Devidi-Anume 2:4 - FỊAFỊA BAỊBỤLỤ

⁴ KỊNỊNYANAḄỌ ḅe So-ḅio ori emine ọgọnọ lẹgị tẹ ịn ḍẹrịarị tẹ ịn tọn-arị papaa aị ma komboarị.

Devidi-Anume 2:4 Iomraidhean Croise

2 Amadapụ 19:21

Mie ò gboloma ye ḅụ KỊNỊNYANAḄỌ ḅe kọn ẹkwẹn-ḅịḅị: Kpọma-ḅẹlẹma Jeruselemu Í ḍiki-sima tẹ ị́ ḍẹrịarị; Kpọma-ḅẹlẹma Jeruselemu Ị́ ọḅụjụ á sịḅị jikearị.

Devidi-Anume 11:4

KỊNỊNYANAḄỌ ḅe ọ̀ fịafịa warị ḅio emi: Ori emine So-ḅio emi. Ọ̀ tọrụ tomi ọgọnọ emi anga, anga ḅụ tẹ ịn mịẹarị ye nimi wararị.

Devidi-Anume 115:3

Wamịna Tamụnọ ḅe ò So-ḅio emi; ọ̀ ḅụụ ḅẹlẹ ye ḅẹlẹ ye mie ọ̀ mịẹarị.

Devidi-Anume 123:1

KỊNỊNYANAḄỌ, à tọrụ saakị tẹ kẹ í ḍikiarị So-ḅio í sime tẹ ḅẹrẹtọn-arị anga mẹ ḅụ.

Devidi-Anume 37:13

Kụma KỊNỊNYANAḄỌ ḅe si-sịḅịḅio-sụa atomi ma ḍẹrịarị: ò nimi wararị mịnẹ ala-a ini in ḅaa guluguluma ḅẹ ẹrẹsị.

Devidi-Anume 53:5

Kụma ọkọẹrẹsị kịnị ịna tẹmẹ-naịn-naịnma ḅa, jene-jene amụ anị ịna ḅụ paka-a ḅara, gbala Tamụnọ si kẹ ori atomi ma tọn apụ ma igbe ma gala-galama ḅa. Tamụnọ ịn sịkị tẹẹ, ọkọẹrẹsị Izirẹlị gbọrsịḅị ịn nẹngịma fama ḅa.

Devidi-Anume 59:8

Kụma, KỊNỊNYANAḄỌ, ị́yẹrị ịn ḍẹrịị, oru nimi apụ mamgba komboo.

Devidi-Anume 59:9

Àrị ị́ ịnyọ kẹ ḅiokpọmarị; Yei Tamụnọ, ị́yẹrị anie ị̀ ḅụụ-ḅọị-yọ.

Devidi-Anume 68:33

ó su So-tọrụ mẹnjịarị ḅọ ḅe bomaa elemu sakị kụra-ḅio emi So-tọrụ mẹ. Ọmịnị ori opu ma oloku tẹ fiearị ye mẹ pokii.

Egberima-Ẹkwẹn 1:26

Mie ḅụ ḅụụ-fụka ị́ la sakị àrị ị́ ḍẹrị ḅa. Ḅalafama ye ḅo ị́ bịan sakị àrị ị́ kombo ḅa;

Ayịzaya 40:22

Amịna emine ọgọnọ lẹgị wararị ḅọ ḅe anie anị tẹmẹ ye, anị emine mẹ kiri mẹ ọgọnọ-jụ ḅio tẹ So-tọrụ mẹ ḅọrọ iwo ḅụ anị emi; anị yọ ḍiki ideri kụma tomi ma ịrụ ḅo mẹnẹ ma kịkarị. Ori mie So-tọrụ mẹ kẹ ye gbaịn ye ḅara finjima ye, gbala akpụrụ-warị tẹ kịnị sọ tẹ anga ḅẹ yọ ḅara.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?