Devidi-Anume 16:3 - FỊAFỊA BAỊBỤLỤ

³ Ama mẹ ḅio fịafịa ḍumo kọn-arị apụ ma, in iḅim; ịn ị̀ tọrụ ḅẹlẹmarị.

Devidi-Anume 16:3 Iomraidhean Croise

2 Paka-aị 6:41

Yei KỊNỊNYANA-TAMỤNỌ, mịọkụ saakị, tẹ ị́ ịnyọsara anga muu, ị́yẹrị na, ị́ kụrọ mẹ ḅẹ Ọḅọkụ-Igbe mẹ na. Yei KỊNỊNYANA-TAMỤNỌ, yee ḅọrọma ị́ agbamịẹapụ ma gbaịn anịsakị yee ị́ fịafịa atomi ma í iḅi ḅụ ḍereku.

Devidi-Anume 101:6

Ḅụụ ḅụ ḅioḅẹngbọ kẹ gbana na-iḅi ḅara sime Tamụnọ pịrị apụ ma arị ịn kẹ ye sịn ḅa tẹ minini tẹ ini ị̀ ama-da opu warị ḅio anga ḅa. Ḅọkọ, ḅọkọ mamgba kẹ kịnị mingirima ye mịẹ-a apụ ma à ḍụkụ tẹ ịn fịrịmẹnjị ị̀ pịrị ḅa.

Devidi-Anume 116:15

Ori atomi ma ḅẹ gbọrụḅọ fịị kụma anị kpọma KỊNỊNYANAḄỌ ḅe ḅụụ ịnọarị ḅara ḍiki!

Devidi-Anume 119:63

Fịrịmẹnjị ị́ pịrịarị apụ mamgba ì ikiapụ, inimgba tẹ í oloko ma poki tẹ mịẹarị apụ ma.

Devidi-Anume 122:8

Ị̀ amịnapụ na ikiapụ na gotẹ à Jeruselemu ḅẹẹarị, “Dein ị́ na simee!”

Devidi-Anume 30:4

Ọmịnị KỊNỊNYANAḄỌ ḅe minini apụ mamgba, ó nume-su ò tokinii; Ọ́ Fịafịa Ḅọ ḅe kọrị tẹ ye kẹ ḅiokoromaa, tẹ ịmịẹtẹ kẹ ọ̀ ḅẹẹ.

Egberima-Ẹkwẹn 12:26

Karakaraye-mịẹḅọ mẹ etela kẹ mḅọ ikiaḅọ ḍiearị, kụma si-sịḅịḅio-sụaḅọ ḅe mẹnjị-ḅọrọ-anga mẹ ini maa apụ ma mịẹ tẹ ini etela-iriarị.

Egberima-Ẹkwẹn 13:20

Ye-nimiapụ na mẹnjị gbolomaa, anịsakị í ḅo ye-nimiḅọ sọ ḅa. Ị́ apantu amẹẹ ma na ikia-sọ kụma í gulugulu-faa ḅa.

Egberima-Ẹkwẹn 8:31

Ò tomikiri mẹ gotẹ ḅioḅẹlẹm, Ọ̀ tẹmẹ atomi ḅụ tọrụ-ḅẹlẹ nyanam.

Sọlọmọnị Ḅẹlẹtẹịn Nume 7:10

À sime ị̀ ḅẹlẹmaḅọ pịrịm, ori pịkị ì ḅiiarị.

Ayịzaya 62:4

Kịnị ḅarị jen kẹ “Sịkịtẹ-ḅọ” kẹ ị́ sịn ḅịa, Anịanịa ị́ amakiri mẹ sịn, “Koroma-so tẹ Ẹrẹḅọ ma.” Ị́ ịwọ ẹrẹ sọ ḅarịye anie, “Tamụnọ Á Ḍiki Ḅioḅẹlẹarị.” Ini ị́ amakiri mẹ sịn ḅa, “Diḅọ na Ḅioḅẹlẹ ḅụ angarị Ẹrẹḅọ,” Kẹ gotẹ ọkọ ḍukoarị, KỊNỊNYANAḄỌ ḅe í ḍiki-ḅioḅẹlẹarị, Tẹ ori diḅọ sọ ị́ amakiri mẹ pịrị ḅa.

Malakayị 3:17

Kụrọmamgba nyana KỊNỊNYANAḄỌ ḅe ḅẹẹm, “Ini ị̀ atomi sọ ḅa. Anị ene ḅụ, àrị à mịẹ ḅẹ ye mịẹ sakị, in sime ị̀ pịrị apụ sọ ḅa karakara-ḅara-ḅụ. Àrị ọkụrụkụrụ nyana ịn pịrị ḅa, ḍaḅọ ọkụrụkụrụ nyana ọ̀ tụḅọ tẹ fịrịmẹnjị ọ̀ pịrịarị ḅọ pịrị ḅara.

Fịrịmẹnjịapụ 9:13

Ananayasị nwẹnị pakịrị, “KỊNỊNYANAḄỌ, tọnwa apụ ḅị tomḅọ ḅe gbolomaye ḍuko ị̀ pịrị tẹ, pịkị ḅalafama aị tẹ ọ̀ kẹ Jeruselemu ḅụ í minini apụ ma mịẹ tẹ aị na.

Galesiya 6:10

Anie ḅụ otolo foo sakị, foo sakị wa iḅi kẹ ḅẹḅọ-ḅẹḅọ mịẹ, jen-a jen-a wamịnị na gbọrụ minini etela mẹnjịarị apụ ma.

Ẹfisọsị 1:1

Pọlụ, Tamụnọ minini ḅara ḅụ, ḅo Kịrayịsị Jizọsị fịrịmẹnjịḅọ sọ ḅọ ḅe: Mị ḍiri mẹ kẹẹ tẹ kẹ Ẹfisọsị ḅụ Tamụnọ atomi ma, tẹ minini nyana ḍumo ḅụ Kịrayịsị Jizọsị na gbọrụ ḅụụ simearị apụ ma fịrịmarị.

Tayịtọsị 3:8

Miemẹ karakara ẹkwẹn. À ḅiiarị ị́ mịna aḅẹrẹ ma ḍuko, ḍuko kụrọma, mịẹtẹ Tamụnọ ḅụ minini nyana apụ ma ịna sakị kẹ iḅi amịẹaị pịrị mẹ kẹ ye-sịn, anie iḅi kẹ ḅẹḅọ-ḅẹḅọ mịẹ ḅẹ aị.

Hiburu 6:10

Tamụnọ ò tomḅọ la kiri kẹ mḅọ pịrị-a so so-a. Ọ́ kọrị ọ̀ pịrị kọrịnama mẹ ọ̀ kẹ ḅioḅọrọma ḅịa, anịanịa ò gotẹ ọ́ nyana ọmịna pembema Kịrayịsị ḍukamẹnjịapụ pịrị ḅẹlẹma mẹ, anie ḅarasụa ịn pịrị ḅụ ó ḍie pakama ye mẹ, tarị tarị ọ́ mịẹ tẹ, pịkị mịọkụ mịẹarị ḅara mẹ.