỌ ḅe tokini ḅa.

Devidi-Anume 28:7

KỊNỊNYANAḄỌ ḅe ị̀ gbaịn tẹ ị̀ ḍụarị; Ori mie à kẹ ḅiokpọmarị. Ọ̀ ḅarasụa ị̀ pịrị tẹ ì ḅioḅẹlẹmarị; à ḅioḅẹlẹ anume kẹ ò tokiniarị.

Devidi-Anume 4:3

Ọ́ kẹ ḅiokoroma mịnẹ KỊNỊNYANAḄỌ ḅe karakaraye-mịẹḅọ mẹ sẹlẹ amịna ḅụụ pịrị tẹẹ, ori ị̀ naarị àrị ọ̀ sịn-arị sakị.

Devidi-Anume 62:7

Ị̀ ḅọrọma na kụn na Tamụnọ ḅụ sịrẹrẹ wararị; ori ị̀ kụrọ tẹ gbaịn ḅọrọmaḅọ; ori ị̀ sịḅị kikima anga.

Devidi-Anume 84:11

KỊNỊNYANAḄỌ ḅe anie wa gbaịn-arị ebube amadaḅọ ḅe, iḅi ḅara kẹ wamịnị na mịẹ na kụn na kẹ wa boma. Kụra mịẹarị apụ ma gbọrụ iḅiye tẹ ọ̀ ḍụkụ tẹ kẹ ịn pịrị, pịrị-a ye ofori.

Ayịzaya 45:25

Yẹrị, KỊNỊNYANAḄỌ ḅe, Jekọbụ furo-ḅẹ-apụ mamgba pụkọ-pakamaḅo, tẹ ini ì tokini ḅa.

Ayịzaya 60:19

Ịrụa ḅarị jen kẹ bele sọ ị́ pịrị ḅịa eneḅaka ḅụ, Anịanịa akalụ mẹ í bele sọ ḍin ḅụ. Yẹrị KỊNỊNYANAḄỌ ḅe í sime gbamaso bele sọ ḅa; Ì ebube mẹ ḅẹ bele ḅịya ị́ sarama ḅa.

Luku 2:32

Bele tẹ Í ḅiiarị ye mịẹ finji Ja asịẹ ḅẹ apụ ma pịrị, pịkị ebube sọ Ị́ atomi Izirẹlị pịrị.”

Ditẹrọnọmị 33:29

Yei Izirẹlị, ḅioḅẹlẹ sime ọ́ pịrịm! Tọ apụ ọmịnị na kịka, KỊNỊNYANAḄỌ ḅe ḍụa-ḅọrọma gbọrụ atomi, ọmịna ḅarasụa ekpeke ḅe! Ọmịnị na fịya-a apụ ḅo, ḅo ọmịna tọrụ iḅi ọkị aị mịẹ ḅa; tẹ ọmịnị ịna gele ayeyọ ma ọgọnọ mẹnjị ḅa.

Mịẹfinji 21:11

tẹ anị Tamụnọ ebube mẹ na kamarị. Opu ama mẹ ḅịya mẹ, yela lamarị ḍụḅarị, tẹ ịn kẹ jasịpa sịn ye mẹ na kịkam, tẹ yori-yorima ḅịyarị, kirisitalị nwẹn-sịn tẹmẹ-ḍikiye ḅịya ḅara famam.

Mịẹfinji 21:23

Opu ama mẹ ịrụa na akalụ na bele ḅii-a, gbala Tamụnọ ebube mẹ ḅịya anị saramarị, tẹ Anana Tụḅọ ḅe pịkị tọnjọ sọ anị pịrị wararị ẹrẹsị.